Deuteronomy 2:25 - Labrador Inuttitut Heritage Bible

²⁵ Uvlorme tamattomane kapianarnît sivôranarnîllo pititsomalerpara inôᴋatigêksoarnut ᴋilaub ilûnangata atânêtunut, unipkautaunernik tusarniartunut, sajuklutiglo kapiaktoadlalârtunut pivlutit.

Deuteronomy 2:25 Iomraidhean Croise

Genesis 35:5

Tagva aulalerput. Kakkilârnerublo, Gûdemit pijub, iglugasait tamattoma erᴋânêtut tikkipait, udlaniktailitilugit Jakokunik.

I Kronika 14:17

Davidiblo atinga oᴋausiolaukpok nunane tamaine, Nalekablo inûᴋattigêksuit ilûnaita tupviotipait sivuranermik tapsominga.

Imgerut 105:38

Egiptenemiut ᴋuviasulaukput aularmatta; erksinarningata tupvigilaungmagit.

Exodus 23:27

Sivôranek uvamnik tilijomavara sivunerne, inuillo ilûnnaita tikilârtatit aseroromavakka, omigijitillo ilûnnaita tunutitsomavakka ilingnik.

Jeremia 33:9

Iglugasaksuillo makkoa attingortitsomavakka uvamnut ᴋuviagijaujomik, nertoraksaujomik opigijaksaujomiglo, inôᴋatigêksuit nunamêtut tamaita sângine, tusaromârtut ajungitunik tamainik piniarnerijomajamnik tâpkoninga, sivôrajomârtullo sajugomârtullo ajunginerit tamaita ulapirᴋsaullo tamât tikititsomajakka tâpkonunga pivlugit.

Numbers 22:3

Moabiblo inugiartoᴋsuit erᴋsigidlarpait unuktoᴋsôngmatta; Moabelo kapiasudlarpoᴋ Israêlikut pivlugit.

Deuteronomy 11:25

Sâpsingne nangerungnartokarniatsangilak; Nâlekab Gûdipse nuna ilûnât itikapse tulerajarvigijangat tikitautilârpâ sivôranermut ᴋaggarnermullo pitjutigiluse, sorlo oᴋautingmase.

Deuteronomy 28:10

Inôᴋatigêllo nunamêtut ilûnatik takolârput taijaugavit Nâlekab atinganut; erᴋsigijomârpâtillo.

Josua 10:2

Sivoradlalerput (Gibeon iglugasaksoangolaungmatta angijunik, iglugasaksoatitut attaneliktutitut, anginersaulaukporlo Aiemit angutingillo illunatik sorsugungnarlaukput.)

Josua 9:24

Tapkoa Josua kiovât oᴋarlutiglo: Kivgattit oᴋautsaulaukput, Nalekab Gudivit kivgane Mosese perᴋolaungmago nuna illuêngarlune tunnijomangmago illipsingnut, nunablo innungit illunamasiatik nungutsomangmagit sivunapsingne. Tagva innôtsivut pivlugit sivoragidlalaukpapse, taimailiorlutalo.

Takotitaunermik 3:9

Ahâk, Sâtanasib ajoᴋertuivianit illangit pitiniarpakka, oᴋartut Jûdionermingnik taimainatiglo, saglovlutigle pijut. Ahâk, iliorvigijomavakka tikerᴋovlugit, itikavît sânganut tuksiarlutik, illitarsiniarlutiglo, igvit nagligigapkit.