Deuteronomy 20:1 - Labrador Inuttitut Heritage Bible

¹ Unatariartoruvit ômigijingnik, takolutillo horsenik, ᴋamutiniglo unatautinik, inungniglo unorᴋijarnik, erᴋsigijaksarilungilatit, Nâlegak Gûdît tikiutjijît nunamit Egiptenemit ilingnêngmat.

Deuteronomy 20:1 Iomraidhean Croise

Genesis 26:3

Nuname mattomane tujormiangolerit, uvangalo illagijomavagit saimauserlutit, illingnut kinguvâksarnullo nunat tamakkoa tamaita tunijomagapkit, angerneralo angernerijara atâtangnut Abrahamut soᴋosijuititsomavara.

II Kronika 14:10

Assalo aularpok pâromavlugit, oppalungaijarpullo sorsungnermut naksarme Zefatamik attelingme Maresab ᴋannitanganêtome.

II Kronika 14:11

Assablo Nalegak Gudine nipliarvigiva, oᴋarlunelo: Nalegak adsigêngitoᴋangilak illingne, ikajorlutit unnuktut akkorngane, pitsakitorlonêt ikajorlugo. Ikajortigut Nalegak Gudivut; sungertutigigaptigit, atternelo tikkisimavogut, unnuktovaksuit tapᴋoa pârlugit sorsugomavlugit. Nalegak igvit Gudigivaptigit salagijauniarnak innungnut.

II Kronika 20:12

Gudivut, erᴋartoromangipigit? Uvaptingne pitsartuneᴋangimat unnuktoksuit taipkoa opaluktivut akkerartorungnarlugit. Nallovogut ᴋannok pinniaraksaptingnik, ijiptale torarvigivâtit.

II Kronika 20:15

Oᴋarporlo: Okokse, Judamiôjose illunase, Jerusalemiôjoselo, attanniojotillo Josafate! Imâk Nalegak oᴋarpok illipsingnut: Kattimgajoksuit taipkoa sivuragijaksaringilasse, maksujarutiginagillonêt: illipse sorsuglunginapse, Gudele.

Imgerut 118:6

Nâlekab aiparivânga, tamanna pivlugo sivôralungitunga; sunamik Inuit pinniarvigijungnarpângâ?

Imgerut 20:7

Ipkoa aksalloalingnik tattiksaᴋarput, ipkoalo horsinik; uvagulle Nâlekab Gûdipta attingannik.

Imgerut 23:4

Koroksioralloarajarumalo tâktokut, ᴋannoêtomik illimasulungilanga; igvit najoramga, ajaupiaᴋotivit tassiornivîllo mannigorpânga.

Imgerut 46:11

Nâlekab Zêbaotib illagivâtigut, Jakob Gûdinga sapputjigivavut.

Imgerut 46:7

Nâlekab Zêbaotib illagivâtigut, Jakob Gûdinga sapputjigivavut. Sêla.

Imgerut 46:8

ᴋaititse takkoluselo Nâlekab pinniarninginnik, nuname asserortaunermik taimaitomik pititsijub;

Exodus 20:2

Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalôvingmit.

Jesaiase 31:1

Kappianarmek attâlertut Egiptenemut ikajortaujomamut, horsit tattigivlugit, ᴋammutillo sungertûtigivlugit, unudlarmatta, sorsuktuksallo horselijartut, pitsartudlarmatta; ivlernartitorle Israêlikkune ârlorvigingilât Nâlegarlo apperᴋutiginago.

Jesaiase 41:10

Sivoraniarnak, uvanga illagigamga; nangiarniarnak, uvanga Gûdigigamga. Pitsartutipagit ikajorlutillo, illa serngnigivagit tallerpimnut idluarsaijomut.

Jesaiase 43:2

Imaᴋsoarnik ikâruvit, illaginiarpagit, kôksoarniglo (ikâruvit) ippititauniangilatit taipkonunga; ikkomakut ingergaguvit, õtauniangilatit ikkoaladlarninganullo ikkitauniangilatit.

Jesaiase 7:14

Taimaimat Nâlekab nangmineᴋ nallunaikutamik tunitjivigijomârpâse. Ahâk, uigasuk singaivoᴋ ernermiglo ernijomârpoᴋ, tâmna Imânuelemik (imaipoᴋ: Gûdib illagivâtigut) atseraromârpâ.

Jeremia 16:14

Taimaimat, ahâk, naliutsomârpoᴋ, Nâlagaᴋ oᴋarpoᴋ, oᴋartoᴋarungnairomârmat: Sorlo Nâlagaᴋ inôngmat, tikiutjilauᴋtoᴋ Israêlib ᴋitornganginik nunamit Egiptenemit;

Saggaria 10:5

Pitsartujoksoatutitullo îtsomârput, ômigijitik tullerarlugit aᴋilupiarme apᴋosineâlungnêtome unatarvingme; sorᴋsugomârpullo, Nâlekab ilagingmagit; ikimajullo horsinut ila ᴋemalârput.

