Deuteronomy 12:7 - Labrador Inuttitut Heritage Bible

⁷ Tagvanelo nerrijuksauvose Nâlekab Gûdipse sângane, ilipselo inuᴋotiselo ᴋuviasudlartuksauvose aggapse isarutigijangit tamaita Nâlekab Gûdivît saimartitaujutiksautitangit ilipsingnut pivlugit.

Deuteronomy 12:7 Iomraidhean Croise

I Kronika 29:22

Nerrivullo immerlutiglo uvlorme taipsomane Nalekab sângane ᴋuviasuvaksoadlarlutik. Salomolo Davidib erninga atanningortipsarpât, mingoarlugolo atanningortipât Nalekamut, Zadokelo ajuᴋertuijersoangortipât.

Nehemia 8:9

Nehemiablo Hatirsastaôjub (nunab aulatingata) Esrablo ajoᴋertuijub, aglanik ilisimajub, Levitillo, inugasaksoarnik ajoᴋertuijut, inugasaksuit ilûnâmasiatik oᴋautivait: Uvlok tamânna ivsornaitôvok Nâlekamut Gûdipsingnut; kiksarniarase ᴋêaniaraselo. Inugasaksuit ilûnâmasiatik ᴋêagamik perᴋojat oᴋausertangit tussaramigit.

Okaluktok 3:12

Tamanna pivlugo missigilaukpunga, tamakkonane Nâmanersaᴋalungimat ᴋuviasungneᴋarnermit ajungitullinermillo ingminut inôsermine.

Okaluktok 3:13

Amalole, inuit nelliat nerrijok imertorlo, maksoalunelo pijok sulijaksamine tamaine, tamana tunnergusiangovok Gûdemit.

Okaluktok 5:18

Tagva mânna tamanna takkolugo nâmagivara, ânanaungmat, inuk nerrigune, immerlunelo maksoalunelo sulijamine tamaine, pinniartamine sekᴋerngûb atâne, inôsekivingmine, Gûdib tunnijangane tâpsomunga; tamanna illangiusiarigamiuk.

Jesaiase 23:18

Niuviangille piksarsiangillo tunergutaujomârput Nâlekamut; ᴋematullivingmut illijaujomângilat torᴋortaunatiglo, Nâlekable sângane inôjut pijomârput niuvianginik, nerᴋiksaᴋarᴋovlugit nãmaktomik annorâtsiaᴋarᴋovlugillo.

Jesaiase 62:9

Kattersoijulle tamakkoninga nerᴋiksarivaittauᴋ, Nâlegarlo nertoraksarivât; angeraudjijullo vainemik imiksarivât igluma ivsornaitoviksûb iglorusingine.

Hesekiel 44:3

Angajoᴋâᴋsoarle, angajoᴋâᴋsoangogame iksivajuksauvoᴋ tagvane nerᴋiksaᴋ nerrilugo Nâlekab sângane; itertuksauvoᴋ itertarviub torᴋsukatângagut, tagvûnatsainarlo anijuksauvoᴋ.

Joel 1:16

Nerᴋiksaᴋ pêrtaungilâᴋ ijipta sânganit, ilâ, ᴋuviasungneᴋ erᴋiertornerlo Gudipta iglunganît?

Joel 2:26

Amigangitomiglo nerrilârpose aᴋᴋeartorniarluselo, Nâlekablo Gudipse, tatamnadlartomik piniarvigijipse, attinga nakorilârpase; inuᴋotikkalo kangusujuidlalârput.

Leviticus 23:40

Uvlullo sivorlerpângane tigusijuksauvose napârtutsiat paunganginik, napârtullo palmit akkerunginik, napârtullo tungujortanik milukatalit akkerunginik, ukpiganiglo kôb sanianit, serrijuksauvoselo Nâlekab Gûdipse sângane uvlunik sevenenik.

Mâlaki 2:13

Amalo imailivose: Nâlekab tunerguservinga mattuvase ᴋugvinut, ᴋeanermullo, anersauminermullo, tunergutit nerᴋiksat kamagijungnairmagit, ᴋuviasuklunelo ilaliolungimagit aggapsingnit.

Apostelit Piniarningit 2:46

Uvlullo tamaita ilagêklutik katimaviksoarmêput, ᴋakᴋôjallo avgorpait iglune tamaine.

Deuteronomy 12:12

ᴋuviasudlartuksauvoselo Nâlekab Gûdipse sângane, ilipse, erniselo, paniselo, kivgaselo angutit, kivgaselo arnat, Levikullo itertarvipsingnêtut, tâpkoa avigaksarsiᴋatigilungimase kingormgutijaksarsiᴋatigingimaselônêt.

Deuteronomy 12:18

Nerrijaksarivatille tamakkoa Nâlekab Gûdivît sângane inime Nâlekab Gûdivît annerimajangane, igvit, ernivîllo, panivîllo, kivgablo angutib, kivgablo arnaub, Levitiojûblo itertarvingnêtûb: ᴋuviasudlartuksauvotillo Nâlekab Gûdivît sângane aggakpît isarutigijangit tamaita pivlugit.

Deuteronomy 12:8

Piniarnerijavut mâne uvlome maliklugit piniartuksaungilase, neliak idluarijaminik piniarmat;

Deuteronomy 14:23

Nerrijuksauvotillo Nâlekab Gûdivît sângane, inime tâpsoma annerijangane atterminut iniksauᴋojangane, senaugaksavit, vaineᴋotivillo, orᴋsuᴋotivillo tellimaujunginik, tuktuvaᴋotivillo saugakotivillo pijariorutinginik, iliniarᴋovlutit sivôranermik Nâlekamik Gûdingnik tamât.

Deuteronomy 14:26

Kênaujallo pisiniutigikit tarnivît kajungilârtanganik, tuktuvangnik, sauganiglônêt, vainemiglônêt imermiglônêt pitsartudlartomik, sunamiglônêt tarnivît ikligijanganik; tagvanelo nerrijuksauvotit Nâlekab Gûdivît sângane, igvillo iglomioᴋatitillo ᴋuviasudlartuksauvose;

Deuteronomy 15:20

Jârit tamât nerrijaksarivat Nâlekab Gûdivît sângane, ineme Nâlekab annerijangane, igvit iglomioᴋatitillo.

Deuteronomy 26:11

Ajungitullo tamaita Nâlekab Gûdivît tunijangit ilingnut iglomioᴋatingnullo serrijutigijaksarivatit, igvit, Levitiojorlo, tujormiarlo akunapsingnêtok.

Deuteronomy 27:7

Tunergutiksaniglo ᴋujaliutiksanik tunergusertuksauvotit, nerrilugillo; serrijuksauvotillo Nâlekab Gûdivît sângane.

Deuteronomy 28:47

Nâlegak Gûdît kivgartulaunginangne erᴋiertornermut ômativîllo ᴋuviasungninganut, tamainik piᴋangâravit;

Filippimiunut 4:4

Kuviasutsainaritse Nâlekame, amalo oᴋarpunga: ᴋuviasugitse.