Deuteronomy 4:26 - Labrador Inuttitut Heritage Bible

²⁶ ᴋilak nunalo kigligiutjingorᴋovâka ilipsingnut uvlorme tamattomane, mânakut pêjartaudlamarilârapse, nunamit, Jordan ikârdlugo, aivigijapsingnit pigijomavlugo; uvluse tagvane unuksitiniangilase, nungutaumarilârposele.

Deuteronomy 4:26 Iomraidhean Croise

Genesis 19:13

Iglugasaksuit tamakkoa asserorniaraptigik, iglugasaksuit pivlugit Nâlekab sângane niplianeᴋ angijôngmat. Nâlekablo tilivâtiguk, asserortaurᴋovlugit.

I Atannit 9:7

Tagva Israelitit pêjarniarpakka nunamit tunnilauktamnit tapᴋonunga; iglolo ivsornaiviotilauktara atimnut, pêjaromavara kênarma sânganit; Israelitillo oᴋausiovaktungoromârput, oᴋangoarutingorlutiglo inuᴋatigêksoarnut ilûnnainut.

Jesaiase 1:2

Kilait tussaleritse! nunalo kamatsialerit! Nâlegaᴋ oᴋarmat: Kitornganik inugoigalloarpunga nertornartitsivlungalo, tâpkoale tunnupânga.

Jesaiase 6:11

Uvangale oᴋarpunga: Nâlegaᴋ, ᴋanoᴋ sivitutigijomik? Oᴋarvigivânga: Iglugasaksuit asserortauviksangat tikkidlugo, tagvanẽtoᴋarungnairpat, iglullo inuᴋarungnairtitaukpatta, nunalo asserortaulerpat inuerutjauvlune.

Jeremia 16:13

Tamakkoa pitjutigilugit pingujaromârpapse nunamit omangat nunamut ilitarilaungitapsingnut, ilipselônêt atâtapselônêt; tagvanalo kivgartoromârpose assimnik gudingoanik uvlôtilugolo unnuarmelo; tagvane saimarvigijomânginapse.

Jeremia 2:12

ᴋilait ilipse, tataminiaritse tamattominga, ᴋoaᴋsâritse sajudlarluselo, Nâlagaᴋ oᴋarpoᴋ.

Jeremia 22:29

Nuna, nuna, nuna, Nâlakab oᴋausinga tusaruk.

Jeremia 32:24

Ahâk, talut ᴋanilivaliavut iglugasaksoarnut sâlagijomavlugit; iglugasaksuillo tunijaumavut Kaldêamiut sorᴋsugvigijingita agganginut, saviksoaᴋ, kângnartoᴋsoarlo, nusilingnartorlo pitjutigivlugit; oᴋautigilauᴋtatit nalautsivut, ahâglo takovat.

Jeremia 44:22

Nâlagarlo kamangitsertorungnaisinnarpoᴋ, piniarnipse idluiningit pitjutigilugit, maᴋojungnartulinerijaselo pitjutigilugit; tamanna pivlugo nunase asserorsimavok tataminiarutaularmelo, oᴋarnerlutjauvlunalo, inuᴋarungnaivlune, sorlo uvlome pingmat.

Jeremia 6:19

Igvillo nuna, nâlagit; ahâk, ogguarnartomik tikititsijomavunga inugasaᴋsoarnut ukkununga, issumangita kinguniksanginik, nâlalungimatta oᴋausimnik, naggomattalo perᴋojamnik.

Hesekiel 33:28

Nunalo asserornerlukungortitsomavara tataminiarutiksangortilugolo, piojorijuteᴋarningalo pitsartunerminik sorairtuksauvoᴋ; Israêliblo ᴋaᴋᴋangit inuêrutjaulârput, tagvûna ingerartoᴋarungnaitilugo.

Hesekiel 36:4

Tamanna pivlugo, ilipse, Israêlib ᴋaᴋᴋangit, Nâlekab Nâlegaujub oᴋausinga tusarsiuk: Imâk Nâlegaᴋ Nâlegaujoᴋ oᴋarpoᴋ ᴋaᴋᴋaᴋsoarnut ᴋaᴋᴋanullo, kôngnut naᴋsarnullo, sunairutijauviojunut iglugasaksoarnullo ᴋemaktaujunut, pinasuaraksangortisimajut mitautiksangortisimajullo inôᴋatigêksuit amiakunginut avatipsingnêtunut:

Leviticus 18:28

Nuna merriarᴋonago ilipsingniktauk, ivsornartikupsiuk, sôrlo inôᴋatigêksuit sivunapsingnêtut merriarlaungmagit.

