Deuteronomy 4:25 - Labrador Inuttitut Heritage Bible

²⁵ Kitorngatarupse erngutatârluselo, nunamêᴋitârupselo, asserorupselo ilipsingnik, adsingoaliorluselo Nâlekab Gûdivît takkoane, tâmna ningarsârlugo;

Deuteronomy 4:25 Iomraidhean Croise

II Atannit 21:2

Pinniarporlo Nâlekab idluigijanganik, innuᴋattigêksuit Nâlekab pêjarlauktangita Israelib ᴋitorngangita sivorngane, makkojungnartulliningit malliklugit;

Imgerut 78:58

Ningaksarlaukpâllo pôktojoᴋotimingnut, illungertortilugolo Gûdingoaᴋotimingnut.

Exodus 20:4

Inungoarmik adsingoarmiglônêt sanajuksaungilatit pivlutit, takpâne ᴋilangmêtub adsinganiglônêt, ᴋilaub atânêtub adsinganiglônêt, nunab atânêtub imânêtub adsinganiglônêt:

Exodus 32:7

Nalekablo Mosese oᴋautivâ: Atê, atersârit; inuᴋotitit tikiutijatit nunamit Egiptenemit, aserorsarmata nangminermingnik:

Hesekiel 8:10

Iterpunga tagva takolungalo; sunaubvalo pâmgortut adsigêngitut unuktut, nergjutillo ᴋuinangnartut, Israêliblo ᴋitorngangita gudingoangit ilûnatik, adsiliortauvut ᴋarmarme ilûnâne.

Hosea 9:17

Gudima ajaktoromârpait, nâlalaungimatta tâpsominga: saksârtôjomârput inôᴋatigêksuit akorngane.

Hosea 9:9

Sôngojomik idluitiput nangminermingnik sorlo Gibiab uvlungine; idluituliningit tâpsoma erᴋaumalârpait, nelipsalârpaillo ajorningit.

I Korintemiunut 10:22

Nâlegarlônêt ningarosuktitsomavitigô? Tâpsomangat pitsartunersauvitâ?

Deuteronomy 16:22

Napartitsijuksaungilatillônêt napajoliarimajarnik, Nâlekab Gûdivît maᴋojugijanganik.

Deuteronomy 27:15

Ominarsile ulimartaumajomik kovimajomiglônêt inungoaliortok, Nâlekab maᴋojugijanganik, senatsiarsôngojûb aggangita senajanganik, napartilugolo ijersimajomut. Inuillo ilûnatik kiovlutik oᴋartuksauvut; Taimaile.

Deuteronomy 28:45

Ominarsinerillo tamakkoa ilûnatik tikilârpâtit, udlalârlutillo, angulutillo, nungutauᴋârtinak; Nâlekab Gûdivît nippinga nâlalaunginangne, tâpsoma perᴋojangit maligaksauᴋojangillo perᴋojijutigijangit ilingnik malilaunginangne;

Deuteronomy 28:61

Taimaktauᴋ ᴋanimaserit tamaita, pagvinadlartullo tamaita aglangne ukkunane aglaksimangitut Nâlekab tikitilârpait ilingnut, nungutauᴋârtinak.

Deuteronomy 30:18

Kigligiutjivigivapse uvlome nungutaulârapse, uvluse unuksitiniangilase nuname Jordanekut ikârdluse itervigijartortapsingne pigijomavlugo.

Deuteronomy 30:19

Kilaglo nunalo kigligiutjiᴋovakka ilipsingnut uvlome, inôsek toᴋolo, saimartitaunek ôminarsiᴋojaunerlo, pitigapkit sângnut; taimaimat inôsek anneriuk, inôᴋovlutit, igvit kinguvâtillo;

Deuteronomy 31:29

ᴋaujimagama toᴋuma kingorngane asserormarilârapse ilipsingnik, sangulârapselo apᴋomit perᴋojijutigimajamnit ilipsingnut; idluitûblo nelaulârpâse uvlune kingorliojune; pinialârapse Nâlekab idluigijanganik, tâmna ningarsarlugo aggapse sulianginut.

Deuteronomy 32:5

Tâpkoa asseroivut ilagêngnermik tâpsomunga, ᴋitorngaulungilat tâpsomunga, ingmingnut kangusutiksauvut; kinguvângovut mumiksimajut kiglormôrtullo.

Deuteronomy 4:16

Aseroiᴋonase ilipsingnik, ilipsingnullo inungoaliorᴋonase sunalônêt adsilivlugo, angutingoarmik arnangoarmiglônêt,

Deuteronomy 4:23

Udjertoritse nangminipsingnik, puigorᴋonase Nâlekab Gûdipse angerutigijanganik ilipsingnut, adsingoaliorᴋonaselo sunab adsinganik Nâlekab Gûdivît inerterutigijanganik ilipsingnik.

Josua 23:16

Tappagigupsiuk Nalekab Gudipse angerutigijanga, perᴋolauktanga illipsingnut, aigupselo kivgartorluselo Gudib assinginik (Gudingoanik) tuksiarvigigupsigiglo, tagva Nalekab ningausinga illungertorniarpok pivluse, pêjarniarpâselo nunamit ajungitomit tunnilauktaminit illipsingnut.

Josua 24:20

Nalegarle ᴋemmagupsiuk, Gude takkorngartak kivgartorlugo pigupse, tagva allarniarpok, kappiasuktiniarluselo nungutiniarpâselo ajungitullivigilauᴋârluse.