Deuteronomy 23:6 - Labrador Inuttitut Heritage Bible

⁶ Ulapirᴋsautiksanginik idluarᴋutiksanginiglônêt ᴋenerniangilatit uvlutit tamaita nâvlugit soraingitomik.

Deuteronomy 23:6 Iomraidhean Croise

II Samuel 12:31

Innugatsuille taᴋᴋamanetut annitipait, illilaitalo kiblut kikkiengôjut, kapputillo, kuksautello kikkiengôjut attânut, ikkilaitalo kieksautine igaliksalliorvingne. Taimailiorvigivait Ammonib ᴋittorngangita iglugasaksoangit illunaita. Tagva Davide innugatoksuillo illunatik uttilerput Jerusalemut.

II Samuel 16:12

Imakkâ Nalekab ajulernera takkonârniarpa, pitsiarnermullo akkinniarlunga tapsoma oᴋarnerlotjininga uvlomênitak pivlugo.

II Samuel 8:2

Moabiterit ullimarlaurivait taimak, pingajuingit magguit toᴋᴋomut pitingmagit, pingajuingillo attautsit innuᴋongmagit. Taimak Moabiterit kivgangortitauvut Davidemut, âtsilutiglo pilliutinik tapsomunga.

Esra 9:12

Tagva manna pannise tunnijaksaringilasse taipkoa erninginut, taipkoalo panningit tigujaksaringilasse ernipsingnut nulliangoᴋovlugit, ullapirsautiksangallo, idluarᴋutiksangallo ᴋenneraksaringilasse sorairase, sôngoᴋovluse, nerriᴋovluselo nunab pinginik, kingormgutijaksautilugolo ᴋittorngapsingnut, issoᴋangitomut.

Daniel 4:27

Tamanna pivlugo, ataniᴋ, atanituinira idluariuk, ajornitillo sattôtigikit idluarnimik, idluitulinitillo nâpkiningnimik aklujunik; ulapirᴋsautît sivitonisaunajangimangât.

Migga 6:5

Inuᴋotikka, erᴋainiarsâritse mâna Balakib, Moabib ataningata, aperᴋutinganik, Balamiblo, Beorib erningata, kigusinganik; Sittimimit Gilgalemut aulajileritse, ᴋaujiᴋovluse Nâlekab piniarninginik ajungitunik.

Numbers 24:10

Bâlakiblo Bâlaam ningaumajârvigidlarpâ, agganelo patiktidlarpait: Bâlakiblo Bâlaam oᴋautivâ: ᴋaiᴋolauᴋpagit ôminarsijauᴋojiᴋovlutit ômigijimnik, ahâglo, pingasuertorlutit saimarsarpatit.

Deuteronomy 7:8

Nâlekable nagligidlarmase, angerninelo oᴋautigimariktane atâtapsingnut serᴋomitsomanginamiuk, Nâlekab tamaungautipâse aggangnut pitsartujunut, piuliluse iglomit kipalovingmit, Faraub, Egiptenib ataningata, agganginit.