Deuteronomy 26:5 - Labrador Inuttitut Heritage Bible

⁵ Kiovlutillo oᴋartuksauvotit Nâlekab Gûdivît sângane: Atâtaga Siriamiongolauᴋpok nuktartok, atersârporlo Egiptenemut, tagvanelo tujormiangovok, ikitunik ilaᴋarlune; tagvanele inôᴋatigêksoangolerpok angijut, pitsartujut, unuktôvlutiglo.

Deuteronomy 26:5 Iomraidhean Croise

Genesis 12:2

Inugasaksoangortitsomavagit saimauserlutillo, attillo nertornartitsomavara saimanartitsomavlutillo.

Genesis 24:4

Inôlervigijamnulle illamnullo ingerganiarpotit, taikangat ernera Isaaᴋ nuliaksarsivlugo.

Genesis 25:20

Isaarlo jâreᴋarpoᴋ 40nik, Rebekka nuliarigamiuk, Betuelib Siriamiub panninga, Mesopotamiamit pijoᴋ, Labanib Siriamiub najanga.

Genesis 27:41

Esauiblo Jako omigilerpâ saimanartoᴋ pivlugo, atâtangata illijanga taipsomunga; ômatimigullo oᴋarpoᴋ: Nelliutisarainiarpoᴋ oguarviksaᴋ atâtaga pivlugo, nukara Jako toᴋotsomavara tagva.

Genesis 28:5

Taimak Isaab Jako aularᴋongmago, ingergavoᴋ Mesopotâmiamut Labanemut, Siriamiomut, Betuelib erninganut, Jakoblo Esauiblo anânangata Rebekkab anninganut.

Genesis 31:20

Jakoblo terliarpâ Labane Siriamioᴋ, oᴋautinginamiuk ᴋemâgame.

Genesis 31:24

Gûdible Labane Siriamioᴋ tikkipâ sinnaktômatilugo unnuarme, oᴋautivlugo: Udjertulerit, Jako oᴋarviginiarungne, ajungitomit sangurᴋonak ajortomut.

Genesis 31:40

Imaipunga: Uvlôtilugo kiangmut sujukpunga, unnuangotilugolo ᴋeujarnermut, siniktailiᴋattarlungalo.

Genesis 43:12

Kênaujaniglo aipainginik naksaritse, taipkoa pôpsingne ᴋallipautivlutik uttersimajut naksarmivlugit; tammartoᴋarnerpallaingmat.

Genesis 45:11

Tagvane pattangaititsomavagit, sulle jârinik tallimanik kângarnartoᴋsoaᴋarniarmat, ajulerᴋonak igvit inuᴋotitillo perᴋutitillo tamaita.

Genesis 45:7

Gûdible sivunapsigut tamaunga tilivânga nungumariktailijomavluse nuname, inûlijomavluselo piulijaujutiksamut angijoᴋsoarmut.

Genesis 46:27

Josefiblo ernîgik, Egipteneme erniarijaujuk tâpsomunga, maggôvuk. Jakokut, Egiptenemut tikkitut, tamaita katilugit 70ovut.

Genesis 47:27

Israêlikullo nunaᴋalerput Egipteneme nuname Goseneme. Tamanna nunaᴋutigivlugo kinguvâktârᴋattarput unuksivalliavlutik.

Genesis 47:4

Oᴋarivullo Faraomut: Tikkisimavogut tujormiangoniardluta nuname, kivgaᴋotivit saugaᴋotingit nerrinasugviksaᴋarungnairmatta, kângnartoᴋsoaᴋ sugaluluarmat nuname Kânaaneme. Taimaimat kivgatit mâna Goseneme nunaᴋarᴋolaukittôᴋ!

Exodus 1:12

Kisiane siorniortitauvallianingat maliklugo pivalliatuinarput unuksivalliavlutiglo. Taimaimat Israêlikut sivôragilerpait.

Exodus 1:5

Inuillo ilûnnatik Jakob kinguvângit uvinikut tagva inuit 70; Josefele Egiptenemêtsarêrpok.

Exodus 1:7

Israêlikut, kinguvâktâᴋatarlutik pivallialerput unuksivallialutiglo angijororpalliadlarlutiglo; nunalo nâmavât tâpkoa.

Hosea 12:12

Jâkolo ᴋemâlauᴋpoᴋ Aramib naternanganut, Israêliblo nuliaksaᴋ kivgartûtigiva, nuliaksarsiniarlunelo saukanik mianersivoᴋ.

Hosea 12:13

Nelautaijokullo Nâlekab Israêle Egiptenemit majorartilauᴋpâ, nelautaijomullo pairijaulauᴋpoᴋ.

Apostelit Piniarningit 7:15

Jâkolo Egiptenemut atersârpok, tagvanelo toᴋovok, tâmna atâtagijavullo,

Deuteronomy 1:10

Nâlekab Gûdipse unuksitisimavâse, ahâglo, uvlome ᴋilaub uvloriangititut unuktigivose.

Deuteronomy 10:22

Atâtagilauᴋtatit atersâlauᴋput Egiptenemut tarnelit 70ovlutik, mânalo Nâlekab Gûdivît ᴋilaub uvloriangititut unuktigitipâtit.

Deuteronomy 26:4

Ajuᴋertuijûblo amârgaujaᴋ tigujaksarivâ aggangnit ililugolo Nâlekab Gûdivît tunerguservingata sânganut.

Deuteronomy 7:7

Nâlekab ungagilaungilâse annerilaungilâselônêt ununersaugapse inôᴋatigêksoarnit assipsingnit tamainit; ikinerpaulaurapse inôᴋatigêksoarnit;