Deuteronomy 2:7 - Labrador Inuttitut Heritage Bible

⁷ Nâlekab Gûdivit pilluangorᴋosimangmatit aggakpît piniarningine tamaine; ingergarnît sunaᴋajuitokut mattomûna ilisimavâ; jârit makkoa 40 nâvlugit Nâlekab Gûdivît najorpatit; sumiglônêt ajoksalungilatit.

Deuteronomy 2:7 Iomraidhean Croise

Genesis 12:2

Inugasaksoangortitsomavagit saimauserlutillo, attillo nertornartitsomavara saimanartitsomavlutillo.

Genesis 24:35

Nâlekablo angajoᴋâra saimausidlarpâ angijorortilugolo, saukaniglo, tuktuvangniglo, silberemiglo, goldemiglo, kivganiglo angutinik, kivganiglo arnanik, kamêliniglo, siuterᴋortojuniglo tunitjivigivlugo.

Genesis 26:12

Isaarlo nuname mattomane karngasoivoᴋ, karngasortanelo hundertertorlugit kattersoivoᴋ jâreme ômane, Nâlekab saimausermago.

Genesis 30:27

Labanib oᴋautivâ: Ijîkpit sângangne saimaneᴋsilangatôᴋ. Tukkisivunga, Nâlekab saimausermanga igvit pivlutit.

Genesis 39:3

Angajoᴋângatalo malugivâ, Nâlekab aiparingmago aggangitalo sulijangit taimak Nâlekab piloriktingmagit.

Genesis 39:5

Pijoᴋarporlo, pimaklertungortingmago igluminik perᴋutiminiglo tamainik, taimangat Nâlekab Egiptenemiub iglunga piloriktipâ Josefe pivlugo. Nâlekablo piloriktitsininga atorpoᴋ perᴋutinginut tamainut iglomelo perorsêvingmelo.

Nehemia 9:21

Jârit 40git nâlugit patangaitilaukpattit Sunaᴋajuitome, ajoksalauᴋonagit sunamiglonêt. Anorângit samgusengorlaungilet, itigangillo puvilerlaungilet;

Hiobe 23:10

Tâpsomale apᴋotigijara illitaritsiarpâ. Tapsoma ôktorlanga, tagva sakᴋeromavunga Goldetut.

Imgerut 1:6

Nâlekab idluartut apᴋosiningat illitaringmago, Gûdeᴋangitulle apᴋosiningat nungujomârpok.

Imgerut 107:4

Tammarlutik arvertalauktut sunaᴋangitome apᴋosiniôlungitome, iglugasaksoasilauratiglo igloᴋarvigijungnartamingnik;

Imgerut 31:7

Arᴋiêrtorpunga ᴋuviasuklungalo pitsiarnit pivlugo, pattanganera tautugangne, kamagigangnelo tarniga siorniortillugo.

Exodus 16:35

Israêlikullo nerrivut Mannanik jârit 40 nâvlugit, tikkerᴋârtinagit nunamut inulingmut; nerrivut Mannanik tikkerᴋârtinagit nunab Kânaanib kiglinganut.

Jeremia 2:2

Ailerit ᴋuggudlartutillo Jerusalemiut siutinginut, oᴋarlutit: Imâk Nâlagaᴋ oᴋarpoᴋ: Pivlutit erᴋaumavunga inôsungnivît ilianâᴋarninganik, unganerniglo nuliaksaulauravit; malilauramga inuᴋajuitome, nuname perorsijaksanik karngasoiviolaungitome.

Hosea 13:5

Ilitarilauᴋpagit inuᴋajuitome, nuname ipterilingajoᴋsoarme.

Amos 2:10

Majorartilaukpapselo nunamit Egiptenemit, inuᴋajuitokullo tesiolaukpapse jârit 40 nâvlugit, Amoriterit nunangat perᴋutigilugo piᴋovluse.