Migga 1:2

Tusaritse inôᴋatigêksoangojose ilûnase; nâlagit, nuna, tagvanêtullo ilûnatik; Nâlegarlo Nâlegaujoᴋ kigligiutsile akunapsingne, Nâlegaᴋ iniminit ivsornaitomit.

Migga 6:2

Nâlekab annârtorutinga tusarsiuk, ᴋaᴋaᴋsoangojose, ilipselo nunaᴋsûb tungavingit aulajuitut; Nâlegaᴋ annârtorutiksaᴋarmat inôᴋatiminut, Israêlikullo annârtoᴋatigijomârpait.

Lukase 21:24

Saviksoarnut ipiktunut toᴋotauniarput, nunalingnullo ilûnainut âtauniarput; Jerusalemelo asserortauniarpok nalojunut, nalojut naliuningat nâmakserᴋartinago.

Deuteronomy 11:17

Gûdiblo ningarninga katsungailerᴋonago ilipsingnut, palangairsiᴋonagolo ᴋilangmik silaluᴋonago, nunalo saᴋᴋêᴋonago paungaminik; mânakullo pêjartauᴋonase nunamit piojomit Nâlekab tunijanganit ilipsingnut.

Deuteronomy 28:20

Nâlekab tiliklervigilârpâtit ôminarsijaunermik, sulinginermiglo, suartaunermiglo, tamaine aggakpît isautigijangine, asserortauᴋârtinak nungusârtauᴋârtinaglo; piniarnivît idluitoksôningit ᴋemaijutigijarnik uvamnik pivlugit.

Deuteronomy 28:22

Nâlekab annaulârpâtit uvinêrutinermut, olingnartoksoarmullo, kiaksoarmullo ikomaujârtotut, imairutinermullo, anoremullo toᴋonartomut, sapᴋarmullo; tâpkoalo unangmilârpâtit nungutauᴋârtinak.

Deuteronomy 28:45

Ominarsinerillo tamakkoa ilûnatik tikilârpâtit, udlalârlutillo, angulutillo, nungutauᴋârtinak; Nâlekab Gûdivît nippinga nâlalaunginangne, tâpsoma perᴋojangit maligaksauᴋojangillo perᴋojijutigijangit ilingnik malilaunginangne;

Deuteronomy 28:61

Taimaktauᴋ ᴋanimaserit tamaita, pagvinadlartullo tamaita aglangne ukkunane aglaksimangitut Nâlekab tikitilârpait ilingnut, nungutauᴋârtinak.

Deuteronomy 29:28

Nâlekablo nusukpait nunamingnit ningarnerme, ᴋaningaumajârnermelo, ilungertornermelo angijome, egilugillo nunab tâpsoma assianut, sorlo uvlome ingmat.

Deuteronomy 31:28

Kinguvârêᴋotipse angajoᴋângit aulatsijigijaselo katimatisigik uvamnut, oᴋautsit tamakkoa oᴋautigilugit tusartilugit pijungnarᴋovlunga, ᴋilaglo nunalo kigligiutjiᴋovâka tâpkonunga.

Deuteronomy 32:1

ᴋilait ilipse okoᴋse, oᴋaromavungalo; nunalo tusarle ᴋanerma oᴋauserijanginik;

Deuteronomy 7:4

Tâpsoma ernît sangutiniarmago maligungnaiᴋovlugo uvamnik, kivgartorᴋovlugo assimnik Gûdingoarnik; taimaglo Nâlekab ningarninga ilingnut katsungaililârpok, asserorsarniarpâselo.

Deuteronomy 8:19

Nâlegarle Gûdît puigorungne, tâpsomalo asingit Gûdingoat maligungne, kivgartorlugit, pâmaktervigilugillo, tagva kigligiutjivigivapse uvlome, nungutaumarilârapse.

Deuteronomy 8:20

Inôᴋatigêksoatitut, Nâlekab nungutautitangititut sâpsingne, taimak nungutaulârivose, Nâlekab Gûdipse nippinga nâlagomanginapsiuk.

Josua 23:16

Tappagigupsiuk Nalekab Gudipse angerutigijanga, perᴋolauktanga illipsingnut, aigupselo kivgartorluselo Gudib assinginik (Gudingoanik) tuksiarvigigupsigiglo, tagva Nalekab ningausinga illungertorniarpok pivluse, pêjarniarpâselo nunamit ajungitomit tunnilauktaminit illipsingnut.

Josua 24:20

Nalegarle ᴋemmagupsiuk, Gude takkorngartak kivgartorlugo pigupse, tagva allarniarpok, kappiasuktiniarluselo nungutiniarpâselo ajungitullivigilauᴋârluse.