Deuteronomy 27:2 - Labrador Inuttitut Heritage Bible

² Uvlormelo ikârvigijapsingne Jordanemik nunamut Nâlekab Gûdivît tunijanganut ilingnut, napatitsijuksauvotit ujarᴋanik angijunik, mingoarlugillo maggarmut;

Deuteronomy 27:2 Iomraidhean Croise

Hiobe 19:24

Aglaumut kikiangôjomut (aglaktaulit) akᴋitomut, erᴋaumajaunermut issoᴋangitomut ᴋairtomut kepperortaulit!

Hesekiel 11:19

Tunitjivigijomârpakkalo ômamik atausiojomik, anernermiglo nutâmik ilipsingnut pititsijomârpunga; ômallo ujaraᴋtun-itoᴋ uvininginit pêjaromârpara, tunitjivigilugillo ômamik uviniojomik;

Hesekiel 36:26

Tunitjivigijomârpapselo ômamik nutâmik, anernermiglo nutâmik pititsijomârpunga ilipsingnut: ômatelo ujaraujârtoᴋ pêjaromârpara uvinipsingnit, ômamiglo uviniojomik tunitjivigijomârpapse.

Deuteronomy 11:31

Ilipse Jordan ikâriaᴋarapsiuk iterᴋovluse nunalo Nâlekab Gûdipse tunijanga ilipsingnut, pigilugo, pigijaksarivaselo, tagvane iniᴋarniarluse.

Deuteronomy 26:1

Nunamut Nâlekab Gûdivît tunijanganut kingormgutijaksautitanganut ilingnut tikisimaguvit, pigigungnelo, tagvanelo ineᴋaleruvit;

Deuteronomy 27:1

Mosesiblo Israêliblo angajoᴋângita inuit perᴋovait, oᴋarlutik: Perᴋojat tamaita perᴋojijutigijakka ilipsingnut uvlome malitsiarsigik.

Deuteronomy 27:3

Aglagvigijaksarivatillo perᴋojat tamakkoa oᴋausertanginik tamainik ikârêruvit; tikiutilerᴋovlutit nunamut Nâlekab Gûdîvit tunijanganut ilingnut, nunamut kôlingmut imungmik igapsaujârtullo orᴋsuanik, sorlo Nâlekab atâtagijavit Gûdingata angervigingmatit.

Deuteronomy 27:4

Jordanelo ikârêrupsiuk, ujarait makkoa, perᴋojijutigijakka ilipsingnut uvlome, napartitaksarivase, ᴋakᴋame Ebaleme, mingoaraksarivatillo maggarmut.

Deuteronomy 6:1

Tamadjalo perᴋojat, maligaksallo, idluarsautiksallo Nâlekab Gûdipse ajuᴋertûtauᴋojangit ilipsingnut, piniarᴋovluse tâpkoninga nuname ikârvigijaksapsingne pigijomavlugo;

Deuteronomy 9:1

Omat, Israêl, uvlome Jordan ikârniarpat, iterniarlutillo inôᴋatigêksuit anginersat pitsartunersallo ilingnit piginiarlugit, iglugasaksuillo angijut, ᴋilangmut tôᴋtunik avalulit;

Josua 1:11

Tangmarvik pissugvigissiuk innugasaksuillo perᴋogissigik, oᴋarluselo: Taᴋᴋoaksamik kattersoileritse uvlut pingasut nâkpatta Jordan una ikkarniarapsiuk, tikkilerᴋovluse tigusilerluselo nunamik Nalekab Gudipse tunniniartanganik illipsingnut.

Josua 4:1

Nalekablo Josua oᴋautiva:

Josua 8:30

Tagva Josuab Altare sannava Nalekamut Israelib Gudinganut, ᴋaᴋᴋame Ebalemik attelingme;

Josua 8:31

Sorlo Mosesib Nalekab kivgangata Israelib ᴋittorngangit perᴋolaungmagit, sorlo aglaksimangmat Mosesib aglanginne perᴋojaktalingne, Altare ujarᴋanit illuitunnit, kikkiengmut ullimartaulungitunnit; tunnergutiksaniglo otaksanik ᴋujalijutiksaniglo tunnijivok Nalekamut.

Josua 8:32

Aglaklunelo tagvane ujarᴋanut, perᴋojat adsinginik, Mosesib Israelitinut perᴋolauktanginik.