Deuteronomy 26:18 - Labrador Inuttitut Heritage Bible

¹⁸ Nâlekablo uvlome kigligiutjivigivâtit inuᴋotigijomagamitit nangminerijomavlutit, sorlo angervigilaungmatit, malitsiartuksaugavillo tâpsoma perᴋojanginik tamainik;

Deuteronomy 26:18 Iomraidhean Croise

II Samuel 7:24

Igvillo innuᴋotitit Israelitit innuᴋotingortilaukpattit illingnut soraijuitomik; igvillo Nalegak Gudiôlerlaukpotit tapkonunga.

Imgerut 119:6

Perᴋojattit illûnaita nautsertorupkit, tagva kangusuktitauniangilanga.

Imgerut 135:4

Nâlekab Jako annerilaungmago ingminut, Israelelo perᴋotiminut.

Exodus 6:7

Ilalioromârpapselo inuᴋotigijomavluse, Gûdeojomavungalo ilipsingnut: Tukisijuksauvoselo uvangaugama Nâlegak Gûdise aularutijise Egiptenemiut siorniortitsininginit.

Jeremia 13:11

Sorlo tapserut atsungersortaungmat angutiub makitinganut, taimak Israêlib ᴋitorngangit ilûnaita Judablo ᴋitorngangit ilûnaita atsungersoromalauᴋpakka uvamnut, Nâlagaᴋ oᴋarpoᴋ; inuᴋutauᴋovlugit, unipkautiksauᴋovlugillo, nertortaujutiksauᴋovlugillo, opigijaujutiksauᴋovlugillo uvamnut; tusaromalaungilalle.

Leviticus 20:26

Ivsornaituksauvoselo sâmne, Uvanga Nâlegaujunga ivsornainama, ingmigolingatipapselo inôᴋatigêksoarnit perᴋutauᴋovluse uvamnut.

Sefania 3:20

Neliutome tâpsomane tikiutijomârpapse, neliutomelo tâpsomane katersoromârpapse; opinartungortitsomârapse nertornautiksangordluselo inôᴋatigêksoarne tamaine silaksoarme, aularutjaunise tikiutilermigupkit ijipse sângine, oᴋarpok Nâlegak.

Rômiunut 16:26

Mânale nalonairsimavoᴋ, nalautaijullo aglanginut issoᴋangitoᴋsûb Gûdib perᴋojanga maliklugo oᴋautigijaujoᴋ, nalojunut tamainut, okpilerniarᴋovlugit nâlaklutik,)

Deuteronomy 14:2

Inôᴋatigêngogapse ivsornaitut Nâlekamut Gûdingnut, Nâlekablo annerivâse inuᴋutauᴋovluse adseungitunik nangminerminut, inôᴋatigêksoarnit tamainit nunab ᴋânganêtunit.

Deuteronomy 27:10

Taimaimat Nâlekab Gûdivît nipinga nâlegaksarivat, piniarlutillo perᴋojanginik maligaksaniglo perᴋojijutigijamnik ilingnut uvlome.

Deuteronomy 28:1

Katsungaidlutillo Nâlekab Gûdivît nipinga nâlagungne, ilungertorlutillo piniarungne perᴋojangit tamaita perᴋojijutigijakka ilingnut uvlome, Nâlekab Gûdivît pilluangotilârpâtit inôᴋatigêksoarnit nunamêtunit tamainit;

Deuteronomy 28:9

Nâlekab tungatilârpâtit inuᴋutauᴋovlutit ivlernartut nangminerminut, sorlo nelautsimariktomik angervigingmatit; Nâlekab Gûdivît perᴋojangit maligungne, arvertarlutillo apᴋutauᴋojangine.

Deuteronomy 29:13

Uvlome ingminut inuᴋutiksangortitsomagamitit, ilingnullo Gûdeojomavlune, sorlo nelautsimariktomik oᴋautilaungmatit, sorlolo nelautsimariktomik atâtagijatit Abraha, Isaarlo, Jakolo oᴋautilaungmagit.

Deuteronomy 4:20

Nâlekab ilaliormase anitiluselo kikiangmik auktitsivingmit, Egiptenemit, inuᴋutauᴋovluse kingormgutijaksamik tâpsomunga, sorlo uvlome igapse.

Deuteronomy 7:6

Inuᴋutaugapse ivsornaitut Nâlekamut Gûdipsingnut; Nâlekab Gûdivît annerivâtit inôᴋatigêksoarnit tamainit nunab ᴋânganêtunit inuᴋutauᴋovlutit adseungitok tâpsomunga.

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.