Deuteronomy 17:8 - Labrador Inuttitut Heritage Bible

⁸ Pitjutiksakarpat oᴋumaigiluartarnik idluarsainerme, auk aungmik akkeᴋartuksaumangât, akiorutinerlo pivlugo, pigiarosûtinerlo pivlugo akkerartutiniotilugo itertarvingne, tagva makituksauvotit ailutillo inemut Nâlekab Gûdivît annerijanganut;

Deuteronomy 17:8 Iomraidhean Croise

II Samuel 15:2

Absalomelo taimak uvlâkut annijajovok, nangeriartorlunelo apᴋosiniub kiglinganut ittertârviub kannitanganut. Kinalo passiklerneᴋalaurangat, attanniub idluarsaivianut aijomalaurangat; Absalomib ᴋaiᴋova ingminut, oᴋarlunelo: Iglugasaksuit nallianit pivît? Tamnalo tagva oᴋalaukpat: Kivgait Israelib kinguvarêngita illanganit pivok;

I Kronika 26:29

Jezeharikunit Kenanja, erningillo ilagellugit sullijaksanut sakᴋijartunut Israeleme, aulatsijôlaukput, idluarsaijolutiglo.

Exodus 18:15

Mosesiblo sakinne oᴋautiva: Inuit unneᴋsiorvigingmanga unertutijaujomavlutik Gûdemik:

Exodus 18:26

Tâpkoalo inuit idluarsarpait naliutune tamaine: oᴋumaitut âpait Mosesemut, pijariakitulle tamaita nangminek idluarsaijutigivait.

Exodus 21:20

Inuble kivgane angut arnarlônêt anaukpago ajaupiamut, tâmnalo toᴋokpat agganginut, pidlaraksaudlarpok.

Exodus 21:22

Inuit ningautigunik, arnarlo singaijok akᴋunarlugo, singainga pêrᴋovlugo, ᴋanoetomigle maliktoᴋartinago: pidlartaujuksauvok arnab uingata pijomajanga maliklugo; akkilêjuksauvorlo idluarsaijut nâmagijanganik.

Exodus 21:28

Tuktuvaublo angut arnarlônêt nakjungmigarpago toᴋodlugo, tuktuvak milortaujuksauvok ujarᴋanut, nerᴋingale nerrijaksaungilak; tuktuvauble inua pidlaraksaungilak.

Exodus 22:2

Tigligomajok naipitaukpat itârasuartilugo, anaujaukpallo toᴋorᴋovlugo, aungmik kovijaujoᴋartuksaungilak tâmna pivlugo.

Exodus 22:8

Tigliktorle naipitaungipat, iglub angajoᴋânga âtaujuksauvok idluarsaijunut, nautsertortaurᴋovlugo aggane isalaungmangâgit inôᴋatime perᴋutinginut.

Hesekiel 44:24

Akkerartûtijoᴋarpallo nangertuksauvut idluarsaivlutiglo, idluarsainikka maliklugit idluarsaraksarivât, uvloᴋsiorᴋojamne tamaine perᴋojakka maligaksauᴋojakkalo piniaraksarivait; sabbateᴋotikkalo opigijaksarivait.

Haggai 2:11

Imâk oᴋarpoᴋ Nâlegaᴋ Zebaot: Ajoᴋittuijut apitsorkit pikᴋojat pivlugit, oᴋallutit:

Mâlaki 2:7

Ajoᴋertuijûb ᴋangasinâgik piulimaklertuksaungmanik ilisimanermik, perᴋojallo ᴋenertaujuksaungmatta tâpsoma ᴋaninganit, Nâlekab Zebaotib tilijaringmago.

Numbers 35:11

Iglugasaksoarnik saputjauviksaujunik ilipsingnut ingmikôrtartitsijuksauvose; neliat toᴋotsijoᴋ inungmik, pijârinane, ᴋemâjungnarᴋovlugo tagvunga.

Numbers 35:16

Neliatale aipane annauguniuk sakkomut kikiangojomut, tâmna inuartôvoᴋ; inungmik inuartoᴋ toᴋotaujuksauvoᴋ.

Deuteronomy 1:17

Inûb kinauninga kamagijaksaringilase idluarsainerme; mikijok angijorlo adsigêktomik tusaraksarivase; sivôrajuksaungilase inûb kênanganik, idluarsaineᴋ Gûdib pigingmago; pitjutillo oᴋumaigijase uvamnut ᴋaitaksarivase, tusaromavakkalo.

Deuteronomy 12:11

Tagva iniksamut Nâlekab Gûdipse annerijanganut atterminut iniksauᴋovlugo, tagvunga âtaksarivase perᴋojijutigijakka tamaita ilipsingnut; tunergutise ôtaksat, tunergutise toᴋotaksat, perᴋutipse tallimaujoangit, aggapselo tunergutingit issautijaksat, angerutigijaselo annernarnerpat angerutigijase Nâlekamut.

Deuteronomy 12:14

Iniksarmele Nâlekab annerijangane kinguvârêt ilangane, tagvane tunergutiksatit ôtaksat tunergutigijaksarivatit, tagvanelo piniartuksauvotit tamainik perᴋojijutigijamnik ilingnut.

Deuteronomy 12:5

Iniksarle Nâlekab Gûdipse annerijomârtanga kinguvârêngnipsingnit tamainit atterminut iniksautitsomavlugo, inigijomârtanga tâmna torâvigijaksarivase, tagvungartuksauvluselo;

Deuteronomy 19:17

Tagva angutik tamarmik akkerartûtijuk nangeriartortuksauvuk Nâlekab sânganut, ajuᴋertuijut idluarsaijullo uvlune tâpkonane tagvanêniartut sânginut;

Deuteronomy 19:4

Imailingakune inungmik toᴋotsijok ᴋemâjungnarpok tagvunga, inôvlunelo: neliat toᴋotsijok inôᴋatiminik, pijârinane, sivornganelo ômigilauᴋarnago;

Deuteronomy 21:5

Ajuᴋertuijullo Levib erningit tagvungartuksauvut, tâpkoa Nâlekab Gûdivît anneringmagit kivgartorᴋovlugit tâpsominga, saimarsaiᴋovlugillo Nâlekab atingane; tâpkoalo oᴋausingit maliklugit akkerartorutiksat tamaita kiomajutijutiksallo tamaita âᴋiktaujuksauvut;

Deuteronomy 25:1

Akkerartutijokarpat inungne, idluarsaivingmullo pikpatta idluarsartaujomavlutik; idluartok idluarsititaujuksauvok, idluangitorlo pidlartaujuksauvok;