Deuteronomy 4:24 - Labrador Inuttitut Heritage Bible

²⁴ Nâlegak Gûdît ikomauvok nungutsijok, Gûdeovlune ilungertortok.

Deuteronomy 4:24 Iomraidhean Croise

II Atannit 24:20

Nâlekable ningarninga pitjutigillugo, Jerusalemiut Judakullo taimailiortitaulaukput ajaktuiᴋârtinane tapkoninga kênaminit. Zedekiablo Babelemiut atanningat nâlegungnailerpa.

Imgerut 21:9

Kiaksautitut ikkomaliktut illingatiniarpâttit takkonârniarungne; Nâlekab ningarlune êniarpait, ikkomablo nerridlarniarpait.

Imgerut 78:58

Ningaksarlaukpâllo pôktojoᴋotimingnut, illungertortilugolo Gûdingoaᴋotimingnut.

Exodus 15:7

Inornarnivillo angijoksôningane ochotipatit akkerartortitit: ningarnît aulartipat, tâpsomalo nungupait iviktitut.

Exodus 20:5

Taimaitut tuksiarvigijaksaringilatit kivgartornagillo: Uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine uvamnik omisuktune ernerêt kingorlerêt pingajungit sitamangillo tikidlugit:

Exodus 24:17

Nâlekablo pinarnarningata tautuᴋapoᴋ sorlo ikomatut nungutsijotut ᴋakᴋaub ᴋângane Israêlikut ijinginut.

Exodus 33:3

Nunamut imummik igupsaujârtullo orksuanik kôlingmut: kisianele akunapsingne majuarᴋataujomangilanga; tapatojoksôgapse: nungutitserᴋonanga ilipsingnik apᴋome.

Exodus 34:14

Gûdib asianut tuksiartuksaunginavit, Nâlegak, Illungertortomik atelik, Gûdeongmat ilungertortok:

Jesaiase 10:17

Israêliblo ᴋaumanerijanga ikkomangolerpoᴋ, ivlernartitorlo Israêlikkune ikkoalajungolerpoᴋ, ukpigait perornerdluktullo kakkilautilît ikkidlugit nungudlugillo uvlorme attautseme.

Jesaiase 30:27

Ahâk, Nâlekab attinga ᴋaningitomit aggerpoᴋ, ningausinga ikkoalavoᴋ ikkoalaningalo aᴋtornarpoᴋ, ᴋangasinâgik ᴋanningajârnermik pitalîk, oᴋangalo ikkomatut-ipoᴋ nungutitsijotut.

Jesaiase 30:33

Ikkoalaviksoaᴋ itsaᴋsoarnit pijarêrsimavoᴋ, attanermuttauᴋ pijarêrsimavoᴋ, ittijôvlune nerrotovlunelo; ikkoalaviksoarlo ikkomaᴋarpoᴋ ikkomaksaᴋarlunelo amigangitunik. Nâlekab anerningata ikkitsomârpait, orᴋsorutitut kôktotut illingavlune.

Jesaiase 33:14

Idluitullijut Zioneme ᴋoaᴋsârput, piungitut sajungnermut tikkitauvut (oᴋarpullo): Nallipta ikkoma nungutsijoᴋ najorlugo ajungilâ? Nallipta ikkomaᴋsoaᴋ ᴋamisuitoᴋ najorlugo ajungilâ?

Jesaiase 42:8

Uvanga Nâlegaᴋ, tagva attera; nertornarnera tunijomangitara assimnut opinarneralõnêt Gûdingoarnut.

Amos 5:6

Nâlegak ᴋenersiuk, inôjomârpose tagva; ikomatut ikoâlaliaᴋiᴋonago Josefib ᴋitornganginut, nungûtsilune, ᴋamitisijoᴋarungnartinago Beteleme;

Nahum 1:2

Nâlegak Gudeovok ilungertortok, akkiniarporlo; Nâlegak akkiniarpok ningarnermiglo ilumikpok; Nâlekab akkerartortine akkiniarpait, ômigijiminullo ningarnek torᴋorpâ.

Nahum 1:6

Kina nangerungnarᴋâ tâpsoma ningarningata sânganê? Kina sapilungilâk ᴋaningaumajârninga katsungailerpât? Kaningaumajârninga ikoâlavok ikomatut, ᴋairtullo ᴋoplortauvut tâpsomunga.

Sefania 1:18

Silbereᴋotingita goldeᴋotingitalônêt piulijungnaromângilait Nâlekab ningarnersoangata uvlungane; nunâle ilûnât ikitaujomârpok ilungertorningata ikoâlaninganut; ᴋeongominadlartomik nungutsomârmagit nunab inungit tamaita.

Sefania 3:8

Tamanna pivlugo tikitsiarisinga, oᴋarpok Nâlegak, uvlok neliutiᴋârtinago nikovivigilârtara pinniniaromavlunga; kajusigama inôᴋatigêksuit katersoromavlugit, ataniovillo ilagêktitsomavlugit, ᴋaningaumajârnera kovijomavlugo tâpko nunga, ilâ, ningaumajârnersoara katsungaitok tamât; nunaksoak ilûnât nungutaujomârmat ilungertornima ikomanganut.

Numbers 25:11

Finiasib, Eliasarib erningata, Aronib ajoᴋertuijûb erngutangata, ningaumajârnera sangutipâ Israêlikunit, ilungertornimnut ilungertormat tâpkoa akorngane, nungutsiᴋonanga Israêlikunik ilungertornimne.

I Korintemiunut 10:22

Nâlegarlônêt ningarosuktitsomavitigô? Tâpsomangat pitsartunersauvitâ?

Deuteronomy 29:20

Nâlekab tagva issumagijungnaiviginiangilâ tâmna, Nâlekable ningarninga ilungertorningalo katsungaidlaromârpok angumut tâpsomunga, ôminarsiᴋojinerlo ilûnane aglangne ukkunane aglaksimajok tungalârpok tâpsomunga, Nâlekablo tâpsoma atinga pêjaromârpâ ᴋilaub atânit.

Deuteronomy 32:16

Gûdenut takorngartanut ilungertortipât, maᴋojungnartulinermut ningarsarpât.

Deuteronomy 5:9

Taimaitut tuksiarvigijaksaringilatit kivgartornagillo; uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine, uvamnik ômisuktune, ernerêt kingorlerêt pingajungit sitamangillo tikidlugit;

Deuteronomy 6:15

Nâlegak Gûdît akunapsingnêtok Gûdeongmat ilungertortok; Nâlekab Gûdivît ningarninga ilingnik katsungailiaᴋiᴋonago, pêrᴋsiᴋonagolo ilingnik nunab ᴋânganit.

Deuteronomy 9:3

ᴋaujilerit tagva, Nâlegak Gûdît tâmnaungmat sivunerne ingergajok ikomamut nungutsijok; tâpsoma nungutsomârpait, tâpsomalo oggotitsomârpait sivunerne; taimaglo ᴋemâtitsomârpatit asserorsarailugillo, sorlo Nâlekab oᴋautingmatit.

Ebrêerinut 12:29

Gûdivut ikomaungmat nungutsijoᴋsoaᴋ.