Deuteronomy 4:40 - Labrador Inuttitut Heritage Bible

⁴⁰ Maliluaraksarivatillo tâpsoma maligaksangit perᴋojangillo, uvlome ilingnut perᴋojarijakka, pilluangoᴋovlutit, igvit ᴋitorngatillo kingunerne, uvlutillo unuksiᴋovlugit nuname Nâlekab Gûdivît tunijangane ilingnut soraijuitomik.

Deuteronomy 4:40 Iomraidhean Croise

Imgerut 105:45

Nâlatsiartuksauᴋovlugit idluarijanginnik, ivlersijuksauᴋovlugillo malligaksauᴋojanginnik. Halleluja.

Exodus 20:12

Atâtangnik anânangniglo nâlaktuksauvotit: akkunêrtomik inôniarᴋovlutit nuname Nâlekab Gûdivit tunijangane ilingnut.

Exodus 23:26

Serᴋomitsijoᴋaromângilak piaraksamingnik, ᴋitorngisuitoᴋaromâranelo nunangne; Uvluksavillo unurningit nâmaksititsomavakka.

Okaluktok 8:12

Idluitullijok hundertêrtorlune idluitulligalloarpat, inôkitâgalloarpallo: tagva sulle ᴋaujimavunga tâpkoa ᴋanoêngitsiaromârmatta Gûdemik sivôrajut, kenanganik illerasuktut.

Jesaiase 65:20

Tagvane nutaraᴋarungnairomârpoᴋ uvluinalingmik, itomiglõnêt uvluksaminik inoᴋsitomik. Toᴋolertoᴋ jârelik 100 nik inôsuktôjomârpoᴋ, toᴋolertorlo jârelik 100 nik issumagijaujomârpoᴋ idluitullijotut pidlartaujotut.

Jeremia 11:4

Angerutigilauᴋtamnik atâtagijapsingnut uvlorme aularutjivigilauᴋtamne tâpkoninga nunamit Egiptenemit, kiaksauteâlungmit kikiangojomit, oᴋarlunga: Nippiga nâlaksiuk, piniarlugillo tamaita perᴋojakka ilipsingnut; taimak inuᴋutaujomârpose uvamnut, uvangalo Gudeojomavunga ilipsingnut;

Jeremia 35:18

Jeremiablo Rîkabib kinguvângit oᴋautivait: Imâk oᴋarpoᴋ Nâlagak Zebaot, Israêlib Gudinga: Jônadab atâtapse perᴋojangit nâlalaurapsigik, inerterusingillo nalautsitilaurapsigik, pinialaurapselo tamainik perᴋojanginik ilipsingnut;

Jeremia 7:23

Imaitomigle perᴋolauᴋpakka, oᴋarlunga: Nippiga nâlaksiuk, Gudeojomavungalo ilipsingnut inuᴋotigijomavapselo; arvertaritselo apᴋutauᴋojamne, ᴋanoengitsiarᴋovluse.

Jeremia 7:7

Inniksaᴋartitsomavapse tamâne, nuname tunilauᴋtamne atâtagijapsingnut, itsarsoarmit issoᴋangitomullo.

Leviticus 22:31

Taimaimat perᴋojakka maligaksarivase piniarlugillo; Uvangauvunga Nâlegak.

Numbers 10:29

Mosesiblo Hobabe, Reguelib Midiamiub, Mosesib sakkiata, erninga oᴋautivâ: Ingergavogut nunamut Nâlekab oᴋautigijanganut: tunijomajara ilipsingnut; ilagilauᴋtigutidluarᴋutiksarsijomavaptigit; Nâlekab Israêlikut ajungitomik angervigingmagit.

Johannese 14:15

Nagligigupsinga, perᴋojakka malingniarsigik.

Efêsusemiunut 6:3

Kanoengitsiarᴋovlutit, akunêrtomiglo inôniarᴋovlutit nuname.

Deuteronomy 11:9

Uvluselo unuksivaliaᴋovlugit nuname Nâlekab angerutigijangane atâtapsingnut, tâpkonunga kinguvânginullo tunijomavlugo, nuname imungmik igupsaujârullo orᴋsuanik kôlingme.

Deuteronomy 12:25

Nerrijaksaringilat, igvit ᴋitorngatillo kingunerne ᴋanoengitsiarᴋovluse, piniarupse idluarijaujunik Nâlekab takkoane.

