Deuteronomy 15:7 - Labrador Inuttitut Heritage Bible

⁷ Aklujokarpat ilingne, ᴋatangutivît ilangat, itertarvikpît ilangane, nunangne Nâlekab Gûdivît tunijangane ilingnut, ômatit mangaititaksaringilat aggatillo erᴋititaksaringilatit ᴋatangutingnut aklujomut;

Deuteronomy 15:7 Iomraidhean Croise

Nehemia 5:1

Nipliadlarneksoaᴋalerporlo inugasaksoarnit nulianginillo, ᴋatangutitik Judit akkerartorlugit.

Ester 9:19

Tamanna pivlugo Jûdit iglugasengne iglugaseksoarnelo avaluksoakangitune nunaᴋartut, takᴋib Adarib uvlungita 14 ingat uvlungortipât nerrimartitsinermut ᴋuviasungnermullo uvloksiorvingmullo, pajuktigêngnermullo aitûsianik illingajomut.

Ester 9:22

Uvluktitut Jûdit ullapirsautiksarsivingititut omigijimingnit, takᴋertullo kappiasungningita ablatsângortitauvingatut ᴋuviasungnermut, kiksarningitalo ablatsangortitauvingatut uvlunut ajungitunut; uvlûk tapkoa uvloksioraksaringmattikik uvlûktitut nerrimârtitsinermut ᴋuviasungnermullo pajuktigêngnermullo aitûsianik pajungningnermullo aklujunut illingajûktut.

Exodus 22:25

Inuᴋotima ilangat aklujoᴋ ilingnêtok atartortigungne kênaujanik, ilingavigijaksarilungilat kênaujaniaromajotut, akilêtitaksarilungilat atautemik.

Salomob Okâl 19:17

Aklujomik napᴋiniktok, attartortitsivok Nâlekamik; tapsoma akkivigijomârpa ajungitullininginik.

Salomob Okâl 21:13

Siutiminik simiksijok aklujub niplianinganik tussaromangimut, tamna nipliadlaromârpoktauk tussartaunanelo.

Jesaiase 58:10

Kâktorlo ikligijarnik tunidsivigigungne, tarnelo ajoᴋsadlartoᴋ nãmaksitilerungne, tagva ᴋaumartiksat nuileromârpoᴋ tâᴋsoarme, tâᴋtorlo illingne uvlub ᴋetterarningatut-itsomârpoᴋ.

Leviticus 25:35

ᴋatangutillo akludlalerpat, aggangillo ajulerpatta ilipsingne, tagva patangaititaksarivat; takorngartartut tujormiojotullo inôjuksauvok akunapsingne.

Mattêuse 18:30

Pijomangilarle, parngnanairsimavingmulle itertitsartorpâ, akkiliksangit tamaita akkilertauᴋârtinagit.

Mattêuse 5:42

Ilingnit sumik ᴋenujok tunitjivigiuk; allarniarnagolo attartoromajok ilingnit.

Deuteronomy 15:11

Aklujokarungnainiangimat nuname, tamanna pivlugo perᴋovagit, oᴋarlunga: Aggatit issivitaksarivatit ᴋatangutingnut ajoksartomut, aklujomullo nunangne.

Deuteronomy 15:9

Udjertorillo, issumalukarᴋarᴋonak ômatingne, oᴋarlutit: jârit seveningat, jâre atauteᴋarᴋojijungnaivik ᴋanilerpok; ijeᴋalerpotillo idluitomik ᴋatangutingnut aklujomut, tunitjivigitaililugolo; pivilutillo Nâlegak ᴋaigarsugvigivâ; ajorningorniarporlo ilingnut.

Deuteronomy 24:14

Kivgartortok aklujok ajoksartorlo oᴋumaiksartitaksarilungilat, ᴋatangutingnut ilingamangât takorngartaumangâllônêt nunavît itertarvingita ilangane;