Deuteronomy 16:2 - Labrador Inuttitut Heritage Bible

² Kângerviksiorutiksallo, saugat tuktuvaillo, tunergutigijaksarivatit ineme Nâlekab Gûdivît annerijangane aterminut iniksauᴋovlugo.

Deuteronomy 16:2 Iomraidhean Croise

II Atannit 23:21

Atanniublo innugiartoksuit perkovait oᴋarlunelo: Passamik attoleritse Nâlekamut Gûdipsingnut, sorlo aglaksimangmat aglangne, angerᴋattigêngnelingne.

II Kronika 35:7

Josialo innugasaksoarnut tunnijivok saugârsungnik tuktungajoarᴋaniglo (tamainik Passamut illingajuksanik illunainut najutijunut) unnurningit 30,000 diolaukput, tuktuvângniglo 3,000 dinik; illunatiglo attanniub perᴋutinginit.

Numbers 9:2

Israêlikut aularviksiorlit neliuningane perᴋojaujome.

Mattêuse 26:17

Pudjusauteᴋangitunigle ᴋakᴋôjaᴋtorviub uvlungita sivorlingane ilinniartut Jêsuse tikipât, oᴋautilâllo: Nane âᴋiksoijartorᴋovitigût (saugârsungmik) aularviksiorutiksamik nerriniartarnîk?

Mattêuse 26:2

Nalungilase, uvluk maggûk nâkpanik aularviksiorviolârmat; Inûblo Erninga pititaulârmat, kikiaktortauᴋovlugo ᴋejungmut saningajolingmut.

Markuse 14:12

Pudjusauteᴋangitunigle ᴋakᴋôjaᴋtorviub uvlungita sivorlingane, saugârsub aularviksiorutiksab toᴋotaujuksauviane, illinniartingita aperivât: Nane âᴋiksoijartorᴋovitigût saugârsungmik aularviksiorutiksamik nerriniartarnîk?

Lukase 22:15

Oᴋautivaillo: Kilanâdlalaukpunga, saugârsuk una aularviksiorutiksak nerrijomavlugo ilagiluse âniaᴋârnanga.

Lukase 22:8

Pêtruselo Johanneselo tilivak, oᴋautivlugik: Aᴋiksuijartoritik saugârsungmik aularviksiorutiksamik nerᴋiksaptingnik.

I Korintemiunut 5:7

Taimaimat pudjusautetoᴋak pêjarsiuk, sanaugaktut nutaujotut pudjusauteᴋangitotut ilerᴋovluse, sôrlo nelâgut inapse. Saugârsuk ᴋângerviksiutiksavut tunergutaumajarêrmat, tagva Kristûse.

Deuteronomy 12:11

Tagva iniksamut Nâlekab Gûdipse annerijanganut atterminut iniksauᴋovlugo, tagvunga âtaksarivase perᴋojijutigijakka tamaita ilipsingnut; tunergutise ôtaksat, tunergutise toᴋotaksat, perᴋutipse tallimaujoangit, aggapselo tunergutingit issautijaksat, angerutigijaselo annernarnerpat angerutigijase Nâlekamut.

Deuteronomy 12:14

Iniksarmele Nâlekab annerijangane kinguvârêt ilangane, tagvane tunergutiksatit ôtaksat tunergutigijaksarivatit, tagvanelo piniartuksauvotit tamainik perᴋojijutigijamnik ilingnut.

Deuteronomy 12:18

Nerrijaksarivatille tamakkoa Nâlekab Gûdivît sângane inime Nâlekab Gûdivît annerimajangane, igvit, ernivîllo, panivîllo, kivgablo angutib, kivgablo arnaub, Levitiojûblo itertarvingnêtûb: ᴋuviasudlartuksauvotillo Nâlekab Gûdivît sângane aggakpît isarutigijangit tamaita pivlugit.

Deuteronomy 12:26

Tunergutiksangortitatit angerutigisimajatillo kissimik tigumiarlugit aijuksauvotit iniksamut Nâlekab annerijanganut;

Deuteronomy 12:5

Iniksarle Nâlekab Gûdipse annerijomârtanga kinguvârêngnipsingnit tamainit atterminut iniksautitsomavlugo, inigijomârtanga tâmna torâvigijaksarivase, tagvungartuksauvluselo;

Deuteronomy 15:20

Jârit tamât nerrijaksarivat Nâlekab Gûdivît sângane, ineme Nâlekab annerijangane, igvit iglomioᴋatitillo.

Deuteronomy 16:1

Takᴋek Abibe kamagitsiaruk, ᴋângerviksiorviglo uvloᴋsiorutigiuk Nâlekamut Gûdingnut; takᴋerme Abibeme Nâlekab Gûdivît aulartilaungmatit Egiptenemit unnuarme.

Deuteronomy 16:3

Tamanna ilagilugo pubjusimajomik ᴋakᴋôjaᴋtortuksaungilatit; uvlut sevenit nâvlugit pubjusauteᴋangitomik ᴋakᴋôjaᴋtortuksauvotit tâmna ilagilugo, ᴋakᴋôjarmik kapiasûtaujomik; erinesuklutit aulalauravit nunamit Egiptenemit; inôsivit uvlungit nâvlugit erᴋaumatsainarᴋovlutit uvlormik aularvigilauᴋtarnik nunamit Egiptenemit.