Deuteronomy 16:16 - Labrador Inuttitut Heritage Bible

¹⁶ Pingasuertorlutik jârit tamât angutitit ilûnatik sakᴋijârtuksauvut Nâlekab Gûdivît sângane ineme tâpsoma annerijangane; uvloᴋsiorvingme pubjusauteᴋangitunik ᴋakᴋôjaᴋtorvingme, ama vôgit uvloᴋsiorvingane, amalo uvloᴋsiorvingme tuperᴋarvingme akkerᴋunik milukatalingnik; tigumiaraᴋaratigle sakᴋertuksaungilat Nâlekab sângane;

Deuteronomy 16:16 Iomraidhean Croise

I Atannit 9:25

Salomolo pingasoêrtorlune Jâreme atautseme tunnijivok tunnergutinik ôtaksanik, ᴋujalijutiksaniglo, Altareme sanalauktamine Nâlekamut, isserluanititsilunelo ᴋângane, Nâlekab sângane. Iglolo pijarêrtipa.

II Kronika 8:13

Tunnergutiksallo uvlunut tamainut illingajut, tunnivait Mosesib perᴋojangit malliklugit, Sabbatine, taᴋᴋêlanelo, uvloksiorvingnelo, pingasuêrtorlune Jareme, tagva uvloksiorvingme ᴋaᴋᴋojanik sêrnaᴋangitunik, Wochillo uvloksiorvinganelo, uvloksiorvingmelo igloᴋarvingmik akkerᴋunik milluᴋattalingnik.

Esra 3:1

Taᴋᴋillo 7 ingat nalliutilermat, Israeliblo ᴋittorngangit mana iglugasaksoaᴋotimingnêmatta, tagva innugasaksuit kattimalerput Jerusaleme angutitut attautsetut sorlo.

Nehemia 8:15

Tamânnalo tussartauᴋovât, akpautigijauᴋolugolo iglugasaksoamingne ilûnaine Jerusalemelo, oᴋarᴋojilutiglo: Aileritse ᴋakᴋanut, aiklerluselo nappârtut, orksuliub, Balsamiblo, Mirteniblo, Palmillo akkerunginik, nappârtullo asingita akkulaitunik akkeroggit, iglunik akkerolingnik sanajoᴋarᴋovlugo, sôrlo aglaksimangmat.

Imgerut 122:4

Kinguvârêt majorarvigijaksangat, Nâlekab kinguvârêngita, (Gûdib) perᴋojanga Israelitinnut (malliklugo), Nâlekab attinga ᴋujagilugo.

Imgerut 84:7

Arvertarput pitsartunermit pitsartunermut, illûnatik attunît saᴋᴋerᴋâratik Gûbib sângane Zioneme.

Imgerut 84:8

Nâlegak Gûde Zêbaot, tuksiarnera tussaruk; timeroleruk Jakob Gûdinga, Sêla.

Imgerut 96:8

Nâlegak ᴋaitsivigissiuk attingata opigijauninganik; pilliutinik ᴋaitsileritse tikkiluselo iglorusinginnut!

Exodus 34:20

Siuterᴋortojuble erniarirᴋârtanga tauksiutijaksarivat saugârsungmut: tauksiutilungikungnelo ᴋongesêjaraksarivat. Ernivit erniarirᴋârtangit ilûnnaita tauksiutijaksarivatit. Tunergutiksalijaranelo sakᴋijârtoᴋartuksaungilak sâmne.

Exodus 34:24

Inôᴋatigêksuit pingujaromagapkit sângnit, nunavillo kiglingit nerototitsomavlugit; nunangniglo uningartoᴋartuksaungilak majorarsimatilutit sakᴋijâromavlutit Nâlekab Gûdivit sângane pingasuertorlutit jâreme.

Jesaiase 23:18

Niuviangille piksarsiangillo tunergutaujomârput Nâlekamut; ᴋematullivingmut illijaujomângilat torᴋortaunatiglo, Nâlekable sângane inôjut pijomârput niuvianginik, nerᴋiksaᴋarᴋovlugit nãmaktomik annorâtsiaᴋarᴋovlugillo.

Jesaiase 33:20

Takkunârit Zionemik, iglugasaksoarnik, kattimaviksaptingnik; ijîkpit Jerusaleme takkojomârpâk, inniksaᴋ terlingnartoᴋ, tuppeᴋ nuktitaujomângitoᴋ; pauktûtingit nutsuktaujomâtsengilat aklunângillo kiktorartaujomâtsanginivut.

Hesekiel 36:38

Sorlo saukat tunergutiksat, sorlo saukat Jerusaleme uvloᴋsiorveᴋarningane; taimak iglugasaksuit ᴋemaktaujut tatalârput inungnik katimgajunik; ᴋaujijuksaulârpullo uvangaugama Nâlegaᴋ.

Leviticus 23:34

Israêlib ᴋitorngangit oᴋarvigikit, oᴋarlutit: Takᴋit seveningata uvlungita 15ingane uvloksiorvik tupeᴋarvingmik akkerᴋunik milukatalingnik naliutivok uvlut sevenit tuglerêklutik Nâlekamut.

Haggai 1:9

Angijunik ᴋinilauᴋposi, sunaubvalo ikitlivut; angirautigapsigiglo supôrpakka. Sôᴋ? oᴋarpoᴋ Nâlegaᴋ Zebaot. Igluga asirorsimaningortoᴋ pivlugo, ilipsilo ilûnnasi igloᴋotipsingnut aᴋpangittilusi.

Mattêuse 2:11

Iglomullo iterlutik, nutarârsuglo anânangalo naipipakit, pâmakterlutiglo tuksiarvigivât, perᴋutitiglo sakᴋerpait, pililâllo goldemik, tippitsiariksaumiglo kutsumiglo.

Markuse 12:3

Tâpkoale tiguvât, anaudlarlugolo naksartinagolo aulartipât.

Johannese 7:2

Jûdille uvloᴋsiorvingat, akkerᴋunik milukatalingnik igloᴋarvingat, ᴋanilerpok.

Deuteronomy 16:15

Uvlunik sevenenik uvloᴋsiortuksauvotit Nâlekamut Gûdingnut ineme Nâlekab annerijangane; Nâlekab Gûdivît saimartitsomangmatit katersivingne tamaine, aggakpîllo suliangine tamaine, taimaimallo ᴋuviasumariktuksauvotit.

Deuteronomy 16:17

Angutit ilûnatik tunitjijuksauvut pijungnarnitik maliklugit; saimanartut Nâlekab Gûdivît tunijangit ilingnut maliklugit.

Deuteronomy 31:11

Israêlekut ilûnatik katimajartortilugit Nâlekab Gûdivît sângane inime tâpsoma annerijangane, perᴋojat makkoa atuaraksarivatit Israêlekut ilûnatik sângine tusâtilugit.

I Samuel 1:3

Angullo tamna iglugasaksoarnit iglokarviminit majorarlaukpok nalliunermine, tuksiaromavlune tunnergutiksaniglo tunnijilune Nalekamut Silome. Tagvanelaukpugle Nalekab ajochertuijokotigik Hofni, Pinehaselo, Elib ernigik.

I Samuel 6:3

Tapkoa oᴋarput: Israelib Gudingata iklervinga tillikliutijomagupsiuk, tagva sunaᴋarane tillikliutiniarassiuk, akkiniaraksarivasse tunnergutiksamik akkiliksêrutiksamik; tagva ᴋanoêtsungnainiarpose, nallojungnaititauniarluselo suna pivlugo tapsoma aggangit nulaungimatta illipsingnit.