Deuteronomy 4:34 - Labrador Inuttitut Heritage Bible

³⁴ Gûdelônêt tigusinasualauᴋsimavâ inôᴋatigêksoarnik nangminerijomajaminik inôᴋatigêksuit tâpkoa assingita akornganit, ôktornernut, nelunaikutanut, tatamnartulinernut, unatarnermut, aggangnut pitsartudlartunut, tallermullo issamijomut, kapianartovaksoarnullo, sorlo Nâlekab Gûdipse piniulaungmase Egipteneme ijipse sânginê?

Deuteronomy 4:34 Iomraidhean Croise

Imgerut 136:12

Aggangnut pitsartojunut, tallermullo issamijomut; pitsiarninga îtsainarmat issoᴋangitomut.

Imgerut 24:8

Kinauva attannek nâlengnartok taimna? Nâlegauvok pitsartujok sôngolunelo, Nâlegak sôngojok sorsungnerme.

Imgerut 78:12

Atâtagilauktangita sânginne tattamnartullilaukpok Egiptenib nunangane, Zoanib naternangane.

Exodus 1:9

Oᴋarporlo inuᴋotiminut: Takovose, inuit ukkoa Israêlikut ununersaulermata sôngonersauvlutiglo uvaptingnit:

Exodus 10:21

Nalekablo Mosese oᴋautivâ: Aggatit isakit paunga ᴋilangmut, Egiptenib nunanga ulliktaurᴋovlugo tâksoarmut, illâ, tâktsoarmut aktortaujungnartomut.

Exodus 10:7

Faraublo kivgangita oᴋautivât: ᴋanok sivitutigijomik angut tâmna nigarniuteojuksauvâ uvaptingnut? Angutit aularᴋokit kivgartorᴋovlugit Nâlekamik Gûdimingnik: ᴋaujimangilatît sulle Egipten asserortaungmât?

Exodus 13:3

Tagva Mosesib inuit oᴋautivait: Erᴋaumalersiuk uvlok tamanna, anivigijase Egiptenemit, iglomit kipalûtitauvigijapsingnit; aggangnut pitsartujunut Nâlekab tagvangat aulartilaungmase: sêrnarsarsimajomik ᴋakᴋôjaktortoᴋartuksaungilak.

Exodus 14:30

Taimâk Nâlekab Israêlikut piulivait uvlorme tâpsomane Egiptenemiut agganginit; Israêlikullo Egiptenemiut toᴋungajut takovait imarbiub sikjangane.

Exodus 15:11

Kina Gûdit akorngane iliktut-ikâ, Nâlegak? Kina iliktut-ikâ, inornadlarlune ivsornainerme, sivôranadlarlune nertoraksauvlune, tatamnartulivlunelo?

Exodus 19:4

Egiptenemiunut piniarnerijakka takolaukpase, ᴋanorlo nangmarapse naktoralît esarᴋunginut, tikiutitiluselo uvamnut.

Exodus 3:10

Taimaimat ailerit mânna taikunga, Faraomut tilijomagapkit, inuᴋotimnik Israêlikunik aulartitserᴋovlutit Egiptenemit.

Exodus 6:6

Tamanna pivlugo Israêlikunut oᴋarit: Uvanga Nâlegauvunga Egiptenemiullo siorniortitsininginit aularutijomârpapse, nûtiluse kivgartortitsininginit, piulivluse talikut isamijokut, sugiartauviksoakullo.

Exodus 7:3

Uvangale Faraub ômmatinga sittisititsomavara, nalunaikutat tatamnartullo (piniaromajakka) unuksitilugit Egiptenemiut nunangane.

Jesaiase 51:9

Tupalerit, tupalerit, pitsartunermik attilaurit, Nâlekab tallinga igvit! Tupalerit sivornganetut, sôrlo itsaᴋsoaᴋ inôlauᴋtut akkornganne! Igviungilatît pingijaitomik sâlaᴋartoᴋ, ômajoâlungmik toᴋotsijoᴋ?