Numbers 10:9

Akkeraselo, oᴋumaiksartitise, unatariartorupsigik nunapsingne, kamasârinermik tusartautitsijuksauvose tiptulautinut; erᴋaumajaulârpose tagva Nâlekab Gûdipse sângane, piulijaulârposelo ômigijipsingnit.

Numbers 23:21

Idluitomik takolungilaᴋ Jakokune, tatitosarnermiglônêt Israêlikune: Nâlegaᴋ Gûdinga tâpsomanêpoᴋ, ataniublo ᴋaggudlarutauninga tâpkoa akornganêpoᴋ.

Rômiunut 8:31

Taimaimatta tamakkoa, ᴋanoᴋ tagva oᴋartuksauvitâ? Gûdib illagikpatigut, kia akkerartorungnarpâtigût?

Deuteronomy 1:29

Oᴋautivapselo: Kapiasudlarniarase, sivôraniarasigiglo.

Deuteronomy 2:7

Nâlekab Gûdivit pilluangorᴋosimangmatit aggakpît piniarningine tamaine; ingergarnît sunaᴋajuitokut mattomûna ilisimavâ; jârit makkoa 40 nâvlugit Nâlekab Gûdivît najorpatit; sumiglônêt ajoksalungilatit.

Deuteronomy 20:2

Parngnailerupselo unatarnermut, ajuᴋertuijok sivupiartortuksauvok inuillo oᴋarvigilugit,

Deuteronomy 20:3

Oᴋautijaksarivaillo: Oᴋokse, Israêlekut! Uvlome parngnailerpose ômigijise unatariartoromavlugit; ômatise ᴋuksalâdlarniaratik; erᴋsiniarase, sajungniaraselo, kapiasutiginiarasigiglo;

Deuteronomy 31:6

Sôngotitse maksuavluselo, sivôraniaraselo, kapiasûtiginiarasigiglo tâpkoa; Nâlekab Gûdivît nangminek ingergarᴋatigingmatit; tâpsomalo iperarniatsangilâtit, ᴋemangniangilâtillônêt.

Deuteronomy 31:8

Nâlegarlo nangmineᴋ sivunerne ingergarniarpok; tâpsoma ilaginiarpâtit, iperarniatsangilâtit, ᴋemangniangilâtillo; sivôranak, uimâlaniarnaglo.

Deuteronomy 7:1

Nalekab Gûdivît tikiutikpatit nunamut aivigijarnut pigijaksarnut, nunaᴋatigêksuillo unuktut ajaktorpagit sivunerne, Hitikut, Girgasekullo, Amorikullo, Kanaanekullo, Perizikullo, Hivikullo, Jebusekullo, inôᴋatigêksuit sevenit, anginersaujut pitsartunersaujullo ilingnit;

Deuteronomy 7:18

Erᴋsigijaksaringilatit; erᴋaitsiartuksauvotit Nâlekab Gûdivît piniarnerilauᴋtanginik Faraomut Egiptenemiunullo tamainut;

Deuteronomy 7:21

Kapiasûtigijaksaringilatit; Nâlekab Gûdivît akunapsingnêngmat, Gûde angijok ileranadlartorlo.

Deuteronomy 9:3

ᴋaujilerit tagva, Nâlegak Gûdît tâmnaungmat sivunerne ingergajok ikomamut nungutsijok; tâpsoma nungutsomârpait, tâpsomalo oggotitsomârpait sivunerne; taimaglo ᴋemâtitsomârpatit asserorsarailugillo, sorlo Nâlekab oᴋautingmatit.

Josua 1:5

Kialonêt akkerartoraksaringilâtit inôsingne tamât. Sorlo Mosese aiparilaurapᴋo taimak aiparijomavagittauk. Kemagomangilagit aularviginaglonêt.

Josua 1:9

Ahak perᴋolaukpagit maksoalutillo ᴋuviasuktuksaugavit. Keungominak, kakkilarnaglo; Nalekab Gudivit illagingmatit pinniarnerne pinniarneriniartarne tamaine.

Josua 11:9

Tagva Josuab pinniarvigivait, sorlo Nalekab oᴋautilaungmago, horseᴋotingillo sibvêtipait aksalloaliᴋotingillo ikkipait.

Idluarsaijut 6:12

Tagva Nâlekab Engelingata sakᴋervigiva, oᴋautilugolo: Nâlekab aiparilitit, songojotit sorsungnerme!

Idluarsaijut 6:16

Nâlekable oᴋautiva: Aiparijomavagit Midianiterit ullimaraksarigangne, angutetut atautsetut sorlo.

I Samuel 17:32

Davidelo Saulemut oᴋarpok: Innub kialonêt omattinga mungoniarane taimna pivlugo, kivgait aijuksauvok Filistere tamna sorsugvigilugo.