Deuteronomy 26:3 - Labrador Inuttitut Heritage Bible

³ Ajuᴋertuijorlo uvlune tâpkonane tagvanêlârtok aivigijaksarivat oᴋautilugolo: Kigligiksarpunga uvlome Nâlekamut Gûdingnut tikisimagama nunamut Nâlekab angerutigilauᴋtanganut atâtagijaptingnut tunijomavlugo uvaptingnut.

Deuteronomy 26:3 Iomraidhean Croise

Genesis 17:8

Nunalo tujormiangovigijat, nuna Kânaane ilûnât, illingnut tunijomârpara kinguvâksarnullo kingunikkut, perᴋutautsainarᴋovlugo (tâpkonunga), Gûdigijomârpângalo.

Genesis 26:3

Nuname mattomane tujormiangolerit, uvangalo illagijomavagit saimauserlutit, illingnut kinguvâksarnullo nunat tamakkoa tamaita tunijomagapkit, angerneralo angernerijara atâtangnut Abrahamut soᴋosijuititsomavara.

Deuteronomy 1:8

Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 19:17

Tagva angutik tamarmik akkerartûtijuk nangeriartortuksauvuk Nâlekab sânganut, ajuᴋertuijut idluarsaijullo uvlune tâpkonane tagvanêniartut sânginut;

Deuteronomy 26:2

Tigusijuksauvotit nunavît perutsiangita pijariorutit ilanginik angergautijarnik nunamit Nâlekab Gûdivît tunijanganit ilingnut; ilijaksarivatillo amârgaujarmut, ailutillo inemut Nâlekab Gûdivît annerijanganut atterminut iniksauᴋovlugo.

Deuteronomy 26:4

Ajuᴋertuijûblo amârgaujaᴋ tigujaksarivâ aggangnit ililugolo Nâlekab Gûdivît tunerguservingata sânganut.

Ebrêerinut 10:21

Ajoᴋertuinerôjoᴋaraptalo Gûdib iglunganut:

Ebrêerinut 13:15

Sorairata tagva Gûde âtsivigilavut tunergutinik nertordleruinik tâpsomûna, tagva oᴋautsinik nertordlertunik ᴋangasinângnit pijunik, attinganik kigligiudsijunik.

Ebrêerinut 7:26

Taimaitomik ajoᴋertuinerôjomik pijariaᴋarapta ivjornaitomik, passijaksaungitomik, ajortoᴋangitomik, ajortolingnit ingmigôlingajomik ᴋilangmillo ᴋotsingnersamik;

I Pêtrusib 2:5

Ilipsetauᴋ ujarᴋatitut ômajutitut igloliangotitse, igloᴋsoangolerᴋovluse anernelingmik ajoᴋertuijuksaulerluselo ivsornaitunik; tunijijuksauᴋovluse tunergutinik anernilingnik, Gûdib idluarijanginik Jêsuse Kristusikut.