Deuteronomy 20:6 - Labrador Inuttitut Heritage Bible

⁶ Kinalo vaineliksatalingmik perorsêviliorsimavâ, paungangillo katersornagit sullê? Tâmna iglominut angergariartorle, toᴋoᴋonago unatarnerme, tâpsomalo assianut paungat tigujauᴋonagit.

Deuteronomy 20:6 Iomraidhean Croise

Jesaiase 65:22

Igloliortuksaungilat assimik inniksanginik, perorsêviliortuksaungilat assimik nerᴋiksarsiorviksanginik. Inuᴋotima uvlungit napârtut uvlungititut unuktigijomârput, aggamiglo sullijangit anerijama attoromârpait.

Jeremia 31:5

Vaineliksataliliortuksaulârivotit Samariab ᴋaᴋᴋangine; ilijijut ilijijomârput, nerrivlutiglo paunganginik.

Sefania 1:13

Tâpkoa perᴋutingit aᴋsârnigaujomârput, iglungillo Nunguniᴋungoromârput; ilâ, iglolioromârput iniginagille; vaineliksataliksaniglo ilijijomârput, vainetorviginagille.

I Korintemiunut 9:7

Kina sorsugiartorlune kivgartorᴋâ, atorniartane nangminek pisiarilugît? Kina vainiliksamik perorsêviliorᴋâ, perorsiangita ilanginik nerrinanê? Kinalônêt nergjutinik pairsivâ, êsinanelo nergjutit tâpkoa immunginîk?

Deuteronomy 20:5

Angajokâllo inuit oᴋarvigijaksarivait, oᴋarlutik: Kina nutâmik igloliorsimavâ atijauviksiornagolô? Tâmna iglominut angergariartorle, toᴋoᴋonago unatarnerme, tâpsomalo assianut atijauᴋonago.

Deuteronomy 20:7

Kina nuliaksarsivâ, ingminulle pitinago sullê? Tâmna iglominut angergariartorle, toᴋoᴋonago unatarnerme, tâpsomalo assianut pijauᴋonago.