Deuteronomy 30:9 - Labrador Inuttitut Heritage Bible

⁹ Nâlekablo Gûdivît piᴋangârtitsomârpâtit aggakpît suliangine tamaine, timivît paungangine, nergjuteᴋotivît paungangine, nunavîllo paungangine, idluarᴋutiksarnut; Nâlekab ᴋuviagijomârivâtit ama idluarᴋutiksarnut, sorlo atâtagijatit ᴋuviagilaungmagit;

Deuteronomy 30:9 Iomraidhean Croise

Jesaiase 62:4

Kemadlaraujomik taijaujungnairomârpotit kingorngane, nunallo inuᴋangitomik taijaujungnairomârpoᴋ kingorngane, taijaujomârpotille ᴋuviagijamnik, nunallo uilingmik (taijaujomârpoᴋ), Nâlekab ᴋuviagingmattit, nunallo uiᴋarmat.

Jesaiase 62:5

Sôrlo angutib inôsuktub uigasuk nulliarilermago, taimak innigijivit nulliarileromârpâtit. Sôrlolo uiksab nulliaksane ᴋuviagingmago, taimak Gûdivit ᴋuviagijomârpâtit.

Jesaiase 65:19

Jerusaleme alliagijomârpara inuᴋotikkalo ᴋuviagivlugit; tussartaujungnairomârporlo tagvane ᴋeajub nippinga ogguartublõnêt nippinga.

Jeremia 31:27

Ahâk, uvlut naliutijomârput, oᴋarpoᴋ Nâlagaᴋ, Israêlikut Judakullo karngasoivigijomârapkit karngasutinik inungnik karngasutiniglo nergjutinik.

Jeremia 31:28

Pijoᴋalârporlo, sorlo kamagilaurapkit nusugomavlugit serᴋomitsomavlugillo, oggotitsomavlugit asseroromavlugillo, kapiasuktitsomavlugillo; taimaluatsiaᴋ kamagijomagivakka âᴋiksoromavlugit ilijomavlugillo, oᴋarpoᴋ Nâlagaᴋ.

Jeremia 32:41

Ila, ᴋuviasûtigijomavakka ajungitulivigijomavlugit, amâtsioromavakkalo nunamut mattomunga ômatimnut ilûnânut tarnimnullo ilûnânut.

Jeremia 33:9

Iglugasaksuillo makkoa attingortitsomavakka uvamnut ᴋuviagijaujomik, nertoraksaujomik opigijaksaujomiglo, inôᴋatigêksuit nunamêtut tamaita sângine, tusaromârtut ajungitunik tamainik piniarnerijomajamnik tâpkoninga, sivôrajomârtullo sajugomârtullo ajunginerit tamaita ulapirᴋsaullo tamât tikititsomajakka tâpkonunga pivlugit.

Leviticus 26:4

Silaluᴋojijomavunga naliuningane, nunalo sakᴋêjuksauvok perortuminik, napârtullo perorsêvingmêtut sakᴋertitsilârput paungamingnik.

Leviticus 26:6

Ulapirksaumiglo tunitjijomavunga nunapsingne, inangalârposelo kapiasuktitaunase kimullônêt; ômajullo erᴋsinartut pêjaromavakka nunapsingnit, saviksoarlo ingergarniangilak nunapsigut.

Sefania 3:17

Nâlegak Gûdît ilingnêpok, pitsartudlartok piulikleromajok: ᴋuviasungnermut serrijûtigilârpâtit, nagligosungnermine nunanijâlârpok, imgerutinut serrijûtigilârpâtit.

Lukase 15:32

Serrilutillo ᴋuviasuktuksaugalloarpotit; nukat una toᴋungalauktok ama ômarmingmat; assiosimalauktorlo nagvârtaumingmat.

Johannese 15:11

Taimâk oᴋarvigivapse, ᴋuviasuteᴋarnera ilipsingnêtsainarᴋovlugo, ᴋuviasungniselo nâmaksivalliaᴋovlugo.

Deuteronomy 28:4

Saimartitaulârput timivît paungangit, nunavîllo paungangit, nergjuteᴋotivîllo paungangit, tuktuvaᴋotivît unuksiningit, saugakotivîllo piarangit.

Deuteronomy 28:63

Imaitsomârporlo, sorlo Nâlekab ᴋuviasûtigilaungmase ajungitulivigijomavluse unuksititsomavluselo, taimak Nâlekab ᴋuviasûtigijomârpâse asseroromavluse nunguluselo; pêjartaujomârposelo nunamit aivigijapsingnit pigijomavlugo.

Deuteronomy 30:8

Igvillo sâgiaromârpotit, Nâlekab nippinga nâlegomavlugo, perᴋojangit tamaita, perᴋojijutigijakka ilingnut uvlome, piniaromavlugit.

Deuteronomy 7:14

Piloriluarᴋojaulârpotit inôᴋatigêksoarnit tamainit; anguteᴋaromângilaᴋ arnaᴋaromângilarlo kinguvâksaliungitomik akunapsingne nergjuteᴋotipselônêt akorngane.