Numbers 1:1

Nâlekablo Mosese oᴋarvigivâ Sinaib sunaᴋajuitungane, ilagêktut tupingane, taᴋᴋiub aipangata uvlungita sivorlerpângane, jârib nunamit Egiptenemit aularvingata aipangane, oᴋarlune:

Numbers 14:33

Kitorngaselo saksâlârput sunaᴋajuitome jârit 40 nâvlugit, nangmalârposelo assiniarnipsingnik timise nungutauᴋârtinagit sunaᴋajuitome.

Numbers 14:34

Uvlut nunamik nautsertorvigilauᴋtapse unurningit, tagva uvlut 40, maliklugit, tagva jâre atauseᴋ uvlormut atautsemut, idluitulinise nangmalârpase, tagva jârinik 40nik, taimaglo missigilârpose tununganimnik.

Numbers 22:12

Gûdiblo Bâlaam oᴋautivâ: Ilaujuksaungilatit tâpkonunga; inuit tâpkoa ôminarsijauᴋojaksaringilatit; saimartitaungmatta.

Numbers 32:13

Nâlekablo ningarninga katsungaipoᴋ Israêlikunut, utitarᴋattarlutiglo arvertartipait sunaᴋajuitome jârit 40 nâvlugit, kinguvârêt tâpkoa idluitulilauᴋtut Nâlekab takkoane nungutauᴋârtinagit.

Lukase 22:35

Oᴋautivaillo: Tilijaᴋattalaurapse pôᴋarase, ikpiârsoᴋaraselo, itigaguteᴋaraselo, taipsomane ajoksalauᴋisê? Kiovât: Aukak.

Johannese 10:27

Saugaᴋotima nipiga tusarpât ilitarivakkalo; malikpângalo.

Deuteronomy 1:19

Aulalaukpogullo Horebemit, sunaᴋajuitorlo tâmna angijok sivôranartorlo takojase tamât ingergarvigivlugo, Amorikut ᴋakᴋangit apᴋutigilugit, sorlo Nâlekab Gûdipta perᴋongmatigut, tikipogullo Kades-barneamut.

Deuteronomy 1:46

Taimaimat uvlut unuktut nâvlugit ᴋiᴋalauᴋpose Kadeseme, akunit tagvanêlaukpose.

Deuteronomy 2:14

Uvlullo Kades-barneamit ingergarvigijavut, ikârᴋârtinatanut kôngmik Zeredemik, jâreovut 38nik; kinguvârêt angutit sorᴋsugungnartut ilûnamasiatik nungutauᴋârtinagit tangmârᴋatigêktunit, sorlo Nâlekab oᴋamariklune oᴋautingmagit.

Deuteronomy 2:6

Nerᴋiksanik pisianalârpose tâpkonangat kênaujarnut nerrijungnarᴋovluse, imermiglo tâpkonangat pisinialârpose kênaujarnut imerungnarᴋovluse.

Deuteronomy 29:4

Uvlomele tikidlugo Nâlekab tunitjivigingilâse ômamik missigijomik, ijiniglo tautuktunik, siutiniglo tusâjunik.

Deuteronomy 29:5

Jârillo 40 nâvlugit tesiorpapse inuᴋajuitome; annorâse atijase nutaungitôlilaungilat, kammise nutaungitôlilaungilat itikapsingne.

Josua 5:6

Israelib ᴋittorngangit agvertarlaungmatta, Jarit 40 git nâlugit sunaᴋajuitome, innuit illunaita angutit sorsuktuksat, Egiptenemit aularlauktut nunguᴋârtinagit, tamana pivlugo Nalekab nippinga nalalaungimatsuk; Nalekab oᴋautimarilaungmagit, nuna takkojaksaringimatsuk, Nalekab angerutigilauktanga atâtagijanginnut, tunnijomavlugo uvaptingnut, nuna imungmik igupsaujartullo orksuanik kôlik.