Deuteronomy 12:28

Kamagitsiarkit tusâtsiarlugillo oᴋautsit makkoa tamaita perᴋojijutigijakka ilingnut, igvit ᴋitorngatillo kingunerne ᴋanoengitsiarᴋovluse nâksaungitomut, piniaruvit ajungitomik idluarijaujomiglo Nâlekab takkoane.

Deuteronomy 22:7

Anânak tingititaksarivat piaraille tigujungnarpatit ilingnut; ᴋanoengitsiarᴋovlutit uvlutillo unuksiᴋovlugit.

Deuteronomy 25:15

Oᴋumailutaᴋartuksauvotit nâmaktomik idluartomiglo; oktûteᴋartuksauvotit nâmaktomik idluartomiglo; uvlutit unuktôᴋovlugit nuname Nâlekab Gûdivît tunijangane ilingnut.

Deuteronomy 32:47

Tamanna ilipsingnut sulingitôtsangimat, inôgutigigapsiuk, tamattomûnalo uvluse nuname aivigijase, Jordane ikârdlugo, pigijomavlugo, unuksitilârapsigik.

Deuteronomy 33:25

Kikianik ᴋaᴋorlermiglo palangairuserviᴋartuksauvotit; uvluktitullo taimailingajuksauvok pitsartunît.

Deuteronomy 4:1

Manalo, Israêl, maligaksat idluarsautiksallo Ajuᴋertûtigijakka ilipsingnut tusarsigik, piniarᴋovluse tâpkoninga; inôᴋovluse, iterᴋovluselo nunalo Nâlekab, atâtapse Gûdingata, tunijanga ilipsingnut pigilugo.

Deuteronomy 4:2

Oᴋauseᴋ perᴋojijutigijara ilipsingnut ilajaksaringilase ilangaraksarilungilaselônêt; Nâlekab Gûdipse perᴋojangit perᴋojarijakka ilipsingnut nelaudlugit piᴋovluse.

Deuteronomy 4:5

Ahâk, ajuᴋertorpapse maligaksanik idluarsautiksaniglo, sorlo Nâlekab Gûdima perᴋongmanga, taimailiorᴋovluse nuname aivigijapsingne pigijomavlugo.

Deuteronomy 4:6

Taimaimat ivlerisigik piniarlugillo; tamanna ilisimanerigapsiuk silatunerilugolo inôᴋatigêksuit takkoane, tusalârtut maligaksauᴋojaujunik makkoninga tamainik, oᴋarniarlutiglo; Inôᴋatigêksuit tâpkoa ilisimadlarlutiglo silatudlartoksôvut.

Deuteronomy 5:10

Nâpkiningnermigle saᴋᴋertitsivunga tausendeoᴋattartune nagligijimne perᴋojamniglo nâlektune.

Deuteronomy 5:16

Atâtangnik anânangniglo nâlektuksauvotit, sorlo Nâlekab Gûdivît perᴋongmatit; uvlutit sivitoᴋovlugit, inôtsialuarᴋovlutillo nuname Nâlekab Gûdivît tunijangane ilingnut.

Deuteronomy 5:29

ᴋanoktôk taimaitomik ômateᴋatsainarlit sivôraᴋovlugit uvamnik perᴋojakkalo tamaita maliklugit, piloridlarᴋovlugit, tâpkoa ᴋitorngangillo soraijuitomik.

Deuteronomy 5:33

Arvertartuksauvose apᴋome ilûnâne Nâlekab Gûdipse perᴋojangane ilipsingnut, inôᴋovluse, piloridlarᴋovluselo, unuksititsiᴋovluselo uvlupsingnik nuname pigilârtapsingne.

Deuteronomy 6:18

Idluartomiglo ajungitomiglo Nâlekab takkoane piniartuksauvotit, piloridlarᴋovlutit, iterungnarᴋovlutit pigilugolo nuna piodlartok Nâlekab angerutigijanga atâtagijarnut,

Deuteronomy 6:3

Nâlagit, taimaimat, Israêl, kamagitsiarlugo piniarᴋovlutit; piloridlarᴋovlutit, unuksivaliaᴋovlutillo sôngojomik, sorlo Nâlekab, atâtagijavît Gûdingata, angervigingmatit, nuname imungmik igupsaujârtullo orᴋsuanik kôlingme.

I Timôteusemut 4:8

Timib pinginik sungiutigannernek atornarniᴋingmat; Gûdemigle nâlengnek atornarpok tamainut, angerviomajoktauk inôtsemik mânêtomik neliutuksamiglo.