Deuteronomy 4:2 - Labrador Inuttitut Heritage Bible

² Oᴋauseᴋ perᴋojijutigijara ilipsingnut ilajaksaringilase ilangaraksarilungilaselônêt; Nâlekab Gûdipse perᴋojangit perᴋojarijakka ilipsingnut nelaudlugit piᴋovluse.

Deuteronomy 4:2 Iomraidhean Croise

Imgerut 78:7

Tattiksamingnik tungaᴋovlutik Gûdemut, puigornatiglo Gûdib pinniarninginnik, perᴋojanginniglo naleᴋovlugit.

Salomob Okâl 30:6

Ilautitsiniarnak sunamik oᴋausinginut, pitlartauᴋonak tapsomunga, saglojolutillo naipitauᴋonak.

Okaluktok 12:13

Ajochertutsit tamaita pijariaᴋôrtonerpângit tussarlavut: Gûde sivôragiuk, malliklugillo perᴋojangit; tamanna inungnut ilûnainut illingangmat.

Jeremia 26:2

Imâk Nâlagaᴋ oᴋarpoᴋ: Nangerit Nâlakab iglungata avalungita iluane, Judablo iglugasaksoarmiungit tamaita tuksiariartortut Nâlêkab iglunganut oᴋâlavigikit, oᴋautsinik tamainik ilingnut oᴋâlautauᴋolauᴋtamnik tâpkonunga; oᴋautsemik atautsemiglônêt ikitliniarnagit.

Mattêuse 5:18

Âhamarik oᴋautivapse: ᴋilaglo nunalo nungoᴋârtinagik, perᴋojane (aglaksimajune) mingnek, tittârsuglônêt nunguniangilak, tamakkua ilûnaita nâmakserᴋârtinagit.

Mattêuse 5:43

Tussalaukpose oᴋalauktomik: Inuᴋatingnik nagliktuksauvotit, ômigijillo ômigivlugo.

Galâtsiamiunut 3:15

Katangutikka! Inuktut oᴋaromavunga: Inûb testamentinga nachogijauvangikalloarpoᴋ kimullônêt, naᴋitjusersimakpat, illajauvangilarlo.

Deuteronomy 1:3

Jârillo 40ingita takᴋingita eleveningata uvlungita sivorlerpângane, Mosesib Israêlikut oᴋâlavigivait perᴋojanik tamainik Nâlekab tunijanginik tâpkonunga tâpsomuna.

Deuteronomy 12:32

Perᴋojijutigijakka tamaita ilipsingnut kamagijaksarivase piniarlugillo; ilajaksaringilatit ilangeraksaringilatillônêt.

Deuteronomy 13:1

Nelautaijomiglonet sinnartômajomiglônêt akunapsingne makitokaraloarpat, tunitjivigikpatillo nelunaikutamik tatamnartomiglônêt,

Deuteronomy 33:4

Mosesib tunitjivigilauᴋpâtigut perᴋojanik, kingormgutijaksanik Jakob ilagêktoksôninginut.

Deuteronomy 4:14

Taipsomanelo Nâlekab ajuᴋertuiᴋovânga maligaksanik idluarsautiksaniglo piniaraksarijapsingnik nuname aivigijapsingne pigijomavlugo.

Deuteronomy 4:40

Maliluaraksarivatillo tâpsoma maligaksangit perᴋojangillo, uvlome ilingnut perᴋojarijakka, pilluangoᴋovlutit, igvit ᴋitorngatillo kingunerne, uvlutillo unuksiᴋovlugit nuname Nâlekab Gûdivît tunijangane ilingnut soraijuitomik.

Deuteronomy 4:5

Ahâk, ajuᴋertorpapse maligaksanik idluarsautiksaniglo, sorlo Nâlekab Gûdima perᴋongmanga, taimailiorᴋovluse nuname aivigijapsingne pigijomavlugo.

Deuteronomy 5:29

ᴋanoktôk taimaitomik ômateᴋatsainarlit sivôraᴋovlugit uvamnik perᴋojakkalo tamaita maliklugit, piloridlarᴋovlugit, tâpkoa ᴋitorngangillo soraijuitomik.

Deuteronomy 5:32

Taimaimat kamatsiaritse piniarᴋovluse sorlo Nâlekab Gûdipse perᴋongmase; talerpingmullônêt saumingmullônêt sangujuksaungilase.

Josua 1:7

Maksoatuinarit ᴋuviasudlarlutillo, mallitsiarᴋovlutit, pinniarmariᴋovlutillo perᴋojat Mosesib kivgama perᴋolauktangit illingnut malliklugit. Sanniagorniarnagit tallerpingmullonêt saumingmullonêt, sillatutsiartunnik illuseᴋarungnarᴋovlutit pinniaraksarne tamaine.

Josua 8:35

Oᴋauseᴋalaungilak attautsemiglonêt perᴋojaulauktomik Mosesemut, Josuab ᴋaigarsuktauᴋolaungitanganik illagektut Israelitit illunatik takkoane arnallo sorrutsillo tujormijallo, agvertartut tapkoa akkorngane takkoane.