Deuteronomy 18:3 - Labrador Inuttitut Heritage Bible

³ Tamadjalo ajuᴋertuijut piksarsiarijangit inungnit, tunitjijunit tunergutiksanik, tuktuvaumangât saugaumangâllônêt, tunitjijuksauvut ajuᴋertuijomut tallermik aglerûngniglo tamangnik nerrubkangalo.

Deuteronomy 18:3 Iomraidhean Croise

Exodus 29:27

Ivsornaititaksarivatillo sakiangit tunergutaujut isautijauᴋatartut, talerlo tunergutaujok isautijaujok ᴋongmut, isautijauᴋatartok isautijaujorlo ᴋongmut Angusâlormit ivsornaijutiksaujomit, Aronemut erninginullo ilingajomit:

Exodus 29:28

Aroniblo erningitalo ningeksiarijaksarivait Israêlikunit maligaksakut soraijuitokut; tunergutaungmat isautijaujok ᴋongmut: Tunergutaujuksauvorlo isautijaujok ᴋongmut Israêlikunit, tunergutinginit ᴋujalijutinit tunergusertaujunit, llâ, tunergut isautijaujok ᴋongmut Nâlekamut.

Leviticus 22:7

Seᴋinerlo nipisimakpat ivsornainiarpoᴋ; tungânalo nerrijungnarpoᴋ ivsornaitunik nerᴋiksarigamigit.

Numbers 18:11

Tamadjalo pigijaksarivatit: tunergutingit isautijauᴋattartut, Israêlikut tunergutingit senervaiᴋitârtitat, tâpkoa tunivakka ilingnut ernernullo paningnullo ilagilutit, soᴋoserniangitomik pigênalârpase; ivsornaitut ilûnatik iglungnêtut tâpkonangat nerrijuksauvut.

Numbers 18:12

Orᴋsorlo pionerpâk, vaineliksablo paungangita iptingat pionerpâk, senaugaksallo pionerpât, tâpkoa pijariorutingit tunijangit Nâlekamut, ilingnut tunimavakka.

Deuteronomy 12:27

Tunergutigijatillo ôtaksat tunergutigijaksarivatit, nerᴋingalo aungalo, Nâlekab Gûdivît tunerguservigijangane, tunergutivîllo toᴋotaksat aungit kovijaujuksauvut Nâlekab Gûdivît tunerguservinganut, nerᴋingillo nerrijaksarivatit.