Deuteronomy 2:9 - Labrador Inuttitut Heritage Bible

⁹ Nâlekablo oᴋautivânga: Moabekut pagvisarniarasigik sorᴋsungniarnagillo; tâpsoma nunangata ilanga tunijomanginapko perkutauᴋovlugo ilipsingnut; Ar tunimagapko Lotib ᴋitornganginut perᴋutauᴋovlugo.

Deuteronomy 2:9 Iomraidhean Croise

II Kronika 20:10

Mannalo ahâk, Amonib Moablo ᴋittorngangit, taipkoalo Seirib ᴋaᴋᴋanginit, opaktauᴋolaungitattit Israelib ᴋittornganginut, Egiptenemit aulartillugit, sannerᴋojariaᴋalaukpaille, pêjarlaungilaillo;

Imgerut 83:8

Assiriamiut illauvuttauk tâpkonunga, ikajorlutiglo Lotib ᴋittornganginnik, Sêla.

Jesaiase 15:1

Tamadja oᴋauseᴋ inerterijutiksaᴋ Moabemut. — Unnuangotillugo Kirib Moabemẽtutub asserortauvia nalliutivoᴋ, tâva. Unnuangotillugo Kirib Moabemẽtub asserortauvia nalliutivoᴋ, tâva.

Numbers 21:15

Naᴋsablo aksangajângane, Aremut sangmijome, situngajome Moabib kiglinganut.

Numbers 21:28

Ikoma anilaungmat Hesbonemit, ikomaksoaᴋ Sihonib iglugasaksoaᴋotinginit: nungutsivoᴋ Aremik Moabeme, poᴋtojut Arnonemêtut angajoᴋânginik.

Numbers 22:4

Moabiblo Midianib angajoᴋângit oᴋautivait: Inugiartoᴋsuit makkoa avatiptingnêtut tamaita ipparniarpait, sôrlo tuktuvaub iviksukat perorsêvingmêtut ipparmagit. Bâlakelo, Zipporib erninga, ataniolauᴋpoᴋ Moabeme neliutome taipsomane.

Deuteronomy 2:29

Sorlo Esauib ᴋitorngangit, Seireme nunalit, Moabekullo, Areme nunalit, piniarvigilaungmanga; Jordanekut ikârᴋârtinanga nunamut Nâlekab Gûdipta tunijanganut uvaptingnut.

Deuteronomy 2:5

Piluᴋautiniarasigik; tunitjivigijomanginapse tâpkoa nunangata ilanganik, itikapse alungita tutivigijangatut angitigijomiglônêt; ᴋakᴋak Seir tunimagapko perᴋutauᴋovlugo Esauemut.

Idluarsaijut 11:15

Tapkoa oᴋautivât: Jefta oᴋarpok imâk: Israelitit nunamik aksarnilaungilat Moabiterinillonêt, Ammonib ᴋitornganginillonêt.

Idluarsaijut 11:17

Tilliklerlutiglo akpartuksanik Edomiterit ataninganut, oᴋarlutiglo: Nunarᴋut ingergarᴋotigut. Edomiterille ataningata tussarlaungilait. Tilliklerlaurivuttauk Moabiterit ataninganut, tamna ᴋunnulaurivok. Taimak Israelitit Kadesemetuarlaukput.

Idluarsaijut 11:18

Agvertarlaukpullo sunaᴋajuitome, Edomiterillo Moabiterillo nunagik kaivalerpakit, tikkilutiglo seᴋerngub nuijarviata nallânit Moabiterit nunanganut, tangmarlutiglo Arnonib akkiane, tikkinatiglo Moabiterit kiglilervinganut, Arnone kiglilerviôngmat Moabiterinut.