Deuteronomy 15:4 - Labrador Inuttitut Heritage Bible

⁴ Kissianele aklujokartuksaungilak ilingne; Nâlekab saimartitsomârmase nuname Nâlekab Gûdivît ilingnut tunijangane kingormgutigilugo pigilugolo piᴋovlutit;

Deuteronomy 15:4 Iomraidhean Croise

Salomob Okâl 14:21

Idluitullijub inûᴋattine nachogiva; pilloridlarporle pattangajunnik nâpkigosuktok.

Salomob Okâl 28:27

Aitortuijok aklujunnut, tamna ajoksaromângilak; ijiminigle allartitsijok, ominarsijutiksarsiniarpok unuktunik.

Deuteronomy 14:29

Levitiojorlo, avigaksarsiᴋatigilungimatit kingormgutijaksarsiᴋatigingimatillo, tujormiarlo, iliarsuglo, uigarnerlo, itertarvingnêtut, tikitutsauvut, nerrilutiglo aᴋeartortuksauvut; Nâlegak Gûdît saimauserᴋovlugo ilingnik aggakpît suliangine piniarnerijarne tamaine.

Deuteronomy 15:5

Katsungaidlutit Nâlekab Gûdivît nippinga nâletsiartuarungne, perᴋojaujut makkoa tamaita perᴋojijutigijakka ilingnut uvlome naipertutsiarlutit piniarungne.

Deuteronomy 28:11

Nâlekablo piᴋangârtitsomârpâtit idluarᴋutaujunik, timivît paunganginik, nergjuteᴋotivît paunganginik, nunavîllo paunganginik, nuname, Nâlekab nelautsimariktomik angerutigilauᴋtangane atâtagijarnut, ilingnut tunijomavlugo.

Deuteronomy 3:18

Perkolaukpapse taipsomane, oᴋarlunga: Nâlekab Gûdipse nuna tamanna tunimavâ ilipsingnut, perᴋutauᴋovlugo; sakkolijarluse ikârtuksauvose ᴋatangutipse Israêlikut sângine, angutit sorᴋsukpaktut ilûnatik.

Deuteronomy 4:21

Nâlekablo ama ningarvigivânga pitjutigivluse, oᴋamariklune Jordan ikâraksaringinapko, nunalo piodlartok Nâlekab Gûdivît kingormgutijaksautitanga ilipsingnut aivigijaksaringinapko;