Deuteronomy 4:31 - Labrador Inuttitut Heritage Bible

³¹ Nâlegak Gûdît Gûdeongmat nâpkigosuktok; tâpsoma ᴋujanârutiginiangilâtit asserorniangilâtillônêt, puigorniangilarlo angernermik angerutigilauᴋtaminik atâtagijarnut.

Deuteronomy 4:31 Iomraidhean Croise

Imgerut 116:5

Nâlegak saimarveᴋarpok idluarlunelo; Gûdivullo nâpkoarosukpok.

Deuteronomy 31:8

Nâlegarlo nangmineᴋ sivunerne ingergarniarpok; tâpsoma ilaginiarpâtit, iperarniatsangilâtit, ᴋemangniangilâtillo; sivôranak, uimâlaniarnaglo.

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Nehemia 9:31

Napᴋoarosuktoksônît malliklugo nungumaritaililaukpattit, ᴋemalaungilattillonêt; Gûdeôgavit saimarviᴋarosuktok, napᴋoarosuktorlo.

II Kronika 30:9

Illipsele sâlerniarupse Nalekamut, tagva ᴋattangutise ᴋittorngaselo napkigijauneᴋarniarput parnanairsortimingne, nunamut tamattomunga utterᴋovlugit, Nalegak Gudise saimarsaigosungmat, napkigosuklunelo, kênanelo sânguniangilâ illipsingnit, illipse sâvigigupsiuk.

Leviticus 26:42

Uvanga tagva angernera Jakomut, angerneralo Isaarmut, angerneralo Abrahâmut erᴋaumajomavakka, nunalo erᴋarlugo.

Deuteronomy 31:6

Sôngotitse maksuavluselo, sivôraniaraselo, kapiasûtiginiarasigiglo tâpkoa; Nâlekab Gûdivît nangminek ingergarᴋatigingmatit; tâpsomalo iperarniatsangilâtit, ᴋemangniangilâtillônêt.

Lukase 1:72

Nâpkigosungnermiglo sakᴋertitsilune angajoᴋâptingnut, angerninelo hailigiojok erᴋaumavlugo,

Jeremia 14:21

Attît pivlugo naggoginiaratiguttôᴋ, ânanaunivît iksivautaᴋsoanga mitautiksautiniarnagotôᴋ; erᴋailaurit, angeᴋatigêngnerijat uvaptingnut, serᴋominiarnagotôᴋ.

Imgerut 111:9

Piuliklernek tillikliutivâ innuᴋotiminut; angerpok angersimaninga îtsainartuksaungmat issoᴋangitomut, Attinga ivsornaitoksôvok, opinartoksôlarmelo.

Imgerut 111:5

Nerᴋiksamik tunnijivok tâpkonunga sivoragijiminut; angersimanine erᴋaumatsainarpâ issoᴋangitomut.

Josua 1:5

Kialonêt akkerartoraksaringilâtit inôsingne tamât. Sorlo Mosese aiparilaurapᴋo taimak aiparijomavagittauk. Kemagomangilagit aularviginaglonêt.

Numbers 14:18

Nâlegaᴋ ᴋenuêdlarpoᴋ nâpkiniktoᴋsôvlunelo, issumagijungnainikpoᴋ ajornernik tapatonerniglo, pidlartailitsingitorle ᴋaᴋialerneᴋangitunik; atâtat idluitulininginik pidlarnikpoᴋ ᴋitorngane, ernerêt kingorlerêt pingajungit sitamangillo tikidlugit.

Leviticus 26:45

Tâpkoale pivlugit erᴋaumajomavara angernerilauktara sivorlinginut tikiutilauktamnut nunamit Egiptenemit inôᴋatigêksuit takkoane Gûdeoᴋovlunga tâpkonunga Uvangauvunga Nâlegak.

Nehemia 1:5

Oᴋarlungalo: Nâlegak ᴋilaub Gûdinga, Gûdeôjoksôjotit, sivuranartoksôlutillo, angersimanermik, napkiningnermiglo torᴋorsijok tapᴋonunga naglingniktunut tapsominga, perᴋojanginiglo Nâlektunut;

Imgerut 105:8

Angersimanine erᴋaumavâ issoᴋangitomut, oᴋautsit angerutigilauktane kinguvârênut 1,000 dinut.

Imgerut 86:15

Igville Nâlegak Gûd, nâpkigosukpotit, saimarvekarosuklutillo, ᴋennuêlutillo takopsoajoksôlutillo nertornartoksôlarpillo.

Imgerut 86:5

Igvit Nâlegak ajunginavit illanaksârlutillo; saimarveᴋarlutit angijomik, illûnainut nipliavigijingnut.

I Kronika 28:20

Davidelo oᴋarpok ernerminut Salomomut: Maksoalerit mungotaililutillo, sanalugolo, sivuraniarnak ᴋoaksanganiarnaglo. Gûdib Nalekab Gûdima aipariniarpâtit, agganelo erᴋitiniangilait ᴋemangniangilâtillonêt, pijarêrtitsiᴋârtinak piniaraksanik tamainik Nalekab iglungata kivgartortauninganut illingajunik.

Migga 7:18

Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.

Ebrêerinut 13:5

Iliornise pijomatudlarnermik illaᴋarniarane, pigijase tamâne nâmagisigik. Nangmineᴋ oᴋarmat: Kemangniatsangilagit allarniarnaglônêt.

Leviticus 26:44

Taimaigaloartilugole, ômigijimik nunanganêtilugit ajaktormarigomângilakka, taimâglo angitigijomik maᴋojugijomângilakka nungutaumariᴋovlugit, angerneralo tâpkonunga serᴋomiᴋovlugo; Uvangaugama Nâlegak Gûdigijangat;

Imgerut 103:8

Nâlegak nâpkigosukpok, saimarveᴋarosuklunelo, ᴋenuêpok pitsiartoksôlarmelo.

Imgerut 111:4

Tattamnartullinime erᴋaumajauninganik âᴋiksoilaukpok Nâlegak saimarveᴋarosuktok nâpkigosuktorlo.

Jeremia 30:11

Ilingnênama, oᴋarpoᴋ Nâlagaᴋ, piulijomavlutit; inôᴋatigêksuit ilûnaita siamangatitauvigijatit uvamnut nungumarigomârapkit, igville nungumarigomângilagit; sugiaromârpagille nâmatuinartomik, pidlartautailititsomângimarikpagillo.

Exodus 6:8

Itertitsomavapselo nunamut isagutigijamnut (angerama) tunijomavlugo Abrahamut Isaamullo Jakomullo; ilipsingnut tamanna tunijomârpara perᴋutautilugo ilipsingnut, uvanga Nâlegaujunga.