Deuteronomy 17:1 - Labrador Inuttitut Heritage Bible

¹ Tuktuvangmik saugarmiglônêt ᴋanoetolingmik, ajortotaᴋartomiglônêt sunamik, tunergusertuksaungilatit Nâlekamut Gûdingnut; taimaitok maᴋojungnarmat Nâlekamut Gûdingnut.

Deuteronomy 17:1 Iomraidhean Croise

Genesis 41:19

Sunaubvalo, kingorngatigut ᴋaᴋivut tuktuvait sepat assingit piungitut, takominaitut, sallôjut. Taimak takominaitigijunik takolungitunga Egiptenib nunangane ilûnâne.

Exodus 12:5

Saugârsuk nochat angut ᴋanoetoᴋangitok, atautsemik jârelik, tigujaksarivase: tiguniarpaselo saukanit tuktungajunillônêt;

Salomob Okâl 11:1

Kiktitautit nellangaitut Nâlekab makkojugivait; oᴋumaiutalle nâmamariktut nâmagivait.

Salomob Okâl 15:8

Gûdeᴋangitut tûnnergutingit Nâlekab makkojugivait, idluitailijulle tuksiarningit ᴋuviagivait.

Salomob Okâl 20:10

Oᴋumailutat adsigêngitut, ôktutillo adsigêngitut, makkoa tamaita Nâlekab makkojugivait.

Salomob Okâl 6:16

Illutsit tapᴋoa 6it Nâlekab omigivait, 7ingallo makkojugiva:

Leviticus 1:3

Tunergutiksak ôtaksaukpat tuktuvangnit, tunergusertuksauvok angusâlormik ᴋanoêtoᴋangitomik: tunergutigijaksarivâ ilagêktut tupingata upkoangata sângane, ᴋuviagijauᴋovlugo Nâlekamut.

Mâlaki 1:8

Tautungitorlo tunergutigigupsiuk, (oᴋarpose) maᴋojungnalungilaᴋ! Tusiaktorlônêt ᴋanimajorlônêt tunergutigigupsiuk, (oᴋarpose) naggonalungilaᴋ! Pajugutigisiuk nunab atanerusinganut; tâpsoma ᴋuviaginajarᴋâtît? Kinaunîllônêt kamaginajarᴋaûk? oᴋarpoᴋ Nâlegaᴋ Zebaot.

Numbers 29:8

Tunergutiksamigle ôtaksamik tunergusertuksauvose tipitsiariksautiksamik Nâlekamut; tuktuvangmik inôtsungmik atautsemik, saukamiglo angusâlomik atautsemik, saugârsungniglo angutinik 7nik, atautsemik jârelingnik ᴋanoetoᴋangitunik annerosuktuksauvose;

Deuteronomy 15:21

ᴋanoetokarpalle, tusiakpallônêt tautungipallônêt, sumiglônêt piungitomik ᴋanoetokarpat, tunergutigijaksarilungilat Nâlekamut Gûdingnut.

Deuteronomy 23:18

Anguniarpaktûb akkiliusiarijanga ilokeudlarnerublônêt akkinga âtaksarilungilat Nâlekab Gûdivît iglunganut sumiglônêt angeruteᴋaraloarmangârpit; tâpkoa tamarmik maᴋojungnarmanik Nâlekamut Gûdingnut.

Deuteronomy 24:4

Tagva uigilauᴋtangata sivorliub, aulartitsilauᴋtûb tâpsominga, tigujaksarilungilâ nuliarijomangmilugo, naggonartitauᴋârtilugo; tamanna maᴋojungnarmat Nâlekab sângane; nunalo Nâlekab Gûdivît tunijanga ilingnut kingormgutijaksautilugo ivsornartitaksarilungilat ajortulinermut.

Deuteronomy 25:16

Ilûnatik taimailiortut, ilûnatik idluangitomik piniartut maᴋojungnarmatta Nâlekamut Gûdingnut.

Deuteronomy 7:25

Gûdingoaliarimajangit ikomamut nungutaksarivase, golde silberelônêt tâpkonanêtok pijomajaksaringilatit, tigunagillônêt nangminerijomavlugit, nappertauᴋonak tâpkonunga; tamanna maᴋojungnarmat Nâlekamut Gûdingnut;

Ebrêerinut 9:14

Anginersavaksôjomik tagva Kristusib aungata (ivsornartoᴋarane ingminik Gûdemut tunigame, Anerneᴋ ajungineᴋ issoᴋangitoᴋ pitsartutigilugo) epᴋêjarpait issumavut piniarnernit toᴋonartunit, Gûdemik ômajomik kivgartorᴋovluta.

I Pêtrusib 1:19

Kristusible aunganut erdlingnartomut, saugârsutut sinaungajuitotut ivjornaitotullo ilauᴋtub.