Deuteronomy 22:9 - Labrador Inuttitut Heritage Bible

⁹ Perorsêvît vaineliksatalik karngasoivigijaksarilungilat karngasûtiksânik magguinik, paungat ilûnatik karngasûtinit pijut vaineliksatalingnillo pijut asserortauᴋonagit.

Deuteronomy 22:9 Iomraidhean Croise

Leviticus 19:19

Perᴋojakka maligaksarivase. Nergjuteᴋotit nuliortitaksarilungilat ômajomut adsigilungitanganut; perorsêvit karngasorvigijaksaringilat karngasutinik adsigêngitunik; annorâlijartuksaungilatillo annorâksajângnik maggûngnut adsigêngitûngnut sanamajomik.

Mattêuse 6:24

Angajoᴋângnut maggûngnut kivgartortokarungnangilak; aipâ ômigilârpâlônêt, aipâ nagligivlugo; ubvalo aipâ ungagilârpâ, aipanga nachogivlugo. Gûdelo nunab pingillo atautsikut kivgartorlugit saperpose.

Mattêuse 9:16

Annorâtoᴋak illâᴋpangilât nutâmik illâksamik; nutâb aliktorniarmago nutaungitok, aliktornerlo pivallianiarpok.

Rômiunut 11:6

Saimanermulle pigunik, piniarnermut pingilat; taimaingipat saimaneᴋ saimaniojungnairpoᴋ. Piniarnermulle pigunik, saimanermut pingilat; taimaingipat, piniarneᴋ piniarniojungnairpoᴋ.

II Korintemiunut 1:12

Nertornautigijavut tamadja: issumapta kigligiutigingmatigut, issumalingasuerluta nelâgôrlutalo Gûdib sângane, uviniliuble issumanga atornago, saimarsauteᴋarlutalo arvertalaurapta nuname, angiluartomigle akunapsingne.

II Korintemiunut 11:3

Sivôravungale, sôrlo ᴋuglugiab pingitsertorlune Eva uivêridlalaungmago, taimâktauᴋ issumase asserorniarasugilugit issumalingasuernermit Kristûsemêtomit.

Deuteronomy 22:8

Nutamik iglolioruvit iglûb ᴋânga avalulioraksarivat, igluit pasijaksauᴋonago aungmik kataktokarpat tagvangat.

Jâkobusib 3:10

ᴋanermit atautsemit anijoᴋarpok nertordlernermiglo Piluktauᴋojinermiglo. ᴋatangutikka, taimaituksaungilarle.