Deuteronomy 4:21 - Labrador Inuttitut Heritage Bible

²¹ Nâlekablo ama ningarvigivânga pitjutigivluse, oᴋamariklune Jordan ikâraksaringinapko, nunalo piodlartok Nâlekab Gûdivît kingormgutijaksautitanga ilipsingnut aivigijaksaringinapko;

Deuteronomy 4:21 Iomraidhean Croise

Numbers 20:12

Nâlekablo Moseselo Aronelo oᴋautivâk: Okpervigilaunginaptinga ivlernartitauᴋovlunga Israêlib ᴋitorngangita ijingita sângine, tamanna pivlugo ilagêktoᴋsuit ukkua tikiutijaksarilungilatik nunamut tunijamnut tâpkonunga.

Deuteronomy 1:37

Nâlekablo ningarilaurivânga ilipse pitjutigivluse, oᴋarlune: Igvittauᴋ tagvunga pijuksaungilatit;

Deuteronomy 12:9

Tikiutilunginapse sulle merngoerserviksamut kingormgutijaksamullo Nâlekab Gûdivît tunijanganut ilingnut.

Deuteronomy 15:4

Kissianele aklujokartuksaungilak ilingne; Nâlekab saimartitsomârmase nuname Nâlekab Gûdivît ilingnut tunijangane kingormgutigilugo pigilugolo piᴋovlutit;

Deuteronomy 19:10

Auk pasijaksaungitok kovijauᴋonago nunangane Nâlekab Gûdivît kingormgutijautitangane ilingnut, tupvio ᴋonaglo aungmut.

Deuteronomy 19:3

Atoraksarilârtarnik apᴋutiksaliolârpotit, nunavîllo Nâlekab Gûdivît kingormgutijautitangata ilingnut kiglingit avilugit pingasôlivlugit, neliat inuarsimajok ᴋemâjungnarᴋovlugo tagvunga.

Deuteronomy 20:16

Inôᴋatigêksuille ukkua Nâlekab Gûdivît kingormgutijaksautitangit ilingnut iglugasaksoangine sunamiglônêt anerterijomik inôᴋojijuksaungilatit;

Deuteronomy 21:23

Timinga tokungajok unnuak nâvlugo napârtomêtuksaungilak, iluveraksarivalle uvlorme tâpsomanetsainak; nivingatitaujok ôminarsingmat Gûdemut; nunat Nâlekab Gûdivît tunijanga perᴋutauᴋovlugo ilingnut ivsornartitauᴋonago.

Deuteronomy 24:4

Tagva uigilauᴋtangata sivorliub, aulartitsilauᴋtûb tâpsominga, tigujaksarilungilâ nuliarijomangmilugo, naggonartitauᴋârtilugo; tamanna maᴋojungnarmat Nâlekab sângane; nunalo Nâlekab Gûdivît tunijanga ilingnut kingormgutijaksautilugo ivsornartitaksarilungilat ajortulinermut.

Deuteronomy 26:1

Nunamut Nâlekab Gûdivît tunijanganut kingormgutijaksautitanganut ilingnut tikisimaguvit, pigigungnelo, tagvanelo ineᴋaleruvit;

Deuteronomy 3:26

Pitjutigilusele Nâlekab ningarvigivânga, tusângilângalo; Nâlekablo oᴋautivânga: Tamanna nâmaksijutigituinaruk; taijungnaisaruk uvamnut.

Deuteronomy 31:2

Oᴋautivaillo; Uvlome jâreᴋalerpunga 120nik; anilunga iterlungalo sapilerpunga: Nâlekablo oᴋautisimavânga: Jordane una ikâraksarilungilat.