Deuteronomy 26:14 - Labrador Inuttitut Heritage Bible

¹⁴ Nerᴋlingonimne nerrilungilanga ilanginik, ilangerlungilakkalônêt idluitulivlunga, ilangillônêt tuningilakka toᴋungajunut; Nâlekab Gûdima nipinga nâlekpara, piniarpunga perᴋojatit tamaita uvamnut maliklugit.

Deuteronomy 26:14 Iomraidhean Croise

Imgerut 106:28

Baal-Peorelo ungagivât, nerrilutiglo Gûdingoat innôseᴋangitut tunnergusianginit;

Imgerut 18:22

Idluarijangit illunaita ijingma sângangnêmatta, perᴋojangillo egilungilakka uvamnit;

Jeremia 16:7

Aitortuijoᴋalângilallônêt ᴋaᴋᴋôjanik ᴋeajunut, manigoromavlugit toᴋungajut pivlugit; tunidjiviolângilallônêt manigornerub ermgusiarsunganik, imerᴋovlugit atâtatik anânatiglo pivlugit.

Hesekiel 24:17

Annersaumigit, tusaksaungitomigle; toᴋungajoᴋ ogguarutiginiarnago, niaᴋôserille kamiklutillo, ᴋangasinâkiglo mattoniarnagik, inuillo kiksartut nerrivaktanganik nerriniarnak.

Hosea 9:4

Tunergutiksanik vainemik kovisijuksaungilat Nâlekamut, tunergutingillo ôtaksat ᴋuvianarniangilat tâpsomunga: tunergutingit ilingalârput tâpkonunga sorlo ogguartut nerᴋiksanginik; ilûnatik tagvangat nerrijut ivsornartitaulârput: nerᴋiksangit nangminermingnut ilingalârput, Nâlekab iglunganut itertuksaungilat.

Leviticus 21:1

Nâlekablo Mosese oᴋautivâ: Ajoᴋertuijut Aronib erningit oᴋarvigikit, oᴋautilugillo: Ivsornartitoᴋarniarane nangminerminik toᴋungajut inôᴋatime akorngane pivlugit;

Leviticus 21:11

Toᴋungajûblo timinganut itertuksaungilak, atâtanelônêt anânanelônêt pivlugo ivsornartituksaungilak nangminerminik;

Leviticus 7:20

Nerijulle tunergutaujûb ᴋujaliutiksab nerᴋinganik Nâlekamut tunijaujomik, najorteᴋarlune ivsornarnerminik, tâmna avitaujuksauvok inôᴋatiminit.

Mâlaki 2:13

Amalo imailivose: Nâlekab tunerguservinga mattuvase ᴋugvinut, ᴋeanermullo, anersauminermullo, tunergutit nerᴋiksat kamagijungnairmagit, ᴋuviasuklunelo ilaliolungimagit aggapsingnit.

Deuteronomy 13:5

Nelautaijorlo imna, sinnartômajorlônêt taimna, toᴋotaujuksauvok, nâlegungnaineᴋ Nâlekamik Gûdipsingnik, tikiutjijipsingnik nunamit Egiptenemit, piulijipsingniglo iglomit kipalovingmit, oᴋautigingmago, uerisaromangmase apᴋomit Nâlekab Gûdivît apᴋutauᴋojanganit ilingnut. Taimaglo ajortok akunapsingnit pêjarniarpat.

Deuteronomy 15:5

Katsungaidlutit Nâlekab Gûdivît nippinga nâletsiartuarungne, perᴋojaujut makkoa tamaita perᴋojijutigijakka ilingnut uvlome naipertutsiarlutit piniarungne.

Deuteronomy 16:11

Serrijuksauvotillo Nâlekab Gûdivît sângane, igvit, ernîllo, panîllo, kivgallo angut, kivgallo arnak; Leviteojorlo itertarvingnêtok, takorngartarlo, iliarsuglo, uigarnerlo, akunapsingnêtut, ineme Nâlekab Gûdivit annerijangane aterminut iniksauᴋovlugo.

Deuteronomy 26:13

Nâlekablo Gûdivît sângane oᴋartuksauvotit: Ivsornaititaksat pêjarpakka iglumnit, tunivakkalo Levikunut, tujormiarnullo, iliarsungnullo, uigarnernullo, perᴋojatit perᴋojijutigijatit tamaita maliklugit; perᴋojavît neliallônêt tapagilungilakka, puigungilakkalônêt;

Deuteronomy 26:15

Inigijarnit ivsornaitomit, ᴋilangmit, takosalaurit, saimarsarkillo inuᴋotitit Israêlikut, nunalo tunijat uvaptingnut, sorlo saglungimariklutit oᴋalauravit atâtagijaptingnut, nuna kôᴋartok imungmik igupsaujârtullo orᴋsuanik.