Deuteronomy 21:5 - Labrador Inuttitut Heritage Bible

⁵ Ajuᴋertuijullo Levib erningit tagvungartuksauvut, tâpkoa Nâlekab Gûdivît anneringmagit kivgartorᴋovlugit tâpsominga, saimarsaiᴋovlugillo Nâlekab atingane; tâpkoalo oᴋausingit maliklugit akkerartorutiksat tamaita kiomajutijutiksallo tamaita âᴋiktaujuksauvut;

Deuteronomy 21:5 Iomraidhean Croise

I Kronika 23:13

Amramib ernigik tapkoangovûk: Aron, Moselo. Aronele ingmigolingatitaumalaukpok, ivsornaititauᴋovlugo ivsornainerpangojomut, tamma erningillo soraijuitomik, iserluanititsilerlutik Nalekab sângane, kivgartorlutiglo saimartitsilutiglo Nalekab atingane soraijuitomik piᴋovlugit.

II Kronika 19:10

Illinganerne tamaine âtaujune illipsingnut ᴋattangutipsingnit, iglugasaksoarmingnêtunit, auk pivlugolonêt, malligaksat pivlugillonêt, perᴋojat pivlugillonêt, illutsit pivlugillonêt, idluarijaunerit pivlugillonêt, tagva ajochertorsigik, idluitulliᴋonagit Nalekamut, ningautsemiglo tikkitoᴋarᴋonago illipsingnut ᴋattangutipsingnullo. Taimailioritse, tagva idluitullitailiniarpose.

Hesekiel 42:13

Oᴋautivângalo: Igloarsuit avunga sângajut igloarsuillo aunga sângajut, nunaujub ingmikôrtub sivorâne, tâpkoa igloarsôvut ivsornaitut, ajoᴋertuijut Nâlekamik najorniktut nerriviginiartangat ivsornainerpaujunik, tagvunga ililârpait ivsornainerpât, tunergutiksallo nerᴋiksat, tunergutiksallo ajortoêrutiksat, tunergutiksallo passijaksairutiksat; iglo tâmna ivsornaitoviongmat.

Hesekiel 44:24

Akkerartûtijoᴋarpallo nangertuksauvut idluarsaivlutiglo, idluarsainikka maliklugit idluarsaraksarivât, uvloᴋsiorᴋojamne tamaine perᴋojakka maligaksauᴋojakkalo piniaraksarivait; sabbateᴋotikkalo opigijaksarivait.

Leviticus 9:22

Aroniblo aggane ᴋolangiutitipait inungnut, saimartipaillo; attersârporlo tunerguserêrame tunergutimik ajoᴋêrutiksamik, tunergusermiglo ôtaksamik, tunerguserniglo ᴋujaliutiksanik.

Mâlaki 2:7

Ajoᴋertuijûb ᴋangasinâgik piulimaklertuksaungmanik ilisimanermik, perᴋojallo ᴋenertaujuksaungmatta tâpsoma ᴋaninganit, Nâlekab Zebaotib tilijaringmago.

Deuteronomy 10:8

Neliutomelo tâpsomane Nâlekab kinguvârêt Levikut ingmikôrtipait akigarᴋovlugit Nâlekab angerᴋatigêngnerijangata iklervinganik, nangerᴋovlugillo Nâlekab sângane tâmna kivgartorlugo, saimarsaiᴋovlugillo tâpsoma atingane, uvlome tikidlugo.

Deuteronomy 18:5

Nâlekab Gûdivît anneringmago kinguvângoᴋatigêngnipsingnit tamainit, nangerᴋovlugo kivgartorluse Nâlekab atingane, tâmna erningillo soraijuitomik.

Deuteronomy 19:17

Tagva angutik tamarmik akkerartûtijuk nangeriartortuksauvuk Nâlekab sânganut, ajuᴋertuijut idluarsaijullo uvlune tâpkonane tagvanêniartut sânginut;

Deuteronomy 21:4

Iglugasaksuillo angajoᴋângita noggavineᴋ âtaksarivât naᴋsarmut kôlingmut, makpertertaungitomut karngasoiviongitomullo, tagvanelo naᴋsarme noggavineᴋ pikkoijarlugo;