Deuteronomy 17:7 - Labrador Inuttitut Heritage Bible

⁷ Kigligiutjijut aggangit sivorlerpaujuksauvut tâpsomunga isaklutik toᴋotsomavlugo, kingornganelo inuit ilûnatik aggangit. Taimaglo idluitok pêrniarpat akunernit.

Deuteronomy 17:7 Iomraidhean Croise

Leviticus 24:14

Oᴋarnilutjijok tikiutisiuk tupersuit avatânut; ilûnatiglo tusalauktut tâpsominga patingmilitsuk niaᴋoagut, ilagêllo ilûnatik milorlitsuk ujarᴋanut.

Johannese 8:7

Apersoranermatsugle, makilerpok, oᴋautivlugillo: Akunapsingne ajorneᴋangitûb millorᴋârliuk ujarᴋamut.

I Korintemiunut 5:13

Assiptingnêtulle Gûdib erᴋartoromârpait. Ajortulijok ilagêngnipsingnit aviksiuk.

Deuteronomy 13:10

Ujarᴋanullo miloraksarivat toᴋodlugo; uerisarasuarmatit Nâlekamit Gûdingnit, tikiutjijingnit nunamit Egiptenemit, iglomit kipalovingmit.

Deuteronomy 13:5

Nelautaijorlo imna, sinnartômajorlônêt taimna, toᴋotaujuksauvok, nâlegungnaineᴋ Nâlekamik Gûdipsingnik, tikiutjijipsingnik nunamit Egiptenemit, piulijipsingniglo iglomit kipalovingmit, oᴋautigingmago, uerisaromangmase apᴋomit Nâlekab Gûdivît apᴋutauᴋojanganit ilingnut. Taimaglo ajortok akunapsingnit pêjarniarpat.

Deuteronomy 13:6

ᴋatangutivit, anânavît erningata, ernivîllônêt, panivîllônêt, nuliavîllônêt sagvingmiutarijavît, ilanârijavîllônêt tarniktut ilingatitavît, angigutjivlune uerisarpatit, oᴋarlune: Gûdib assinginik kivgartoriartulerta, igvit atâtagijavîllônêt ilitaringitapsingnik;

Deuteronomy 13:9

Toᴋotaksarivalle; aggatit sivorlerpaujuksauvut tâpsomunga sâtitaujut toᴋotsomavlugo, kingornganelo inuit ilûnatik aggangit.

Deuteronomy 17:12

Inugle iktoriktaivlune piniartok, ajuᴋertuijok tagvane nangertok kivgartorniarlune Nâlekab Gûdivît sângane, idluarsaijorlônêt nâlegomanago, inuk tâmna toᴋojuksauvok; taimaglo idluitut pêjaraksauvut Israêlemit.

Deuteronomy 19:19

Tagva piniarvigijaksarivase sorlo tâmna issumaᴋalaungmat ᴋatangutine piniarvigijomavlugo; taimaglo idluitok pêjarniarpat akornganit.

Deuteronomy 21:21

Iglugasaksuillo tâpkoa angutingita ilûnatik miloraksarivât ujarᴋanut, toᴋodlugo; taimaglo idluinek pêjarniarpat akunernit; Israêlekullo ilûnatik tusalârput sivôralutiglo.

Deuteronomy 22:21

Tagva arnak tâmna âtaksarivât atâtangata iglungata upkoangata sivurânut, iglugasaksuillo angutingita miloraksarivât ujarᴋanut toᴋolugo; silainartomik piniarmat Israêleme, assiniarsimavlune atâtame iglungane; taimaglo idluinek pêjarniarpat akunernit.

Deuteronomy 22:22

Angut naipitaukpat arnak uilik tutiklugo, tagva tâpkoa tamarmik toᴋojuksauvuk, angut tutingniktok arnarmik, arnarlotauk; taimaglo idluinek pêjarniarpat Israêlemit.

Deuteronomy 22:24

Tagva tamarmik âtaksarivakik iglugasaksuit tâpkoa itertarvinganut ujarᴋanullo milorlugik toᴋolugik; uigasuk ᴋaggûdlalaungimat iglugasaksoarnêgaloarlune; angullo inôᴋatime nuliaksanga naggonartingmago; taimaglo idluinek pêjarniarpat akunernit.

Deuteronomy 24:7

Inuk naipitaukpat ᴋatangutime ilanganik tigliklune, Israêlib ᴋitorngangita ilanganik; kivgatullo perᴋutigijaujotut piniarvigilugo aulailugolônêt; tigliktok tâmna toᴋotaujuksauvok; taimaglo idluinek pêjarniarpat akunernit.

Idluarsaijut 20:13

Tagva mânna angutit taipkoa, uivêtoâluit Gibeamêtut unertotigisigik uvaptingnut, toᴋotsiᴋovluta tapkoninga, pêjaiᴋovlutalo idluiniâlungmik mattominga Israelemit. Benjaminible ᴋitorngangita ᴋatangutimik Israelib ᴋitorngangita nippingat Nâlegomalaungilât.