Deuteronomy 30:1 - Labrador Inuttitut Heritage Bible

¹ Imaitsomarporlo, ukkua tamarmik nelaupatit, saimartitaunerûb ôminarsiᴋojaunerûblo, sâtitama ilingnut, erᴋaumagungnelo inôᴋatigêᴋsuit, Nâlekab Gûdivît ᴋemâviotitangita ilingnut, akornganêtilutit,

Deuteronomy 30:1 Iomraidhean Croise

Genesis 4:14

Takkuit, uvlome nunamit aulartiparma kênarnillo ijeriartortuksauvunga. Saksârtuksauvlunga ᴋemâjuksauvunga nuname. Imailingalârpunga: uvamnik naipitsijub toᴋolârpânga.

I Atannit 8:34

Tagva igvit tusalaurit ᴋillangme, isumagijungnailugillo inuᴋotivit Israelitit ajorningit, uttertiniarlaitalo nunamut atâtagilauktanginut tunnilauktarnut.

II Kronika 30:9

Illipsele sâlerniarupse Nalekamut, tagva ᴋattangutise ᴋittorngaselo napkigijauneᴋarniarput parnanairsortimingne, nunamut tamattomunga utterᴋovlugit, Nalegak Gudise saimarsaigosungmat, napkigosuklunelo, kênanelo sânguniangilâ illipsingnit, illipse sâvigigupsiuk.

Nehemia 1:9

Sâniarupsele uvamnut perᴋojakkala kamagigupsigik, pinniarutigigupsigiglo, ajaktortaumagalloarupselo ᴋilaub issua tikkidlugo; sulle tagvangat kattersoromavapse, atsomaluselo innemut annerijamnut, atera tagvaneᴋovlugo.

Jesaiase 46:8

Tamattominga erᴋaileritse aulajungnangerluselo, tamanna õmamiutarisiuk, tappatojose illipse!

Jeremia 29:14

Nagvârtaujomârpungalo ilipsingnut, oᴋarpoᴋ Nâlagaᴋ, aularutjauniselo sorairtitsomârpara, katersoromârpapselo inôᴋatigêksuit akornganit, nunanillo tamainit âtauviotilauᴋtamnit ilipsingnik, oᴋarpoᴋ Nâlagaᴋ, utertitsomârpapselo nunamut aulartitauvigilauᴋtapsingnut uvamnut.

Jeremia 3:13

Kissiane idluitulinitit kigligiksautigikit, Nâlagaᴋ Gude idluitulivigilaurangne, salumainîllo serᴋerautigisimavat takorngartanut napârtut tungujortat ilûnatik atâne, nâlalaungilaselo nippimnik, Nâlagaᴋ oᴋarpoᴋ.

Jeremia 8:3

Toᴋolo annerijaungâromârpoᴋ inôtsemit ᴋitorngarêt makkoa idluitut amiakunginut, amiakôjunut nunane tamaine ajaktortauvigijangine uvamnut, Nâlagaᴋ Zebaot oᴋarpoᴋ.

Hesekiel 18:28

Issumaksarsiorame, tapanerijanelo piniarnerijane tamaita tunugamigit, inôjuksauvoᴋ ila, toᴋojuksaungilarlo.

Hesekiel 6:9

Tâpkoalo anigoijigijapse erᴋaumajomârpânga inôᴋatigêksuit aularutijauvigilârtangita akorngane, allaigama ômatinginik ajortulilauᴋtunik ᴋemaijuniglo uvamnik, ijinginiglo ajortuligosuktunik gudingoaliarimajanginik: ingmingniglo maᴋojugilârput idluitulinitik piniarnerijatik maᴋojungnartulinermingne tamiane pivlugit.

Saggaria 10:9

Karngasoromârpakkalo inôᴋatigêksuit akornganut, erᴋaumalârpângalo nunane ungasiktune; inôjuksauvullo ᴋitorngatik ilagilugit, uteromârlutiglo.

Lukase 15:17

Tagva issumamigut erᴋailerpok oᴋarlunelo: Unuktunik atâtaga ikajorteᴋarpok nerᴋiksamik ajoksangitunik, uvangale ᴋângmut perlilerpunga.

Deuteronomy 28:28

Nâlekab annaulârpâtit issumairutinermut, tautunginermullo, kapiasungnermullo ômatekut;

Deuteronomy 28:64

Nâlekablo siamartitsomârpâtit inôᴋatigêksuit akorngane nunab issuanit aipânit nunab issuanut aipanganut; tagvanelo Gûdib assingit, igvit atâtagijavîllônêt ilitarilaungitase, kivgartulârpase, ᴋejuit ujargallo.

Deuteronomy 29:27

Tamanna pivlugo Nâlekab ningarninga katsungaipok nunamut tamattomunga, tikitautipâlo ôminarsinernut tamainut aglangne ukkunane aglaksimajunut;

Deuteronomy 29:28

Nâlekablo nusukpait nunamingnit ningarnerme, ᴋaningaumajârnermelo, ilungertornermelo angijome, egilugillo nunab tâpsoma assianut, sorlo uvlome ingmat.

Deuteronomy 30:15

Takuit, uvlome sângnôrtipakka inôsek ajungitorlo, toᴋo ajortorlo;

Deuteronomy 30:19

Kilaglo nunalo kigligiutjiᴋovakka ilipsingnut uvlome, inôsek toᴋolo, saimartitaunek ôminarsiᴋojaunerlo, pitigapkit sângnut; taimaimat inôsek anneriuk, inôᴋovlutit, igvit kinguvâtillo;

Deuteronomy 32:36

Nâlekab inuᴋotine erᴋartoromârmagit kivgaᴋotinelo nâpkigilugit; takogame pitsartuerutingmatta, simnikoᴋarungnairmat ᴋomergutaujomiglônêt atuinaujomiglônêt.