Deuteronomy 18:10 - Labrador Inuttitut Heritage Bible

¹⁰ Ilingne naipitaujokartuksaungilak ernerminik paningminiglônêt ingergartitsijomik ikomakut, nelautainerluktomiglônêt, angakomiglônêt, êlisêniartomiglônêt, angakoliartomiglônêt,

Deuteronomy 18:10 Iomraidhean Croise

Genesis 44:5

Tâmnaungilâᴋ nâlekama imervigijanga nalautaijutigijangalo? Idluitulivose taimailiorapse.

II Atannit 16:3

Agvertarporle Israelitit atanningita apᴋosiningine, erninelo ikkomakorkova, nallojut Nâlekab pêjarlauktangita Israelib ᴋitorngangita sivorngane, makkojungnartulliningit malliklugit;

II Atannit 17:15

Perkojangillo angerningalo, atâtagijanginut angerlauktanga, tennersariningillo tunnilauktangit tapᴋonunga, nachogivait, agvertarlutiglo Gûdingoat suksaungitut malliklugit, pinniarlutiglo suksaungitomik, nallojut malliklugit avatimingne nunakalauktut, Nâlekab perkojijutigijangit tapᴋoninga, taipkotitunak pinniartuksaungimatta.

II Atannit 17:17

Ernitiglo pannitiglo ikkomakôrkovait, nallautailuklutiglo angakoktorlarmiglo; iggisimavullo ingminik tunnilutik Nâlekab idluigijanginik, ningaksarlugo.

II Atannit 21:6

Erninelo ikkomakôrkova, tingmitjello nipjarningit nallonaikutallo kammagivait, angakoktorlunelo nallautainarluklarmelo, pinniarporlo unnuktunik Nâlekab idluigijanginik, ningaksarlugo.

II Atannit 23:24

Taimaktauk Josiab nallautainerluktut ilunnaita, angakullo, adsingoallo, Gûdingoallo, makkojungnartullo ilunnaita, Judiame Jerusalemelo takkojaulauktut, pêjarpait, perkojat oᴋausertangit nallautsititsomavlugit aglaksimajut aglangne, Hilkiab ajochertuijub nachvarlauktangine Nâlekab iglungane.

I Kronika 10:13

Taimâk Saule toᴋovok, idluitullinine pivlugit, Nalekamut idluitullijutigilauktane, Nalekab oᴋausinginut, nâlaktaulaungitunut tapsomunga; taimaglotauk angakut apperingmagit.

II Kronika 28:3

Isserluanititsivorlo Hinomib erningita naksangane, erninelo otautipait nallojut Nalekab Israelib ᴋittorngangita sivurngane pêjarlauktangita makkojungnartulliningit malliklugit;

II Kronika 33:6

Erninelo ikkomakorᴋovait Hinomib erningata naksangane, tingmitjello nipjarningit kamagivait, uvlullo annerivait, angakoktorlunelo, nallautainarluklarmelo, elisênarlunelo, pinniarporlo unnuktunik Nalekab idluigijanginik, ningaksarlugo.

Exodus 22:17

Atâtangatale panine ᴋippilûtigimarikpago tâpsomunga, taimna akilêjuksauvok kênaujanik, sorlo uigasuit patangaititaujuteᴋariaᴋarningititut.

Exodus 22:18

Arnak angakkok inôrᴋojaksarilungilat.

Jesaiase 47:13

Issumaksarsioᴋattarlutille merngortulerpotit. Ikajoriartorlit tagva illisimajut ᴋilaub illinganinganik, uvlorianik ullernaituivaktut, pijomârtuksanik illingnut oᴋasôngojut, taᴋᴋeᴋ angmalorilerangat.

Jeremia 27:10

Tâpkoa nalautaivigingmase saglonernik, nûtitauᴋovluse nunapsingnit ungasiktomut; ajaktuiᴋovlungalo ilipsingnik nungutauᴋovluselo.

Jeremia 27:9

Ilipsele nâlaniarasigik nalautaijose, angakoselônêt, sinnaktomanerijaselônêt, ilipsingnut oᴋauseᴋartut, oᴋarlutik: Kivgartortuksaungilase Babilonib ataninganik,

Jeremia 32:35

Poᴋtojoliorpullo Baalemut, Hinnomib erningata naᴋsanganêtunik, ernitik panitiglo ikomakôrᴋojomavlugit Môlokemut; perᴋolaungitarale tamanna tâpkonunga, ômamiutarilaungilaralônêt piniarniarmatta maᴋojungnartomik tamattominga; Judakut idluitulitiniarlugit.

