Deuteronomy 4:16 - Labrador Inuttitut Heritage Bible

¹⁶ Aseroiᴋonase ilipsingnik, ilipsingnullo inungoaliorᴋonase sunalônêt adsilivlugo, angutingoarmik arnangoarmiglônêt,

Deuteronomy 4:16 Iomraidhean Croise

Exodus 32:7

Nalekablo Mosese oᴋautivâ: Atê, atersârit; inuᴋotitit tikiutijatit nunamit Egiptenemit, aserorsarmata nangminermingnik:

Jesaiase 40:18

Kinamik tagva Gûde adseᴋartitsomavisiûk? Sumiglo adsiojuksamik tâpsomunga sanajomavisê?

Jesaiase 44:13

Kejulerijoᴋ noᴋaᴋservallaumik attorpoᴋ, titterautikut nallunaikuserlugo Gûdingoaliorpoᴋ savingmut, ôktorlugo angmalokitausiutikut, angutib tautua adsilivlugo, inûb ânanauninga adsilivlugo, iglome inneᴋarᴋovlugo.

Hesekiel 8:10

Iterpunga tagva takolungalo; sunaubvalo pâmgortut adsigêngitut unuktut, nergjutillo ᴋuinangnartut, Israêliblo ᴋitorngangita gudingoangit ilûnatik, adsiliortauvut ᴋarmarme ilûnâne.

Leviticus 19:4

Sâniarase inungoarnut, auktisimajuniglo Gûdingoaliorniarase pivluse; Uvanga Nâlegauvunga Gûdise.

Leviticus 26:1

Gûdingoaliortuksaungilase ilipsingnut, napartitsijuksaungilaselo Gûdingoanik auktisimajunik, ujarasusungniglônêt napajunik, ujarᴋaniglônêt adsingoalingnik âᴋiksoijuksaungilase nunapsingne tuksiarvigijomavlugit; Uvangaugama Nâlegak Gûdise.

Johannese 4:24

Gûde anerniovok, tuksiartingitalo anernerme mikseᴋârnermelo tuksiarvigijaksarivât.

Apostelit Piniarningit 17:29

Tagva ilaᴋarapta Gûdemik, isumajuksaungilagut Gûdioniub adsingingmago inungoak goldeojok, silbereojorlônêt, ujaraujorlônêt, inub isumaminut sanajanga.

Deuteronomy 16:22

Napartitsijuksaungilatillônêt napajoliarimajarnik, Nâlekab Gûdivît maᴋojugijanganik.

Deuteronomy 27:15

Ominarsile ulimartaumajomik kovimajomiglônêt inungoaliortok, Nâlekab maᴋojugijanganik, senatsiarsôngojûb aggangita senajanganik, napartilugolo ijersimajomut. Inuillo ilûnatik kiovlutik oᴋartuksauvut; Taimaile.

Deuteronomy 31:29

ᴋaujimagama toᴋuma kingorngane asserormarilârapse ilipsingnik, sangulârapselo apᴋomit perᴋojijutigimajamnit ilipsingnut; idluitûblo nelaulârpâse uvlune kingorliojune; pinialârapse Nâlekab idluigijanganik, tâmna ningarsarlugo aggapse sulianginut.

Deuteronomy 4:23

Udjertoritse nangminipsingnik, puigorᴋonase Nâlekab Gûdipse angerutigijanganik ilipsingnut, adsingoaliorᴋonaselo sunab adsinganik Nâlekab Gûdivît inerterutigijanganik ilipsingnik.

Deuteronomy 4:25

Kitorngatarupse erngutatârluselo, nunamêᴋitârupselo, asserorupselo ilipsingnik, adsingoaliorluselo Nâlekab Gûdivît takkoane, tâmna ningarsârlugo;

Deuteronomy 5:8

Inungoarmik adsingoarmiglônêt senajuksaungilatit pivlutit, takpâne ᴋilangmêtûb adsinganiglônêt, ᴋilaub atânêtûb adsinganiglônêt, nunab atânêtûb imânêtûb adsinganiglônêt;

Deuteronomy 5:9

Taimaitut tuksiarvigijaksaringilatit kivgartornagillo; uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine, uvamnik ômisuktune, ernerêt kingorlerêt pingajungit sitamangillo tikidlugit;

Deuteronomy 9:12

Nâlekablo oᴋautivânga: Makitit, mângat atersârsârit, inuᴋotitit tikiutijatit Egiptenemit asseroingmatta nangminermingnik; sangusimangmatta apᴋomit tâpkonunga apᴋutauᴋojamnit; kovimajomik inungoaliorput ingmingnut.

I Timôteusemut 1:17

Gûdele, atanivik issoᴋangitok, nungusuitorlo, takuksaungitorlo silatujotôjorlo nâlengnarsile nakoridlartaulunelo issoᴋangitoksoarmut. Amen.