Deuteronomy 32:4 - Labrador Inuttitut Heritage Bible

⁴ Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

Deuteronomy 32:4 Iomraidhean Croise

Genesis 1:31

Gûdiblo pingortitane tamaita ullernaigigamigit, takovoᴋ nâmadlarmatta. Tagva unnungorpoᴋ uvlângorlunelo, uvlut satsingat.

Genesis 18:25

Taimailiorneᴋ ajornarpoᴋ illingnut, idluartut toᴋoᴋassiutivlugit, idluitut (toᴋogungne), idluartut idluitutitut ilingatilugit. Ajornarpoᴋ taimak illingnut. Sillaᴋsoarmiunik erᴋartuijoᴋ idluangitomik illiortuksauvâ?

II Samuel 22:47

Nalegak omavok, ᴋairtoralo torᴋorviksaᴋautiga, Gudigalo nertortaule, piulijauviksama ᴋairtunga nakorijaule.

II Samuel 23:3

Israelib Gudinga oᴋalaukpok uvamnut, Israeliblo ᴋairtunga oᴋâlalaukpok, attanniôjok idluartok innuit akkorngane, attanniôjok sivuranerme Gudemik.

II Kronika 19:7

Tamanna pivlugo sivuranek Nalekamik illipsingnêle, udsertutsiaritse pinniarluselo, Nalekame Gudiptingne idluineᴋalungilak, kammangineᴋangilarlonêt innub kinauninganik, illalliorneᴋangilarlo pilliutinik.

Nehemia 9:8

Ommatingalo nertornartok nachvârlaukpat sângne, angerᴋattigilaukpello kinguvângit tunnitsivigijomavlugit, Kanaaniterit, Hetiterillo, Amoriterillo, Feresiterillo, Jebusiterillo, Girgositerillo nunangit; oᴋautsitillo nallautsitilaukpattit, idluartogavit!

Hiobe 34:10

Tamanna pivlugo tussarnârsinga, inojose ilisimajose: Tamanna ungasigle, Gûde idluilune piniartuksaunajarmat, ajugaᴋangitorlo idluartaililune;

Hiobe 35:14

“Oᴋaralloaruvit takkonianginangne; sullele erᴋartuiveᴋarpok sângane; nerriugituinaruk.

Hiobe 36:23

“Kia tamna perᴋojungnarᴋaûk apᴋotigijaksarianginik? Kialo oᴋautijungnarᴋaûk: Nâmangitullivotit?

Hiobe 8:3

Isumavît Gûde nâmangitomik erᴋartuingmat, ubvalo Ajugaᴋangitûb idluarnek mumingmago?

Imgerut 100:5

Nâlegak illanâᴋarmat, saimarveᴋarninga issoᴋangitôvok, mikseᴋârningalo soraijuitôvok.

Imgerut 138:8

Nâlekab serêrtitsomârpâ pivlunga. Nâlegak pitsiarnît issoᴋangilak. Aggakpit pinniarningit kamagijungnaitaililaukit.

Imgerut 145:17

Nâlegak idluarpok apᴋotimine tamaine, ivsornailunelo pinniarnermine tamaine.

Imgerut 146:6

Sannalauktomik ᴋillangmik, nunamik, imarbingmik; tamainiglo tâpᴋonanêtunik; okpernartomiglo issoᴋangitomut.

Imgerut 18:2

Nâlegak ᴋairtorijara, serngnigijiksaᴋautigijaralo, piulijigalo; Gûdiga torᴋorviksaᴋautigijara tattigijara, sappulutaksarijara, piulijauviksamalo sakkunga, sapputsijigalo.

Imgerut 18:46

Nâlegak ômavok, torkorviksaᴋautigalo nertortaule; piulijauviksamalo Gûdinga angijorortitaule.

Imgerut 19:7

Nâlekab malligaksauᴋojangit ᴋanoêtoᴋatsangilat, tarnelo nakkoksitipât. Nâlekab kigligiudsiningit nallâgôrput, sillatutipaillo sillaitut.

Imgerut 31:5

Aggangnut annernera perᴋovara; igvit piulilaukparma Nâlegak nertornartôjotit Gûde!

Imgerut 33:4

Nâlekab oᴋausingit mikseᴋârtôngmatta, angersimaninelo nallautsititsainarpait.

Imgerut 78:35

Erᴋailerlutiglo Gûde ᴋairtorigamitsuk, Gûdelo ᴋotsingnerpâk piulijigigamitsuk.

Imgerut 9:16

Nâlegak illitarijauvok, idluarnermik sakᴋêmat. Gûdeᴋangitok illakutjauvok aggame pinniarninginnut. Higgajon, Sêla.

