Deuteronomy 12:6 - Labrador Inuttitut Heritage Bible

⁶ Tagvungalo tunergutiksase ôtaksat, tunergutiselo toᴋotaksat, perᴋutipselo tellimaujoangit, aggapselo tunergutingit isautijaksat, angerutigijaselo, tunergutiselo pijârijut, tuktuvaᴋotipselo saugakotipselo pijariorutingit âtaksarivase;

Deuteronomy 12:6 Iomraidhean Croise

II Kronika 31:14

Korelo Jemnab erninga Leviteôjok, udsertorte upkoamik kittanêtomik angajoᴋaulaukpok Gudib tunnergusianginut, pijarellune tunnijaulauktunut, aulailugit tunnergutit Nalekamut, ivsornainerpângôjunullo.

II Kronika 7:12

Nalekablo Salomo saᴋᴋervigiva unnuarme, oᴋautilâlo: Tuksiarnît tussarlaukpara, innelo tamanna annerimavara uvamnut tunniorᴋaiviksauᴋovlugo tunnergutiksanik.

Esra 3:2

Jesualo Jozadakib erninga, ᴋattangutingillo ajochertuijut, Serubabelelo, Sealthib erninga ᴋattangutingillo parngnailerput, sannalutiglo Israelib Gudingata Altaringanik, tunnergutinik ôtaksanik tunijilune ᴋângane, sorlo aglaksimangmat Mosesib Gudib anguteᴋotingata perᴋojangine.

Nehemia 10:36

Ernivullo erneriᴋârtavut, nergjuteᴋotiptalo Erniariᴋârtangit, sôrlo aglaksimangmat malligaksane, Tuktuvaᴋotiptalo, saugaᴋotiptalo erniariᴋârtangit, tamakkoa tamaita âtaksarigaptigik ajoᴋertuijunut, Gûdib iglungane kivgartortunut.

Nehemia 10:39

Israelib ᴋitorngangita, Leviblo ᴋitorngangita tunnergutiksat ᴋakᴋojaksat, Weineliksallo iptingit, orksuglo âtaksaringmagit takpaunga inninut. Tagvanêput ivsornaitoviub ilûlerkutingit, ajoᴋertuijullo kivgartortut, upkuaniglo udsertortut, imgerpaktullo; uvagullo Gûdipta iglunga ᴋemagomangilavut.

Imgerut 116:17

Igvit ᴋujalinermik tunitsivigijomavagit, Nâlekablo attinga oᴋâlautigijomavara.

Hesekiel 20:40

Kaᴋᴋamne ivsornaitome, Israêlib poᴋtoningata ᴋaᴋᴋangane, oᴋarpoᴋ Nâlegaᴋ Nâlegaujoᴋ, tagvane Israêlib ᴋitorngangita ilûnatik, ila, nunamêtut ilûnamaritik, kivgartoromârpânga: tagvanelo ilalioromârpakka, tagvanelo tunergutise, paungallo pijariorutit tunijaksarijase, ivsornaititase tamaita ilagilugit, ᴋaitauᴋojomârpakka.

Leviticus 1:3

Tunergutiksak ôtaksaukpat tuktuvangnit, tunergusertuksauvok angusâlormik ᴋanoêtoᴋangitomik: tunergutigijaksarivâ ilagêktut tupingata upkoangata sângane, ᴋuviagijauᴋovlugo Nâlekamut.

Mâlaki 3:10

Katersortapse tellimaujoat ilûnaita âsigik ᴋematulivingmut, nerᴋiksaᴋarᴋovlugo iglumne, ôktorsingalo mâna mattomunga, oᴋarpoᴋ Nâlegaᴋ Zebaot, ᴋilaub igalângit angmaromângimangâpkit ilipsingnut, saimanartoᴋsoarmiglo koveriluse nimniornadlartomik.

Mâlaki 3:8

Inûb Gude arᴋtaiviginiarᴋaûk? Ilipsele arᴋtaivigivapsinga. Oᴋarposele: Sunamik arᴋtaivigivitigît? Katersortapse tellimaujoanik tunergutiniglo isautijaujunik.

Lukase 11:42

Kappianamêgle ilipse Farisêerit, tippitsiariksaullo makpatâvaillo sunatuinait tallimaujungit tunigapsigik, erᴋartuinerle (idluartok) naglingnerlo Gûdemik senerᴋopase (issumaginagiglo). Makkoa piniaraksarivase, ipkoalo iperarnagit.

Lukase 18:12

Vogeme maggoertorlunga nerritailivakpunga, perᴋutimalo ilûnatik tallimaujoanik tunijivunga.

Deuteronomy 12:17

Itertarvipsingnele nerrijaksaringilase senaugaksaᴋotivît, vaineᴋotivîllônêt, orᴋsuᴋotivîllônêt tallimaujoangit, tuktuvaᴋotivîllônêt saugakotivîllônêt pijariorutingit, angerutaujullônêt neliat angerutigimajatit, tunergutitillônêt pijârijut, aggakpîllônêt tunergutingit isautijat;

Deuteronomy 26:2

Tigusijuksauvotit nunavît perutsiangita pijariorutit ilanginik angergautijarnik nunamit Nâlekab Gûdivît tunijanganit ilingnut; ilijaksarivatillo amârgaujarmut, ailutillo inemut Nâlekab Gûdivît annerijanganut atterminut iniksauᴋovlugo.

Josua 22:27

Kigligiudsijoᴋovlugole akkonaptingne akkonapsingnelo, kinguvârijomârtaptalo akkorngane, Nalegak kivgartorungnarlugo sângane, tunnergutiksaptingnut otaksanut, tunnergutiksaptingnullo ᴋujalijutiksanut, tunnergutiptalo assinginut; ᴋittorngase, nalliutsomârtome oᴋarungnarᴋonagit: Illangiutivikangilase Nalekamik.

I Samuel 1:21

Angullo Elkana majorarmat paunga iglomioᴋattine illagaillugit tunnergutiksamik tunnijauvaktomik, angerutigilauktaminiglo tunnijijomavlune Nalekamut,

I Samuel 1:24

Amâmaktitsungnairamiuk, âlugo majorarᴋattigiva, tuktuvait pingasut, Efalo tattalugo sanaukamik, publaujarlo Weinetalik illaliudlugo; âpâlo Nalekab iglunganut Silomêtomut. Nukapiarle innusulaukpok sulle.