Jeremia 21:5

Uvangalo nangmineᴋ unatarvigijomavapse agganut issângajunut talermullo pitsartujomut, ila, ningârnerme, ᴋaningaumajârnermelo, ilungertudlarnermelo.

Jeremia 32:21

Tikiutjilauᴋtotillo inuᴋotingnik Israêlikunik nunamit Egiptenemit nalunaikutatigut, tatamnartutigullo, aggangnullo pitsartujunut, talingnullo issangmijomut kapianartoᴋsoarmullo;

Numbers 20:16

Nâlegarlo nipliavigilauraptigo, nippivut tusarpait, engelelo tilivâ, tikiutitilutalo Egiptenemit; ahâglo, Kadesemêpogut, iglugasaksoarne nunavit erᴋâta kiglingane;

Deuteronomy 1:30

Nâlegak Gûdise sivorlerijase sorᴋsulârpok pivluse, taimaluatsiak sorlo piniulaungmase Egipteneme ijipse sângine;

Deuteronomy 10:21

Tâmna nertornautigivat, tâmnalo Gûdigivat, tâpsoma piniutipâtit angijunik kapianadlartunik makkoninga ijikpît takojanginik.

Deuteronomy 11:2

Uvlomelo misigitsiaritse; oᴋarviginginapkit ᴋitorngase, ᴋaujimangitut takungitullo Nâlekab Gûdipse sugiarninginik, angijôninganik, agganginiglo pitsartujunik, talinganiglo issangmijomik,

Deuteronomy 26:8

Nâlekablo anitipâtigut Egiptenemit aggangnut pitsartudlartunut, talermullo issamijomut, ᴋoaᴋsârnartunullo angijoksoarnut, nelunaikutanullo, tatamnartunullo;

Deuteronomy 29:3

Oktornerit angijut ijipse takojangit, nelunaikutallo tatamnartoksuillo ipkoa angijut;

Deuteronomy 33:29

Piloridlarpotit, Israêle, kia adsigivâtît? Inôᴋatigêksuit piulijaujut Nâlekamut, sapûlutarijarnut, ikajortigijarnut, saviksoarmullo inornautigijarnut! Omigijitillo manigotijomârput ilingnut, igvillo tâpkoa poktoningit tullerajalârpatit.

Deuteronomy 34:12

Aggangnullo pitsartudlartunut, kapianartunullo angijunut Mosesib piniartanginut Israêlekut ilûnatik takkoane.

Deuteronomy 5:15

Erᴋaijuksauvotillo kivgaulauravit nuname Egipteneme, Nâlekablo Gûdivît tikiutivâtit tagvangat aggangnut pitsartujunut tallermullo issamijomut; tamanna pivlugo Nâlekab Gûdivît perᴋovâtit uvloᴋ sabbateojok ivlerijaksarigangne.

Deuteronomy 6:21

Ernît oᴋautilârpat: Faraub kipalogilauᴋpâtigut Egipteneme; Nâlekablo tikiupâtigut Egiptenemit aggangnut pitsartujunut;

Deuteronomy 7:19

Oktornerit angijut ijivît takojangit, nelunaikutallo, tatamnartullo, aggaillo pitsartujut, tallerlo issamijok, Nâlekab Gûdivît anititsijutigilauᴋtangit ilingnik; inôᴋatigêksuit erᴋsigijatit tamaita Nâlekab Gûdivît taimailiorvigijomârivait.

Deuteronomy 9:29

Igville inuᴋotigivatit kingormgutilaitalo, tikiutijatit pitsartunersoarmut talingnullo issamijomut.

Josua 24:7

Tagva Nalekamut nipliadlalaukput, tapsomalo tâksoak pitilaukpa, illipse Egiptenemiullo akkornganut, imarbiksoarlo âlugo ᴋânginut, ullilaukpait. Ijisselo takkolaukput sunamik piniarnerilauktamnik Egipteneme. Illipse nunaᴋalaukpose sunaᴋangitome akkunit.

I Pêtrusib 5:6

Tamanna pivlugo ilipsingnik nikanarsâritse Gûdib agganginut pitsartujoᴋsoarnut, neliunermine ilipsingnik nertornartitserᴋovlugo.