Deuteronomy 3:24 - Labrador Inuttitut Heritage Bible

²⁴ Nâlegak Gûde, angijoksônit, aggatillo pitsartujut nelonaijalerpatit kivgarnut; kina Gûdeovâ ᴋilangmelônêt nunamelônêt piniarungnartok piniarnitit suliarijatillo pitsartudlartut adsilivlugît?

Deuteronomy 3:24 Iomraidhean Croise

Exodus 15:11

Kina Gûdit akorngane iliktut-ikâ, Nâlegak? Kina iliktut-ikâ, inornadlarlune ivsornainerme, sivôranadlarlune nertoraksauvlune, tatamnartulivlunelo?

Imgerut 71:19

Gûde idluarnît pôktovok, pinniarnersoarnik piniartotit. Gûde kia adsigivâtît?

Deuteronomy 11:2

Uvlomelo misigitsiaritse; oᴋarviginginapkit ᴋitorngase, ᴋaujimangitut takungitullo Nâlekab Gûdipse sugiarninginik, angijôninganik, agganginiglo pitsartujunik, talinganiglo issangmijomik,

Imgerut 86:8

Nâlegak illiktut-assiᴋangilak Gûdit akkorngane, pittaᴋangilarlo illiktut piniarungnartomik.

II Samuel 7:22

Tamanna pivlugo angijônasugijauvotit; illiktut itoᴋangimat, Gudeᴋangilarlo illiktun îtomik; tamaita siutiptingnut tussarlauktavut malliklugit.

Daniel 3:29

Tamanna pivlugo piᴋojivunga imaitomik, inôᴋatigêt, nunaᴋatigêlônêt, oᴋausiᴋatigêllônêt nallit oᴋarnilutjijut Sâdrakib, Mîsakiblo, Abednigoblo Gudinganik avgortaulârput, iglungillo atsiviksangortitaulârput: tâpsoma assianik gudiᴋangimat taimak piuliklirungnartomik.

Jeremia 10:6

Iliktun-itoᴋangilaᴋ, Nâlagaᴋ, angijôgavit attillo angijôgivoᴋ pitsartunerme.

Jesaiase 40:25

Kinamik adseᴋartitsomavisingâ, adsigivlugo perᴋovlunga? oᴋarpoᴋ ivlernartitoᴋ.

Imgerut 145:6

Pitsartunît kappianartok oᴋautigijauᴋovlugo, angijônît unipkautigijomavara.

Imgerut 106:2

Kia Nâlekab pinniarnersoangit nâlugit oᴋautigijungnarpagît, nakorijungnarlugo nertornarninga tamât?

Imgerut 89:8

Nâlegak Gûde Zebaot, kina illiktut Gûdeôva ajugaᴋangitok? mikseᴋârnîllo avatiptingnêpok.

Imgerut 89:6

Kiale nuvujanne Nâlegak adsigivaûk? kinalo Nâlegaktun itsungnarᴋa Gûdit ᴋittorngangita akkorngane?

Imgerut 35:10

Saunikka illunatik oᴋartuksauvut: Nâlegâk, kia adsigivâtît? ajulertomik piuliklertotit tâpsomangat pitsartuluartomit tâpsomunga, pattangajorlo aklujorlo arktartinginnit.

Nehemia 9:32

Mânnalo Gûdivut, Gûdeojoksôjotit, sôngojotit kappianadlartotillo, nallautsititsijotit angerᴋattigêngnermik, napkiningnermiglo, siorniornartut tamaita tikkitautigijavut, atannivullo, angajoᴋaunerôjovullo, ajoᴋertortivullo, nallautaijovullo, atâtavullo, inuᴋotitillo tamaita, Assiriamiut atanningita nalliuninginit uvlok tamânna tikkidlugo, mikkijonasugitailikittôk.

Jesaiase 40:18

Kinamik tagva Gûde adseᴋartitsomavisiûk? Sumiglo adsiojuksamik tâpsomunga sanajomavisê?

Imgerut 145:3

Nâlegak angijôvok, nertornadlarlunelo, anginingalo nautsertortaujungnangilak.

Exodus 8:10

Oᴋarpok: ᴋaupat. Kiovorlo: Sorlo oᴋaravit (taimainiarpok), tukisilerᴋovlutit Nâlegak Gûdivut naleᴋangimat.

Exodus 9:14

(Kunuleruvit) tamattomane kapiasûtaurᴋojakka tamaita tilijomavakka ilingnuluatsiak kivgarnullo inuᴋotingnullo, tukisilerᴋovlutit uvaptun-itoᴋangimat nuname ilûnâne.

Deuteronomy 3:23

Nâlegarlo ᴋenuvigilauᴋpara taipsomane, oᴋarlunga:

Deuteronomy 32:3

Nâlekab atinga oᴋâlautigijomagapko; Gûdivut nâlengnartomik oᴋautigisiuk.

I Atannit 8:42

(Tusarniarmatta aternik angijoksoarmik, aggangniglo pitsartujoksoarnik, tallerniglo issamijomik), ᴋailunelo tuksiarpat iglub oma sângane,

II Kronika 6:14

Oᴋarlunelo: Nalegak Israelib Gudinga, Gudeᴋangilak illiktut ᴋillangmêlonêt, nunamêlonêt; soᴋᴋosijuititsijotit angernermik, napkiningnermiglo kivgaᴋotingnut, agvertartunut sângne omamut tamânut.

Imgerut 150:2

Nertorsiuk piniarnersoanginne; nertorsiuk ânanaunersoanga malliklugo.

Numbers 23:23

Jakokut angakoᴋtortaujungnangilat, Israêlikullo nelautainerluktaujungnangilat: Neliuningane oᴋartoᴋalârpoᴋ Jakokut Israêlikullo pivlugit: Tagga Gûdib tatamnartuliningit!