Deuteronomy 4:32 - Labrador Inuttitut Heritage Bible

³² Aperᴋutigikit uvlut ᴋângersimajut, sivunernêtut, uvlormit Gûdib pingortitsivigilauᴋtanganit inungnik nuname, kilaublo issuanit issuata aipânut, mattotunak angitigijoᴋalaungmangât, mattotunarlônêt tusaumajaujoᴋarmangât.

Deuteronomy 4:32 Iomraidhean Croise

Genesis 1:27

Gûdiblo inuk pingortipâ, ingminik adsilivlune, Gûde adsilivlugo pingortipâ, angullo arnarlo pingortipak.

II Samuel 7:23

Nanele nuname innuᴋattigêksoaᴋaᴋa innuᴋotiktut Israelitititut? tapkoa pivlugit Gude ailaungmat innukotiksaminik piulikleromavlune, atteᴋartitsomavlune ingminut, pinniarnerniglo taimaitunik angijoksoarnik kappianartuniglo pinniarlune nunaᴋotingne, innuᴋotivit sângine, piulilauktavit illingnut Egiptenemit, nallojunit, Gudingoanginillo.

Hiobe 8:8

Kinguvârêlle sivurlit appertsorkit, kajusilutillo atâtagilauktangit nautsertorlugit.

Imgerut 44:1

Gude siutiptigut tussalaukpavut, atâtagijapta unipkautigilaukpait uvaptingnut, pinniarnerilauktâttit taipkoa nalliuningine itsaksoarme.

Exodus 34:10

Oᴋarporlo: Ahâk, angeᴋatigêngnelioromavunga inuᴋotingnut tamainut, tatamnartulijomavungalo sorlo nunaksoarme ilûnâne inôᴋatigêksoarnelo nalliane piniartoᴋalauᴋsimangimat: inuillo ilûnnatik najortatit takojuksauvut Nâlekab sulianganik: ᴋoaksârnarmat suliarijomajara ilingne.

Jesaiase 45:12

Uvanga nuna sanavara, uvangalo inuit nunamẽtut pingortipakka, uvanga aggamnut ᴋilak issivipara, pitanginullo illũnamasianginut Nâlegauvunga.

Joel 1:2

Tamanna tusarsiuk, ilipse inutoᴋaujose, siutiselo manisarsigik, ilipse nunamiojose tamapse. Taimaitoᴋalauᴋâ uvlupsingne, atâtapselônêt uvlunginê?

Amos 3:2

Ilipse kissipse ᴋitorngarêksoarnit tamainit nuname ilitarijatuarivapse: tamanna pivlugo idluitulinise tamaita akkiniarutigijomavakka ilipsingnut.

Mattêuse 24:31

Engelinalo tilijomârpait tiptulautilijartut nipperᴋortojunik; anerijangillo katitilugit anorenit sitamanit, ᴋilaub issuanit issuanut.

Markuse 13:27

Engelinelo tilijomârpait, katitilugillo anerijane anorenit sitamanit, nunab issuanit ᴋilaub issuanut.

Deuteronomy 28:64

Nâlekablo siamartitsomârpâtit inôᴋatigêksuit akorngane nunab issuanit aipânit nunab issuanut aipanganut; tagvanelo Gûdib assingit, igvit atâtagijavîllônêt ilitarilaungitase, kivgartulârpase, ᴋejuit ujargallo.

Deuteronomy 30:4

Apsimajigijavît ilangit ᴋilaub kiglinganêgaloarpatta ungardlerpâme, tagvangat Nâlekab Gûdivît ᴋaiᴋolârpâtit, tagvangallo ailârpâtit;

Deuteronomy 32:7

Uvlut itsarnitat erᴋaumalersigik; kinguvârêt tuglerêt unuktut inôvigijangit issumaksarsiorutigisigik; atâtait apertsoruk, tâpsoma nelonaijaiviginiarpâtit; angajoᴋâtillo, tâpkoa oᴋautiniarpâtit.

Deuteronomy 33:29

Piloridlarpotit, Israêle, kia adsigivâtît? Inôᴋatigêksuit piulijaujut Nâlekamut, sapûlutarijarnut, ikajortigijarnut, saviksoarmullo inornautigijarnut! Omigijitillo manigotijomârput ilingnut, igvillo tâpkoa poktoningit tullerajalârpatit.

Deuteronomy 4:7

Nane inôᴋatigêksoaᴋarᴋâ taimak ᴋanitigijomik Gûdelingnik, sorlo Nâlegak Gûdivut ᴋanitigingmat uvaptingnut ᴋaigarsugvigijarangaptigô?