Deuteronomy 26:8 - Labrador Inuttitut Heritage Bible

⁸ Nâlekablo anitipâtigut Egiptenemit aggangnut pitsartudlartunut, talermullo issamijomut, ᴋoaᴋsârnartunullo angijoksoarnut, nelunaikutanullo, tatamnartunullo;

Deuteronomy 26:8 Iomraidhean Croise

Exodus 12:37

Israêlikullo ingergalerput Ramesesemit Suggotemut, angutainait pisuktut 600,000, sorrutsit kitinagit.

Exodus 12:41

Pijoᴋarporlo, jârit 430 nângmata, uvlorme tâpsomanetsainak Nâlekab katimagajoksoaᴋotingit iluêngartut anivut nunamit Egiptenemit.

Exodus 12:51

Taimaglo uvlorme tâpsomanetsainak Nâlekab Israêlikut tasiorpait nunamit Egiptenemit ilagêngningit maliklugit.

Exodus 13:3

Tagva Mosesib inuit oᴋautivait: Erᴋaumalersiuk uvlok tamanna, anivigijase Egiptenemit, iglomit kipalûtitauvigijapsingnit; aggangnut pitsartujunut Nâlekab tagvangat aulartilaungmase: sêrnarsarsimajomik ᴋakᴋôjaktortoᴋartuksaungilak.

Exodus 6:6

Tamanna pivlugo Israêlikunut oᴋarit: Uvanga Nâlegauvunga Egiptenemiullo siorniortitsininginit aularutijomârpapse, nûtiluse kivgartortitsininginit, piulivluse talikut isamijokut, sugiartauviksoakullo.

Jesaiase 63:12

(Nanẽᴋâ) Môsesib tallerpiagut ingergatitsijoᴋ tallerminik nertornadlartomik, imaᴋsoarnik aviksijoᴋ taipkoa sânganne, erᴋaumanaromavlune issoᴋangitomut?

Jeremia 32:21

Tikiutjilauᴋtotillo inuᴋotingnik Israêlikunik nunamit Egiptenemit nalunaikutatigut, tatamnartutigullo, aggangnullo pitsartujunut, talingnullo issangmijomut kapianartoᴋsoarmullo;

Deuteronomy 34:11

Nelunaikutane tatamnartunelo Nâlekab tiliklerutigijangine tâpsominga, piniarlugit nuname Egipteneme, Faraomullo, tâpsomalo kivganginut, nunanganullo ilûnânut perᴋovlugo;

Deuteronomy 34:12

Aggangnullo pitsartudlartunut, kapianartunullo angijunut Mosesib piniartanginut Israêlekut ilûnatik takkoane.

Deuteronomy 4:34

Gûdelônêt tigusinasualauᴋsimavâ inôᴋatigêksoarnik nangminerijomajaminik inôᴋatigêksuit tâpkoa assingita akornganit, ôktornernut, nelunaikutanut, tatamnartulinernut, unatarnermut, aggangnut pitsartudlartunut, tallermullo issamijomut, kapianartovaksoarnullo, sorlo Nâlekab Gûdipse piniulaungmase Egipteneme ijipse sânginê?

Deuteronomy 5:15

Erᴋaijuksauvotillo kivgaulauravit nuname Egipteneme, Nâlekablo Gûdivît tikiutivâtit tagvangat aggangnut pitsartujunut tallermullo issamijomut; tamanna pivlugo Nâlekab Gûdivît perᴋovâtit uvloᴋ sabbateojok ivlerijaksarigangne.