Deuteronomy 4:27 - Labrador Inuttitut Heritage Bible

²⁷ Nâlekablo siamartitsomârpâse inôᴋatigêksuit akorngane, amiakojomârposelo inuit ikitut inôᴋatigêksoarne Nâlekab aularutjauviotitangane ilipsingnut.

Deuteronomy 4:27 Iomraidhean Croise

Genesis 11:4

Oᴋarpullo: Attê, iglugasaksoarnik sanalauᴋta nuvuguseᴋsoarmiglo, nuvua aktuatilugo ᴋilangmut, erᴋanartiluta, siamartitautailivlutalo nunanut tamainut.

Genesis 34:30

Jakole Simeonemut Levimullo oᴋarpoᴋ: Piluᴋoserpaptinga, ominarsitinaptinga nunab inunginut Kânaanemiunullo Feresiterinullo. Uvangale inuᴋotikkalo unuktôngilagut. Taipkoale kattileromârput unatadlarvigivlunga nungutidlarlungalo uvangalo inuᴋotikkalo.

Nehemia 1:3

Tapᴋoalo oᴋautivânga: Amiakut parngnanairsortaunermit tagvane nuname ᴋanoêtomêput angijome mittautigijaunermêlutiglo; Jerusalemib avaloksoangit serᴋomisimavut, upkoaksoangillo ikkisimavut.

Imgerut 106:27

Kinguvângit egilugit nallojut akkornganut, nunannut siamartillugit.

Imgerut 44:11

Saukatitut toᴋᴋotaksatitut îtipaptigut, siamartilutalo innuᴋattigêksuit akkorngenut.

Imgerut 44:12

Inuᴋotitit niorvgotigivâttit akkeᴋangitomik, akkeᴋarᴋolungilattillo angijomik.

Jesaiase 17:6

Amiakoᴋaromârpoᴋ, sôrlo (amiakoᴋarmat) napârtome orᴋsutalingme, kattaktitsijoᴋartillugo ajaupiamut, paunganik maggungnik pingasuniglõnêt pappingane, sittamanik tallimaniglõnêt napârtub akkerungine, oᴋarpoᴋ Nâlegaᴋ, Israêlib Gûdinga.

Jeremia 16:13

Tamakkoa pitjutigilugit pingujaromârpapse nunamit omangat nunamut ilitarilaungitapsingnut, ilipselônêt atâtapselônêt; tagvanalo kivgartoromârpose assimnik gudingoanik uvlôtilugolo unnuarmelo; tagvane saimarvigijomânginapse.

Hesekiel 11:16

Tamanna pivlugo oᴋarit: Imâk oᴋarpoᴋ Nâlegaᴋ Nâlegaujoᴋ: Kaningitomut nûlauraloarapse inôᴋatigêksuit akornganut, siamartilauraloarapselo nunanut, sulle katimaviksârsôjomavunga ilipsingnut nunane tikivigijapsingne.

Hesekiel 12:15

Kaujijuksaulârpullo uvanga Nâlegaugama, ajaktorupkit inôᴋatigêksuit akornganut, siamartikupkillo nunanut.

Hesekiel 20:23

Sullele aggakka isângatilaurivakka tâpkonunga sunaᴋajuitome siamartitsomagapkit inôᴋatigêksuit akornganut nunanullo serᴋitijomavlugit;

Hesekiel 22:15

Siamartitsomavapse inôᴋatigêksuit akornganut, ajaktoromavapselo nunanut; maᴋojungnarniselo pêjaromavara ilipsingnit.

Hesekiel 32:26

Tagvanêpoᴋ Mesek Tubalelo inugiartoᴋsoangillo ilûnatik; iluvingit avatânêput; ilûnatik kipimangitut, saviksoarmut toᴋotauvlutik; kapiasungneᴋartitsilaungmatta inôjut nunangane.

Daniel 9:7

Igvit, Nâlegaᴋ, idluarniᴋ pigivat, uvagulli kangusuktuksauvogut, sorlo mâna ilingangmatta angutit Jûdamêtut, Jerusalimiblo inungit, Israêlitillo ilûnatik ᴋanitomêtut ungasiktomêtullo nunani tamaini ajaktortauvigijangini ilingnut tapaningit pivlugit, ilingnut piniarnirijangit.

Hosea 9:17

Gudima ajaktoromârpait, nâlalaungimatta tâpsominga: saksârtôjomârput inôᴋatigêksuit akorngane.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.

Saggaria 7:14

Siamartitsomârpakkale ulajujoksoarmut inôᴋatigêksuit ilitarilaungitangita ilûnatik akornganut. Taimaglo tâpkoa kingorngane nuna ᴋemagauvok, tamaunârtoᴋangilaᴋ utertoᴋangilarlônêt: nuna kajungernartok inuᴋajuitungortingmatsuk.

Deuteronomy 28:36

Nâlekab tikiutilârpâtit, igvit atanîllo ataningortilârtat ilingnut, inôᴋatigêksoarnut ilitarilaungitarnut, igvillônêt atâtagilauᴋtavîllônêt; tagvanelo kivgartulârpotit Gûdib assinginik, ᴋejungnik ujarᴋaniglo.

Deuteronomy 29:28

Nâlekablo nusukpait nunamingnit ningarnerme, ᴋaningaumajârnermelo, ilungertornermelo angijome, egilugillo nunab tâpsoma assianut, sorlo uvlome ingmat.

Deuteronomy 30:3

Tagva Nâlekab Gûdivît aularutijaunît issumagijomârîva, nâpkigijomârpâtillo, uterlunelo katersoromârpâtit inôᴋatigêksoarnit tamainit, Nâlekab Gûdivît apsimaviotitanginit ilingnik.

Deuteronomy 32:26

Oᴋalauᴋpunga ungasiktomut siamangatitsomagapkit, erᴋaumajaujungnaititsomagapkit inuit akorngane;