Imgerut 90:16

Nâlekablo Gûdipta illanâᴋarningata ᴋollangiarlitigut; aggaptalo pinniarningit igvit sullitilaukittôk!

Imgerut 92:15

Oᴋarᴋovlugit Nâlegak idluarmat, ᴋairtorijara, idluineᴋangilarlo tâpsomane.

Imgerut 97:2

Nuvujat, târniublo illumavât idluarnerlo idluarsainerlo iksivautavît aulajuijutigivak.

Imgerut 98:3

Saimarveᴋarnine, mikseᴋârninelo erᴋarpak Israelib iglunga pitjutigellugo. Sillaksub issungita tamaita Gûdipta piuliklerninga takᴋovât.

Imgerut 99:4

Attanniublo pitsartuninga, idluarnermik nagligosuktub. Illusitsiaᴋarnek aulajuitipat; idluarnermik idluarsainermiglo peᴋartitsivotit Jakokune.

Exodus 34:6

Nâlegarlo ᴋângerpok sânganut, oᴋâlavorlo: Nâlegak, Nâlegak, Gûde, nâpkigosuktok saimajorlo, kamangitsertortok nagligosuktoksôjorlo, nalâgôrtoksôjorlo,

Okaluktok 3:14

Missigilaukpunga, tamaita Gûdib piniartangit Sokᴋosijuitsainarmatta; illajaujungnangilêt, illangertaujungnaratiglo; Gûdelo taimaitomik piniarpok inuk sivôrajuksaungmat tâpsominga.

Jesaiase 17:10

Gûde piulijiksarijat puigorangne, ᴋairtorlo sapudjauviksarijat erᴋaumanginangne, perorsêvingnik allianartunik sanavotit, illijivigivlugit takkorngartat karngasûtinginik.

Jesaiase 25:1

Nalegak, Gudigivagit, nakorivagit; attit nertorpara, tattamnartulligavit, kajusimanitit itsaᴋsoarnit nallâgôrmatta mikseᴋârtôvlutiglo.

Jesaiase 26:4

Nâlegaᴋ tattigisiuk soraijuidluse, Gûde Nâlegaᴋ ᴋairtôngmat aulangitoᴋ issoᴋangitomut.

Jesaiase 28:16

Tamanna pivlugo Nâlegaᴋ Gûde oᴋarpoᴋ: Ahâk, ujarᴋamik tunganartovingmik illijivunga Zioneme, ôktûtiksaujomik, iglub terreᴋuksanganik pivianartomik, tungavingmik aulajuitomik, nalliallo okpertoᴋ ᴋemâjariaᴋaromângilaᴋ.

Jesaiase 30:18

Taimaimat Nâlegaᴋ utaᴋᴋijomârpoᴋ saimarvigijomavluse, ᴋannitsomângilaᴋ nâpkigijomavluse, Nâlegaᴋ Gûdeongmat erᴋartuijoᴋ. Pillorikput illũnatik tâpsominga nerriuktut.

Jesaiase 32:2

Angutit attunit illingajomârput sôrlo oᴋᴋoalineᴋ aᴋᴋunaᴋsoame, sôrlo sillaluilitaᴋ, sôrlo kôgvik imermik nuname ermgitome, sôrlo ᴋairtoᴋsûb tachalininga nuname pannertome.

Jeremia 10:10

Nâlagarle Gudeovoᴋ mikseᴋârtoᴋ; Gudeovoᴋ ômatsainartoᴋ, ataniovlunalo issoᴋangitoᴋ; tâpsoma ningaumajârningane nuna sajukpilakpoᴋ, inôᴋatigêksuillo tâpsoma silungninga sappilerpât.

Jeremia 9:24

Nertôtijomajuble imaitoᴋ nertûtigiliuk, tukkisigame ilitarᴋsigamelo uvamnik, Nâlagaugamalo piniarneᴋartunga pitsiarnermik, idluarsainermiglo, ajunginermiglo nuname; tamakkoa ᴋuviagigapkit, Nâlagaᴋ oᴋarpoᴋ.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 4:37

Mânalo uvanga Nebukadnezar ᴋilaub ataninga nitorpara angijôtilugolo opigilugolo; tâpsoma piniarningit ilûnamatsiatik miksiᴋârtôngmatta, apᴋotingillo idluartoᴋsôngmatta; piojorinimilo arvitartut tâpsoma miklilititsungnarpait.

Habakûb 1:12

Igville, Nâlegaᴋ Gûdiga, ivsornaitoᴋotiga, isoᴋangitoᴋsoarmit tâmnautsainalungilatît? Toᴋoniatsangilagut. Tâmna pidlaraksautilauᴋpat, Nâlegaᴋ; igvit ᴋairtôjotit, tâmna sugiartiksautilauᴋpat.

