Deuteronomy 4:39 - Labrador Inuttitut Heritage Bible

³⁹ Taimaimat nelojungnailerit uvlome, ômamiutarilugolo, Nâlegak tâmnaungmat ᴋilangme pâne, nunamelo atâne Gûdeojok; nelleᴋangilak.

Deuteronomy 4:39 Iomraidhean Croise

II Samuel 7:22

Tamanna pivlugo angijônasugijauvotit; illiktut itoᴋangimat, Gudeᴋangilarlo illiktun îtomik; tamaita siutiptingnut tussarlauktavut malliklugit.

I Kronika 17:20

Nalegak adseᴋangilatit, Gûdeᴋangilarlo asingnik, taimaimariklutit sorlo siutiptingnut tussarlaurapta.

I Kronika 28:9

Igvillo ernik Salomo, atâtavit Gûdinga illitarileruk, kivgartorlugolo omamut tamânut, tarnimullo ᴋunujuitomut. Nalekab omattit ilûnaita nautsertormagit, issumaillo tamaita issumaksarsiorningit tukkisivait. Kennerniarungne nachvârniarpat; ᴋemaniarungnele, ajaktorniarpâtit soraijuitomik.

I Kronika 29:11

Igvit, anginek, pitsartunerlo ânanaunerlo, sâlaᴋarnerlo, ussornarnarnerlo pigivattit. Ilûnaita ᴋilangmêtut nunamêtullo nangminerigangne. Igvit Nalegak nalegaunek pigivat, pôktojovaksôvotit angajoᴋaksoangolutillo ilûnainut.

II Kronika 20:6

Oᴋarlunelo: Nalegak atâtagijapta Gudingat, igvit Gudeungilatît ᴋillangme, aulatsijolungilatîllo innuᴋattigêksuit illunamasiatik attanniovingine? Aggangnelo pitsartuneᴋarpok sôngoneᴋarlunelo, kialonêllo akkerartorungnangilâtit.

Imgerut 100:3

Illitarksileritse Nâlegak Gudeôngmat. Tâpsoma sannalaukpâtigut, nangmineungitogullo, innuᴋotautiluta ingminut saugaᴋutautilutalo mianersinerminut.

Imgerut 115:3

Gûdivulle ᴋillangmêpok; pingortitsijungnarpok issumagijaminik.

Imgerut 135:6

Nâlekab tamaita pijomajane piniarpait, ᴋillangme nunamelo, imarbingme ittinersoanelo tamaine.

Exodus 8:10

Oᴋarpok: ᴋaupat. Kiovorlo: Sorlo oᴋaravit (taimainiarpok), tukisilerᴋovlutit Nâlegak Gûdivut naleᴋangimat.

Jesaiase 1:3

Tuktuvaub pairijine illitarivâ, siuterᴋortojublo perᴋutigijime nerrititsivia illitarivâ, Israêlitille illitarᴋsilungilat inuᴋotikkalo kamalungilat (uvamnik pairijimingnik).

Jesaiase 43:10

Illipse kigligiudsijôvose pivlunga, oᴋarpoᴋ Nâlegaᴋ, kivgaralo anerijara, ᴋaujilerᴋovluse okperᴋovluselo uvamnut tukkisilerᴋovluselo, uvangaugama. Sivunipkut Gûdeojomik pijoᴋangilaᴋ, kingunipkullo pijoᴋaromânginivoᴋ.

Jesaiase 44:8

Sivoraniarase erᴋsiniaraselo! Sivorngane tamattominga ᴋaujitilungilapsê tussartilluselo? Illipse kigligiudsijôvose. Assimnik Gûdeᴋarᴋâ? Kairtoᴋangilaᴋ, assimnik ᴋaujilungitunga.

Jesaiase 5:12

Harfiniglo ᴋellularaniglo ᴋillautiniglo nipjautiniglo vainemiglo ᴋuviasûteᴋarput, Nâlekab piniarningit kamaginagit aggangitalo sullijangit takkonârnagit.

Daniel 4:35

Silaᴋsoarmiullo ilûnamatsiatik sunaungitotun-ingmatta, issumaminik piniarami ᴋilangmiugasaksoarni, silaᴋsoarmiugasaksuillo akorngani; agganginiglo noᴋartitsijoᴋarungnangilaᴋ, oᴋarvigilugolônêt: Suvêt?

Hosea 7:2

Omatimingnelo aulajilungilat uvanga idluituliningit tamaita erᴋaumagapkit; mâna piniarningita ilumavait; kênama sânganêput.

I Korintemiunut 8:4

Gûdeungitunut tunergutinik nerrinek pivlugo ᴋaujimavogut tagva, Gûdeungitok nuname sunautsangimat, Gûdeᴋangimallo atausetôjub assianik.

I Korintemiunut 8:6

Taimaigalloartilugo, atausênarmik Gûdeᴋarpogut, Atâtamik; tâpsomangat ilûnnamatsiatik pivut, uvagullo tâpsomanêpogut; atausênarmiglo Nâlegaᴋarpogut Jêsuse Kristûsemik, tâpsomûna ilûnnamatsiatik pivut uvagullo tâpsomûna.

Deuteronomy 32:12

Nâlekab kissime tesiorpâ, tâpsomane Gûdeᴋangilak takorngartamik.

Deuteronomy 32:29

Attauk taima silatuneᴋarlit, ipaksilit tamattominga, naggatiksamingnik issumaksarsiorlit!

Deuteronomy 4:35

Ilingnut unertutigijaulauᴋpok, ᴋaujiᴋovlutit Nâlegak, tâmnaungmat Gûde, nelleᴋangimallo.

Deuteronomy 6:4

Omat, Israêl; Nâlegak Gûdivut Nâlegaujotôvok;

Deuteronomy 7:9

Taimaimat ᴋaujijuksauvotit Nâlegak Gûdît Gûdeongmat; Gûde nelâgôrtok nelautsititsilune angerutigijaminik nâpkiniklunelo nagligijiminik perᴋojaminiglo nâlektunik kinguvârêt tausendit tikilugit.

Josua 2:11

Taimangallo tamattominga tussarlaurapta, omattivut mungungavut, maksoarneᴋarungnailunelo nalliane tikkiniarnise pitjutigellugo; Nalegak Gudise Gudeôngmat, tamangne pâne ᴋillangme, attânelo nuname.

I Samuel 2:2

Ivsornaitoᴋangilak Nalekab assianik; illingnit asseᴋangilak; sapputsauviksaᴋalungilarlo Gudipta assianik.