Deuteronomy 12:2 - Labrador Inuttitut Heritage Bible

² Inôᴋatigêt pigijapse Gûdingoangit kivgartorvigijangit tamaita asseroraksarivase, ᴋakᴋane poktojune, ᴋaᴋârulanelo, napârtullo tungujortat atâne;

Deuteronomy 12:2 Iomraidhean Croise

I Atannit 14:23

Sanalaukpullotauk ingmingnut poktôjunik, nappajuniglo, napârtuniglo, ᴋakᴋarulangne pôktojune ilûnnaine, napârtullo tungojortut ilûnnatik atâne.

I Atannit 3:2

Inugasaksuille tunnergutinik tunnijilaukput sulle pôktojune; nelliutok taipsoma tikkidlugo igloliortoᴋalaungimat sulle iglomik Nâlekab atinganut illingajomik.

II Atannit 11:18

Tagva nunab innugiartoksoangit ilunnamassiatik itterput Baalib ᴋattimavinganut, imitipâllo Altarekotingit, Gûdingoakotingillo serᴋomipait; Matthanelo Baalib ajochertuijoᴋotinga toᴋopât Altarit sângine. Ajochertuijorlo udsertortoᴋartitsivok Nâlekab iglungane.

II Atannit 16:4

Tunnergutiniglo tunnijivok isserluanititsilunelo poktojune, ᴋakᴋarulangnelo, nappartullo tungojortat ilunnatik attâne.

II Atannit 23:13

Poktojuttauk Jerusalemib sivuranêlauktut, ᴋakᴋab Mashitib attiggub tallerpianêlauktut, Salomob Israelitit atanningata sennalauktangit, Asthorete Zidonemiut makkojungnartokotingat pivlugo, Kamoselo Moabiterit makkojungnartokotingat pivlugo, Milkomelo Ammonib ᴋitorngangita makkojungnartokotingat pivlugo, atanniub ivsornartipait,

Imgerut 78:58

Ningaksarlaukpâllo pôktojoᴋotimingnut, illungertortilugolo Gûdingoaᴋotimingnut.

Exodus 23:24

Tâpkoa Gûdingit pâmaktervigijaksaringilatit kivgartornagillo, piniarningillônêt malingnagit; ochomariktitaksarivatille, gûdingoangillo okpikâtilugit.

Jesaiase 36:7

Oᴋautigupsingalo: Nâlegaᴋ Gûdivut tattigivavut! — (oᴋarpunga): Tâmnaungilâᴋ Hiskiab pêjaivigijanga opigijauvinginik ᴋaᴋᴋanêtunik tunerguserveᴋotinginiglo, oᴋarlune Jûdakkunut Jerusalemiunullo: Tunerguserviub ôma (Jerusalemẽtub, sângane tuksiartuksauvose?)

Jeremia 17:2

Kitorngangit erᴋaumatilugit tunerguservinginik gudingoanginiglo napârtut tungujoᴋtat atâne ᴋaᴋᴋane poᴋtojune.

Jeremia 2:20

Itsarsoarmit nangmautat serᴋomiᴋattarangne ᴋelarutillo kiktorarlugit; oᴋarpotillo: Kivgartoromangilanga; ᴋaᴋᴋane poᴋtojune tamaine, napârtullo tungujortut ilûnatik atâne ukuᴋattalauᴋpotit assiniarᴋattarlutillo.

Jeremia 3:13

Kissiane idluitulinitit kigligiksautigikit, Nâlagaᴋ Gude idluitulivigilaurangne, salumainîllo serᴋerautigisimavat takorngartanut napârtut tungujortat ilûnatik atâne, nâlalaungilaselo nippimnik, Nâlagaᴋ oᴋarpoᴋ.

Jeremia 3:2

Ijikik uitatikik ᴋaᴋᴋanut merᴋoᴋangitunut, takolerlutillo; nane ajortuliviᴋalaungilatît? Utaᴋilugit iksivalauᴋpotit apᴋosinerne, sorlo Arâbiamioᴋ sunaᴋajuitome; nunalo ivsornartipat ajortulinernut idluitulinernullo.

Jeremia 3:6

Ataniublo Josiab naliuningane Nâlakab oᴋautivânga: Takogaloarᴋêt Israêlib kingupiarlorsimajub piniarninginîk? Majorarsimavoᴋ ᴋaᴋᴋanut poᴋtojunut tamainut, napârtullo tungujortat ilûnatik atânut, tagvanalo assiniarᴋattarpoᴋ.

Hosea 4:13

Tunergutinik ôtaksanik tunitjivut ᴋaᴋᴋaᴋsuit ᴋângine, tipigiksautiniglo isserluanititsivut ᴋaᴋᴋane, napârtut sittijuksajat, ᴋairoliujallo, kutsulillo atâne, taggaliningit piojorijôgamigit; tamanna pivlugo panise assiniarput, nuliaksaselo anguniarput.

Numbers 22:41

Uvlângolermallo Bâlakib Bâlaam aiparivâ tikiutilugolo Bâalib poᴋtoninganut, tagvangallo takonârpoᴋ inugiartoᴋsoarnik ungardlerpânik.

Deuteronomy 7:5

Imailiorvigijaksarivatille; tunerguservingit oggotitaksarivase, napajoliarimajangillo navgorlugit, napârtungillo nakkalugit, Gûdingoangillo ulimârsimajut ikomamut nungulugit.

Idluarsaijut 2:2

Illipse angerᴋattigêngnermik pijuksaunginapse nunab tamattoma inunginut; Altareᴋotingillo serᴋomitaksarigapsigik. Illipsele nippiga Nâlelaungilasse. Sôg taimailiorlauᴋise?