Deuteronomy 32:5 - Labrador Inuttitut Heritage Bible

⁵ Tâpkoa asseroivut ilagêngnermik tâpsomunga, ᴋitorngaulungilat tâpsomunga, ingmingnut kangusutiksauvut; kinguvângovut mumiksimajut kiglormôrtullo.

Deuteronomy 32:5 Iomraidhean Croise

Genesis 6:12

Tagva Gûdib nuna ullernaigivâ, sunaubva asserorsimavoᴋ, uvinilît ilûnamatsiatik apᴋutigijatik asserormattigik nuname.

Imgerut 78:8

Atâtagijangititullo îlerᴋonagit, ᴋittorngarêngolauktutitut ᴋemaijut Nâlekamik, tappatojullo; ômatteᴋalaungitut soᴋᴋosijuitunik, anerneᴋalaungitullo nertornartomik ungajomik Gûdemik.

Exodus 32:7

Nalekablo Mosese oᴋautivâ: Atê, atersârit; inuᴋotitit tikiutijatit nunamit Egiptenemit, aserorsarmata nangminermingnik:

Salomob Okâl 8:8

ᴋanerma oᴋausingit ilûnnatik idluartovut; tapᴋonane Tammartovineᴋangilak, nellangaitoᴋaranelo.

Jesaiase 1:4

Kappianarmêk nunaᴋatigêt idluitullijoᴋsuit, innugasaᴋsuit ajortoliksuit, kassẽtoᴋsuit kinguvângit, ᴋitorngat asserorsaijut, tâpkoa Nâlegaᴋ ᴋemangmatsuk ivlernartitorlo Israêlikkune oᴋarnerlûtigingmatsuk tunnulugo.

Jesaiase 63:8

Oᴋarpoᴋ: Nallâgut inuᴋotigivakka, ᴋitorngauvut saegloniangitut. Taimaimat piulijigivât.

Hosea 9:9

Sôngojomik idluitiput nangminermingnik sorlo Gibiab uvlungine; idluituliningit tâpsoma erᴋaumalârpait, nelipsalârpaillo ajorningit.

Sefania 3:7

Oᴋarpunga: Âhamarik, erᴋsiginiarpalukparma, inertertauniarpalukpotit; ininga piniarvioᴋonago kajusijutigilauktamnik tâmna pivlugo: uvlârolaukpulle asserornartulijomavlutik.

Numbers 23:21

Idluitomik takolungilaᴋ Jakokune, tatitosarnermiglônêt Israêlikune: Nâlegaᴋ Gûdinga tâpsomanêpoᴋ, ataniublo ᴋaggudlarutauninga tâpkoa akornganêpoᴋ.

Mattêuse 16:4

Ukkua uivêtut assiniartut nalunaikutamik takojomavut; nalunaikutamigle assianik tunitjivioniangilat, nalautaijub Jônasib nalunaikutanganik kissianik. Tâva ᴋemakpait aularlunalo.

Mattêuse 17:17

Jêsusible kiovâ oᴋarlunalo: Tata ukkua okpingitut mumiksimajut kinguvângoᴋatigêt, ᴋanok sivitutigijomik najoriaᴋarpapsê? ᴋanok sivitutigijomik ᴋenuêvigijariaᴋarpapse? Kaisiuk uvamnut.

Mattêuse 3:7

Farisêerillo Saduzêerillo unuktut tikitine baptitsivingminut takogamigit, oᴋautivait: Kuglugiangojârtose ilipse, kia ᴋemâᴋovâse ningautsemit pijomârtomît?

Lukase 9:41

Tagva Jêsusib kiovâ oᴋarlune: Tata! Ukkua okpingitut mumiksimajullo kinguvângoᴋatigêt, ᴋanok sivitutigijomik najoriaᴋarpapsê, ᴋenuêvigijariaᴋarluselô? Ernît ᴋailauruk.

Johannese 8:41

Atâtapse piniarningit piniarnerivase. Tagva oᴋautivât: Tamângainâgaungilagut; atautsemik atâtaᴋarpogut, Gûdemik.

Apostelit Piniarningit 2:40

Oᴋautsinulle unuktunut ukua asinginut kigligiutjivigivait, kaiblarlugillo oᴋarpoᴋ: Piulijauniaritse kinguvângoᴋatigênit ukkunangat tapatojunit.

Apostelit Piniarningit 7:51

Tapatojoksôjose kipimangitoselo ômatipsigut siutipsigullo, akkerartutsainarpase Anernek ajunginek. Atâtagijapsitut ilipsetauk taimailiorivose.

II Korintemiunut 11:3

Sivôravungale, sôrlo ᴋuglugiab pingitsertorlune Eva uivêridlalaungmago, taimâktauᴋ issumase asserorniarasugilugit issumalingasuernermit Kristûsemêtomit.

Deuteronomy 31:29

ᴋaujimagama toᴋuma kingorngane asserormarilârapse ilipsingnik, sangulârapselo apᴋomit perᴋojijutigimajamnit ilipsingnut; idluitûblo nelaulârpâse uvlune kingorliojune; pinialârapse Nâlekab idluigijanganik, tâmna ningarsarlugo aggapse sulianginut.

Deuteronomy 32:20

Oᴋarporlo: Kênara ijertoromavara tâpkonangat, takolârpunga ᴋanoelingajomik naggateᴋarmangâta; kinguvângoᴋatigêngongmatta tunganaitut, ᴋitorngaujut okperneᴋangitut.

Deuteronomy 4:16

Aseroiᴋonase ilipsingnik, ilipsingnullo inungoaliorᴋonase sunalônêt adsilivlugo, angutingoarmik arnangoarmiglônêt,

Deuteronomy 4:25

Kitorngatarupse erngutatârluselo, nunamêᴋitârupselo, asserorupselo ilipsingnik, adsingoaliorluselo Nâlekab Gûdivît takkoane, tâmna ningarsârlugo;

Deuteronomy 9:24

Nâlegak tapagitsainarpase, uvlormit ilitarᴋsitainarnimnit ilipsingnik.

Filippimiunut 2:15

Passijaksauᴋonase idluarkovluselo, Gûdemut ᴋitorngaulerdluse, pidlaraksaunase inuᴋatigêt oᴋautsarêtut mumiksimajullo akorngane, tâpkonane ᴋaumaniogapse nennergoatitut nuname;

Idluarsaijut 2:19

Idluarsaijorle toᴋolaurangat, tagva sangulerput, asseroinersaulutiglo atâtagijamingnit, mallingnermut Gûdib asinginik, kivgartorlugit, tuksiarvigilugillo; allailaungilet kajusimanermingnik, illinganermingniglonêt tappatonelingmik.