Jeremia 7:31

Tunerguserviliolauᴋpullo Tôfeteme tamadja Hinnomib erningata naᴋsangane, ernitik panitiglo ikomame ikoâlajomavlugit; tamannale perᴋolaungilara issumagilaungilaralônêt.

Leviticus 19:26

Aulingmik sumiglônêt nerrijuksaungilase; angakoktortuksaungilaselo, nalautainerluktuksaunaselo.

Leviticus 19:31

Sanguniarase torngaᴋuteᴋartunut angakonullônêt; ᴋenerniarase taimaitunik sujuktaudlalârapse tâpkonunga; Uvanga Nâlegauvunga Gûdise.

Leviticus 20:6

Inuglo sangujok anernekullulingnut angakunullônêt ajortuliᴋatigijomavlugit, inungmut tâpsomunga ila kênara sâtitsomavara, pêjaromavaralo inôᴋatime akornganit.

Migga 5:12

Angakonerillo tamaita kipijomârpakka aggangnit; torngijoᴋarungnaituksauvorlo ilingne.

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

Apostelit Piniarningit 19:19

Unuktullo angakôlauktut aglakotitik tikiupait, egidlugillo ikomamut, inuit ilûnatik takoane; akkingillo kitinamigit, nagvârput akkeᴋariaᴋalaungmatta 50,000 inik kênaujanik.

Apostelit Piniarningit 8:9

Anguteᴋarporle iglugasaksoarne tâpkonane Simonemik atilingmik, sivorngane tôrngilauktomik. Tâpsoma Samâriamiut uivêridlalaukpait, angakomariksônerminik oᴋarlune.

Galâtsiamiunut 5:20

Gûdeungitunik kivgartorneᴋ, angakoniarneᴋ, ᴋenugosungneᴋ, ômisungneᴋ, anerutjineᴋ, ningarneᴋ, aivaneᴋ, akkerartorneᴋ, ileratsârneᴋ, ᴋaningaumajarneᴋ, inuarneᴋ,

Deuteronomy 12:31

Taimailiortuksaungilatit Nâlekamut Gûdingnut; tagva Nâlekab maᴋojugijanginik ômigijanginik tamainik Gûditik piniarpait; aglât ernitik panitiglo ôtautipait ikomamut Gûdimingnut.

I Samuel 15:23

Nalanginek angakokterniôngmat, akkerartornerlo kivgartorniôvok Gudeungitunik, Gudingoaniglo. Mannalo Nalekab oᴋausingit singalukogilaurangne, tapsoma singalukogilaurivâtit attannioᴋonak Israelitinut.

I Samuel 28:3

Samuelele toᴋᴋolaukpok, Israelitillo illuêngardlutik oggurilaukpât, illijartorlaukpâllo iglugasaksoaᴋotingane Ramame. Sauliblo nallautainerluktut angakullo pêjarlaukpait nunamit.

I Samuel 28:7

Tagva Saule kivgaminut oᴋarpok: Kenneritse arnamik annernelingmik nallautaijungnartomik, aiᴋovlunga taipsomunga, apperilugolo. Kivgangillo oᴋarput tapsomunga, âhak Endoreme arnaᴋarpok annernelingmik nallautaijungnartomik.

I Samuel 28:8

Sauliblo annorâne pêrpait, assingillo attivait, ailunelo taikunga, assikitalo magguk illagivak, tikkilutiglo unnuarme arnamut, oᴋarlunelo: Nagliktara, nallautaivigilaunga annernermut nallautaijungnartomut, sakᴋêvigilungalo taipsominga oᴋautigijamnik illingnut.

I Samuel 28:9

Arnak oᴋarpok tapsomunga: Ahâk, ᴋaujimagalloarpotit Saulib pinniarnerilauktanginik, ᴋannok nallautainerluktut angakullo pêjarlaungmagit nunamit; sôgle tagva tarniga pititsomaviuk nullutsanut toᴋᴋotauᴋovlunga?