Deuteronomy 18:12 - Labrador Inuttitut Heritage Bible

¹² Taimailiortut tamaita Nâlekab maᴋojugingmagit; maᴋojungnartulinerillo tamakkoa pitjutigellugit Nâlekab Guvidît ᴋemâtipait sivunernit.

Deuteronomy 18:12 Iomraidhean Croise

II Atannit 23:24

Taimaktauk Josiab nallautainerluktut ilunnaita, angakullo, adsingoallo, Gûdingoallo, makkojungnartullo ilunnaita, Judiame Jerusalemelo takkojaulauktut, pêjarpait, perkojat oᴋausertangit nallautsititsomavlugit aglaksimajut aglangne, Hilkiab ajochertuijub nachvarlauktangine Nâlekab iglungane.

Hesekiel 31:11

Tunijomârpara inôᴋatigêksuit pitsartunerpângata agganginut; tâpsoma ila piniarvigilârpâ; idluitoᴋsôning apivlugo ajaktorpara.

Leviticus 18:24

Tamakkoa nalianelônêt ivsornartiniarase ilipsingnik; tamakkonane tamaine inôᴋatigêksuit, ungolartoromajakka sivunarsingnit, ivsornartitaungmatta;

Leviticus 18:25

Nunalo ivsornartitauvok; taimaimallo idluitoksôningit akkiniarutigijomavakka tâpsomunga; nunablo inuᴋotine merriarpait.

Leviticus 18:27

Maᴋojungnartut tamakkoa tamaita inuit nunamiongolauktut sivunapsingne pinialaungmagit, nunalo ivsornartitauvok;

Deuteronomy 14:27

Levitiojorlo itertarvingnêtok ᴋemagaksaringilat; tâpsoma avigaksarsiᴋatigilungimase kingormgutijaksarsiᴋatigingimaselônêt.

Deuteronomy 22:5

Arnak annorâlijartuksaungilak angutisiutinik, angutiblo arnab pingit atijaksaringilait; taimailiortok maᴋojungnarpok Nâlekamut Gûdingnut.

Deuteronomy 9:4

Nâlekab Gûdivît ajaktorsimakpagit sivunernit, oᴋarniarnak ômatingne: Idluarnera pivlugo Nâlekab tamaungautipânga nuna tamanna pigilugo perᴋovlunga; inôᴋatigêksuit tâpkoa idluiningit pitjutigilugit Nâlekab ajaktorpait sivunernit.

Deuteronomy 9:5

Idluarnît pitjutigilugo ômativîllônêt nelâgôrninga pitjutigilugo itilungilatit nunangat piginiarlugo; inôᴋatigêksuille tâpkoa idluiningit pitjutigilugit Nâlekab Gûdivît ᴋemâtipait sivunernit, oᴋauserlo Nâlekab angermariklune oᴋautigijanga atâtagijarnut Abrahamut, Isaarmullo, Jakomullo soᴋosijuiᴋovlugo.