Biblia Todo Logo
Bìoball air-loidhne

- Sanasan -




Deuteronomy 32:11 - Labrador Inuttitut Heritage Bible

11 Sorlo nektoraliublune saputingmagit, piarᴋame ᴋolâne auᴋsârdlune, esarᴋone issivipait, tiguvait, nangmarlugillo esarᴋumine:

Faic an caibideil Dèan lethbhreac




Deuteronomy 32:11
13 Iomraidhean Croise  

Nunalo illênarsimavoᴋ sunataᴋaranelo, itinerublo ᴋollâ tâᴋpoᴋ, Gûdiblo anerningata imaᴋsuit ᴋollangiarpait.


Kêrubib ᴋângane ablângavok, tingilunelo tagvunga; ikkiaᴋilaukporlo annorib esarungine.


Egiptenemiunut piniarnerijakka takolaukpase, ᴋanorlo nangmarapse naktoralît esarᴋunginut, tikiutitiluselo uvamnut.


Kilangmiugasaksuillo Nâlegangata Jerusaleme sapputijomârpa, sôrlo tingmitjat piniarmatta esaromingnut, sapputjivlune piuliklerlunelo nikkasuklunelo ikajorlunelo.


Kissianele Nâlekamik tatteᴋartut pitsartunermik nutâmik tunitjiviovut, nektoraliktitut tingilerput esaromingnut, akpangerput nukkeᴋarungnaitsanatik, arvertarput merngortorungnaratik.


Uvanga tâmnautsainarpunga inutoᴋaunipsingnut aglât, ᴋêrtolerluse uvanga erᴋsukpapse. Uvanga taimailiorpunga, uvanga nangmarpapse, uvanga erᴋsukpapse piulivluselo.


Kappiasûtigijangit tamaita kappiasûtigivaittauᴋ, kênangatalo engelingata piulivait. Nagligigamigit nâpkigivlugillo, ᴋelluvait. Kiviklugillo erᴋsukpait uvlut tamaita itsaᴋsoarnit.


Sorlo tapserut atsungersortaungmat angutiub makitinganut, taimak Israêlib ᴋitorngangit ilûnaita Judablo ᴋitorngangit ilûnaita atsungersoromalauᴋpakka uvamnut, Nâlagaᴋ oᴋarpoᴋ; inuᴋutauᴋovlugit, unipkautiksauᴋovlugillo, nertortaujutiksauᴋovlugillo, opigijaujutiksauᴋovlugillo uvamnut; tusaromalaungilalle.


Uvangale Efraim pisungnermik ilisalauᴋpara; talimnut tigumiarpara; ᴋaujimalaungilalle uvanga inûligapkit.


Benjamin pivlugo oᴋarpok: Nâlekab erdligijanga terliklune ineᴋalârpok tâpsomane; serngnigivâ uvloᴋ nâvlugo, tuîkitalo akorngangne ineᴋalârpok.


Okpernermut illitarsivogut, silaᴋsoaᴋ Gûdib oᴋausinganut pingortisimangmat; takuksaujut tamaita pingortitaumangmatta sunaungitomit.


Arnarlo issarungnik maggûngnik nektoraliub angijub issarôktitut-itungnik tunitsiviovok, tingilerᴋovlugo inuᴋajuitomut iniksaminut, tagvane nerrititauᴋovlugo nelliutome atautseme, neliutungnelo maggûngne, neliutublo ᴋoppangane, ᴋuglugiab kênanganit.


Pamiominullo uvloritjat pingasuililugit pingajuingit nusukpait, nunamullo egidlugit. Kuglugiaksoarâluglo tâmna arnab ernisuktub sânganut pivok, ernijarêtuarpat, ᴋitornganga nerrijomavlugo.


Lean sinn:

Sanasan


Sanasan