Deuteronomy 12:12 - Labrador Inuttitut Heritage Bible

¹² ᴋuviasudlartuksauvoselo Nâlekab Gûdipse sângane, ilipse, erniselo, paniselo, kivgaselo angutit, kivgaselo arnat, Levikullo itertarvipsingnêtut, tâpkoa avigaksarsiᴋatigilungimase kingormgutijaksarsiᴋatigingimaselônêt.

Deuteronomy 12:12 Iomraidhean Croise

I Atannit 8:66

Uvlullo 8 ingane inugasaksuit aularᴋovait. Tapᴋoalo atannek saimartipat, ailutiglo tuppermingnut, ᴋuviasuklutik maksoalutiglo ajungitut tamaita Nâlekab pinniarlauktangit kivgaminut Davidemut, inuᴋotiminullo Israelitinut pivlugit.

II Kronika 29:36

Hiskialo ᴋuviasulaukpok innugasaksuit illunatik illagilugit, Gudib innugasaksuit oppalungaijarlaungmagit, tagvainak pinniartaulaungmat.

Nehemia 8:9

Nehemiablo Hatirsastaôjub (nunab aulatingata) Esrablo ajoᴋertuijub, aglanik ilisimajub, Levitillo, inugasaksoarnik ajoᴋertuijut, inugasaksuit ilûnâmasiatik oᴋautivait: Uvlok tamânna ivsornaitôvok Nâlekamut Gûdipsingnut; kiksarniarase ᴋêaniaraselo. Inugasaksuit ilûnâmasiatik ᴋêagamik perᴋojat oᴋausertangit tussaramigit.

Imgerut 147:1

Nalegak nertorsiuk; Gûdivut nertorlugo imgervigilugo pivianarmat; nertordlernek taimaitok tussarnidlartok ânanaulunelo.

Leviticus 23:40

Uvlullo sivorlerpângane tigusijuksauvose napârtutsiat paunganginik, napârtullo palmit akkerunginik, napârtullo tungujortanik milukatalit akkerunginik, ukpiganiglo kôb sanianit, serrijuksauvoselo Nâlekab Gûdipse sângane uvlunik sevenenik.

Numbers 18:20

Nâlekablo Aron oᴋautivâ: kingormgutijaᴋartuksaungilatit nunangine ilangiusiaᴋartuksaungilatillo tagvane; uvanga ilangiusiarivarma kingormgujilutillo uvamnik Israêlikut akorngane.

Numbers 18:26

Levikut oᴋarvigijaksarivatit oᴋautilugillo: Tigusigupse Israêlikut perᴋutingita tellimaujoanik kingormgutijaksautitamnik ilipsingnut tâpkonangat, tunitjijuksauvose ilanganik, tellimaujoab tellimaujoanik, tunergutiksamik ᴋongmut isautijaksamik Nâlekamut.

Johannese 13:8

Tagva Pêtrusibo ᴋautivâ: Itigakka ubvaraksaritsangilatit. Jêsusib kiovâ: Ubvarniangikupkit, illangiuteᴋatiginiangilarma.

Apostelit Piniarningit 8:21

Oᴋausek una piginagolo ilangiutiviginiangilallônêt, ômatit idluangimat Gûdib sângane.

Deuteronomy 10:9

Tamanna pivlugo Levikut ᴋatangutitik avgoraksarsiᴋatigingilait kingormgutiksarsiᴋatiginagillo; Nâlegak kingormgutigivât, sorlo Nâlekab Gûdivît oᴋautingmagit.)

Deuteronomy 12:18

Nerrijaksarivatille tamakkoa Nâlekab Gûdivît sângane inime Nâlekab Gûdivît annerimajangane, igvit, ernivîllo, panivîllo, kivgablo angutib, kivgablo arnaub, Levitiojûblo itertarvingnêtûb: ᴋuviasudlartuksauvotillo Nâlekab Gûdivît sângane aggakpît isarutigijangit tamaita pivlugit.

Deuteronomy 12:19

Udjertorit Levitiojok ᴋemadlartauᴋonago nunavit ᴋângane inôtilutit.

Deuteronomy 12:7

Tagvanelo nerrijuksauvose Nâlekab Gûdipse sângane, ilipselo inuᴋotiselo ᴋuviasudlartuksauvose aggapse isarutigijangit tamaita Nâlekab Gûdivît saimartitaujutiksautitangit ilipsingnut pivlugit.

Deuteronomy 14:29

Levitiojorlo, avigaksarsiᴋatigilungimatit kingormgutijaksarsiᴋatigingimatillo, tujormiarlo, iliarsuglo, uigarnerlo, itertarvingnêtut, tikitutsauvut, nerrilutiglo aᴋeartortuksauvut; Nâlegak Gûdît saimauserᴋovlugo ilingnik aggakpît suliangine piniarnerijarne tamaine.

Deuteronomy 16:11

Serrijuksauvotillo Nâlekab Gûdivît sângane, igvit, ernîllo, panîllo, kivgallo angut, kivgallo arnak; Leviteojorlo itertarvingnêtok, takorngartarlo, iliarsuglo, uigarnerlo, akunapsingnêtut, ineme Nâlekab Gûdivit annerijangane aterminut iniksauᴋovlugo.

Deuteronomy 16:14

Serridlarlutillo uvloᴋsiortuksauvotit, igvit, ernîllo, panîllo, kivgallo angut, kivgallo arnak, Leviteojorlo, takorngartarlo, iliarsuglo, uigarnerlo, itertarvingnêtut.

Deuteronomy 18:6

Levikullo ilangat tikikune itârvit, Israêlekut pigijangita ilanganit tujormivigijaminit, tarnimelo kajungilarninganut tamânut tikikune inemut Nâlekab annerijanganut;

Deuteronomy 26:11

Ajungitullo tamaita Nâlekab Gûdivît tunijangit ilingnut iglomioᴋatingnullo serrijutigijaksarivatit, igvit, Levitiojorlo, tujormiarlo akunapsingnêtok.

Deuteronomy 26:12

Katersortatit tamaita tallimaujortôlijarêrungne jârit pingajuane, tagva jâreme tallimaujortôlêviksaujome, tallimaujortoat tunijaksarivat Levikunut, tujormiarnullo, iliarsungnullo, uigarnernullo, itertarvingne nerrijungnarᴋovlugit aᴋeartorlutiglo;

Deuteronomy 27:7

Tunergutiksaniglo ᴋujaliutiksanik tunergusertuksauvotit, nerrilugillo; serrijuksauvotillo Nâlekab Gûdivît sângane.

Josua 13:14

Kinguvarêlle Levikut kingormgutijaksamik tunnitsivigilaungilait; Nalekab Israelib Gudingata tunnergusiarijangit kingormgutigingmattigik, sorlo oᴋautilaungmagit.

Josua 13:33

Kinguvarêlle Levikut Mosesib kingormgutijaksamik tunnitsivigilaungilait; Nalegak Israelib Gudingât kingormgutigingmatsuk sorlo oᴋautilaungmagit.

Josua 14:4

Josefib ᴋittorngangit kinguvarêngolermatta maggoit, Manasse Efraimelo: tamanna pivlugo Levitit illangiutiviᴋartilaungilait nunamik, iglugasaksoarnigle iglogijaksanginik, aiparuserniglo iglugasaksuit avatanê nergjuteᴋotinginut perᴋutinginullo.