Habakûb 1:13

Igvit ijeᴋartotit ivsornaitoᴋsôjûngnik idluitulinermik takonârungnangitûngnik, nelangainermiglo nâmaksarungnangitûngnik, suna pivlugo nelâgôngitulijut tâpkoa takonârᴋigît, nipangerlutillo idluitulijûb idluarᴋejane êngmago,

Sefania 3:5

Nâlegak tagvanêtok idluartôvok; tâmna idluituliniangilak; ᴋaujarangat idluarsainine ᴋaumajomut pitipâ, nipotilungilak; idluitulle kangusulungilat.

Mattêuse 5:48

Tamanna pivlugo nâmaksileritse, sorlo Atâtase ᴋilangmêtok nâmamaringmat.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 1:17

Perᴋojalle Môsesekut tunijauvut, saimanek mikseᴋârnerlo Jêsuse Kristûsekut pivuk.

Johannese 14:6

Jêsusib oᴋautivâ: Apᴋutauvunga mikseᴋârniovlungalo inôgutauvlungalo; Atâtamut pijoᴋangilak, uvapkut kisiane.

Johannese 5:22

Atâta erᴋartuingimat kimiglônêt, Erninele erᴋartuijungortilauᴋpâ tamainik.

Rômiunut 1:32

Taipkoa Gûdib idluarninganik ᴋaujimagalloarlutik (taimailiortut toᴋotaksaungmatta,) nangmineᴋ taimailiortuinangilat assitigle taimailiortut ᴋuviagivait aglât.

Rômiunut 2:2

Gûdible erᴋartuininga taimailiortunik idluarmat ᴋaujimavogut.

Rômiunut 2:5

Igville ômativît mangaidlarninganut ᴋaᴋialeromangininganullo ᴋallerêktitsivotit nangminernut ningautsemik ningautsib uvluksanganut Gûdiblo erᴋartuiningata idluartub saᴋᴋijârvianut.

Rômiunut 3:5

Idluiniptale Gûdib idluarninga nertornartikpatsuk, sumik oᴋartuksauvitâ? Gûde idluitônajarᴋâ, ningarnermut pidlaramitigût? (inuktut taimak oᴋarpunga.)

I Korintemiunut 10:4

Ilûnatiglo adsigêktomik imiksamik anernelingmik imilaukput; ᴋairtomille anernelingmik pijomik imilaukput, tâpsoma malingmagit; ᴋairtok tâmna Kristûseolaukpok.

Deuteronomy 10:18

Iliarsuit uigarnerillo idluartomik piniarvigivait, takorngartarlo nagligilugo tunitjivigivâ nerᴋiksamik annorâksaniglo.

Deuteronomy 32:15

Israêlele ᴋoinivok, tukarniklunelo; ᴋoinivotit, siliksivotit, uvineᴋadlarpotit; Gûdelo pingortitine ᴋemakpâ, ᴋairtorlo piulijauviksane naggogivâ.

Deuteronomy 32:18

ᴋairtok inûlertitsilauᴋtok ilingnik kamagijungnairpat, Gûdelo inungortitsijok ilingnik puigorpat.

Deuteronomy 7:9

Taimaimat ᴋaujijuksauvotit Nâlegak Gûdît Gûdeongmat; Gûde nelâgôrtok nelautsititsilune angerutigijaminik nâpkiniklunelo nagligijiminik perᴋojaminiglo nâlektunik kinguvârêt tausendit tikilugit.

Jâkobusib 1:17

Tunergutit ajungitut ilûnatik, tunergutillo nâmaksijut ilûnatik pikangat pivut, ᴋaumajûb atâtanganit; tâpsomane soᴋoserneᴋangilak simertigêgatiglônêt tâktorlo ᴋaumajorlo.

Jâkobusib 4:12

Atausênauvok perᴋojanik pititsijok, tâmna piuliklerungnarlarmelo asserortitsijungnarpok. Kinauvêt igvit assingnik erᴋartuijotît?

I Pêtrusib 2:6

Taimaimat aglangne aglaksimavoᴋ: Ahâk, ujarᴋamik iglub terreᴋuksanganik ilijivunga Zioneme, anerimajomik pivianartomiglo; neliallo tâpsomunga okpertoᴋ kangusuktitauniangilaᴋ.

I Samuel 2:2

Ivsornaitoᴋangilak Nalekab assianik; illingnit asseᴋangilak; sapputsauviksaᴋalungilarlo Gudipta assianik.