Deuteronomy 30:2 - Labrador Inuttitut Heritage Bible

² Sâgiaruvillo Nâlekamut Gûdingnut, tâpsomalo nippinga nâlagungne, uvlome perᴋojakka ilingnut tamaita maliklugit, igvit ᴋitorngatillo, ômatingnut tamânut tarningnullo tamânut, maligomalerungne;

Deuteronomy 30:2 Iomraidhean Croise

I Kronika 29:17

Nallungilanga Gûdiga omat ôktorangne, nallagôrnerlo ᴋuviagigangne. Tamânna pivlugo tamakkoa tamaita (ᴋunnutuidlunga) omamut nallagôrtomut tunnilaukpakka, ᴋuviasuklungalo mânna takkolaukpunga inuᴋotitit manêtut, ᴋunnutuidlutik tunnitsivigilaungmattit.

I Kronika 29:9

Inugasaksuillo tunnergutitik ᴋunnutuilutik tunnijatik ᴋuviasutigivait, tunnigamigit Nalekamut omamut tamânut, ᴋunnutuilutik. Attannerlo Davidetauk ᴋuviasuvaksoangolaukpok.

II Kronika 30:9

Illipsele sâlerniarupse Nalekamut, tagva ᴋattangutise ᴋittorngaselo napkigijauneᴋarniarput parnanairsortimingne, nunamut tamattomunga utterᴋovlugit, Nalegak Gudise saimarsaigosungmat, napkigosuklunelo, kênanelo sânguniangilâ illipsingnit, illipse sâvigigupsiuk.

Nehemia 1:9

Sâniarupsele uvamnut perᴋojakkala kamagigupsigik, pinniarutigigupsigiglo, ajaktortaumagalloarupselo ᴋilaub issua tikkidlugo; sulle tagvangat kattersoromavapse, atsomaluselo innemut annerijamnut, atera tagvaneᴋovlugo.

Imgerut 119:2

Pillorikput tâpsoma kigligiutsininginik nâlektut, ᴋennertut tâpsominga ômamut tamânut.

Imgerut 119:80

Omattiga nallâgôrlune idluarijarnêtsainarle kangusuktitauᴋonanga.

Imgerut 41:12

Uvangale najumivarma idluitailinera pivlugo, pitilungalo kênavit sânganut issoᴋangitomut.

Jeremia 29:13

Keneromârpapsingalo nagvârniarlungalo, ômatipsingnut ilûnânut ᴋeneromârupsinga.

Jeremia 3:10

Sullele tamakkoa pigaloartilugit, najanga tunganaitoᴋ Juda utersimangilaᴋ uvamnut ômamut tamânut, takkormôrdlunele, oᴋarpoᴋ Nâlagaᴋ.

Jeremia 36:3

Imaᴋa Judab kinguvângit tusarajarput idluitunik tamainik kajusijutigijamnik piniaromavlugit tâpkonunga; sâgiarajarmattalo ilûnatik atunit apᴋotigijamingnit idluitomit; issumagijungnaivigivlugit ajorninginit idluitulininginillo pijungnarᴋovlunga.

Jeremia 4:14

Omatit ubvaruk idluinermit, Jerusalem, piulijaujungnarᴋovlutit. ᴋanoᴋ sivitutigijomik issumavêt idluitut angerarviginiarᴋâtît?

Jeremiab Ogguarutigijangit 3:32

Kiksartitsigaloarame, ilapsugosudlarniarpok nâpkigosungnime unuktoᴋsôningit maliklugit.

Jeremiab Ogguarutigijangit 3:40

Apᴋotigijavut nautsertorlavut ôktolugillo, sâgiarmilutalo Nâlekamut.

Hesekiel 6:9

Tâpkoalo anigoijigijapse erᴋaumajomârpânga inôᴋatigêksuit aularutijauvigilârtangita akorngane, allaigama ômatinginik ajortulilauᴋtunik ᴋemaijuniglo uvamnik, ijinginiglo ajortuligosuktunik gudingoaliarimajanginik: ingmingniglo maᴋojugilârput idluitulinitik piniarnerijatik maᴋojungnartulinermingne tamiane pivlugit.

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Leviticus 26:40

Kigligiutjijomârpullo idluinermingnik, atâtamiglo idluininginik idluitulivigilaungmanga, akkerartorlungalo arvertalauramik.

Saggaria 12:10

Dâvidiblo kinguvânginut Jerusalemiunullo kovijomârpara anernek saimanartitsijok ᴋenutitsijorlo; takojomârpullo kapilauktamingnik; ᴋeagijomârpâllo sorlo ernetuak ᴋeagijaungmat, ogguarutigijomârpâllo sorlo ᴋitorngak angajuklek oggorijaungmat.

II Korintemiunut 3:16

Sâgiarpattale (Israêlitit) Nâlekamut, tagva tâlutaᴋ pêrtaunajarpoᴋ.

Efêsusemiunut 6:24

Saimarsauteᴋarlit ilûnatik Nâlegaptingnik Jêsuse Kristusemik naglingniktut ilungertorlutik. Amen. Rômame makkoa aglaktaumavut Efesusemiunut. Tikikusib naksalauᴋpait.

Deuteronomy 13:3

Nelautaijûb sinnartômajûblônêt tâpsoma oᴋauserijangit nâlagaksaringilatit; Nâlekab Gûdipse ôktormase, ᴋaujijomavlune Nâlegak Gûdise nagligimangâpsiuk ômatipsingnut tamânut tarnipsingnullo tamânut.

Deuteronomy 6:5

Nâlegarlo Gûdît nagligijaksarivat ômatingnut tamânut, tarningnullo tamânut, pitsartunernullo tamainut.

I Johannesib 1:9

Ajornivulli kigligiksautigiguptigik, tâmna nitornartôvluni idluartôvoᴋ, issumagijungnaivigigamitigut ajorniptingnit, sujungaitilutalo idluitunit tamainit.