Deuteronomy 12:10 - Labrador Inuttitut Heritage Bible

¹⁰ Jordanele ikârsimagupsiuk, nunaᴋalerupselo nuname Nâlekab Gûdipse kingormgutijautitangane ilipsingnut, merngoerserviksaᴋartikpaselo ômigijipsingnit tamainit avatipsingnêtunit, terlikluse nunaᴋalerluse;

Deuteronomy 12:10 Iomraidhean Croise

I Atannit 4:25

Taimâk Judakut Israelitillo ussornarnarlutik nunakalaungmatta, nelliat napârtokotime Weineliksab atâne, Feigeliksablo atâne, Danemit Berseba tikkidlugo, Salomob inosingane tamât.

I Atannit 8:56

Nertortaule Nâlegak, inuᴋotiminut Israelitinut merngoêrsernermik tunnijilauktok, sorlo oᴋalaurame. Oᴋausek atauserlonêt tikkingilungilak oᴋausinginit ajungitunit tamainit, kivgamigut Mosesekut oᴋauserilauktanginit.

I Kronika 22:18

Nalekab Gûdipse ilagingilâse merngoêrsernermiglo tunnitsivigiluse avatipsingne ilûnane? Tapsoma nunab inungit tunnilaungmagit aggamnut, nunalo nalaktitaumavok Nalekamut, inuᴋotinginullo.

Imgerut 4:8

Innangavunga, sinniklungalo ullapirsauteᴋarlunga; igvit kissivît Nâlegak ikajoramga, inneᴋarᴋovlunga ussornarnartomik.

Exodus 33:14

Kiovorlo: Najornima ilaginiarpâtit, merngoersertitsomavagillo.

Salomob Okâl 1:33

Uvamnigle Nâlektok, ussornarnarlune nunaᴋarniarpok, Merngoêrserneᴋarniarlunelo, ᴋanoêtomiglo sivôraniangilak.

Jeremia 23:6

Tâpsoma uvlungane Juda piulijaujomârpoᴋ, Israêlelo terliklune nunaᴋaromârpoᴋ, tamannalo attinga atserartautiginiartanga: Nâlagaᴋ idluarsijutigijavut.

Jeremia 32:37

Ahâk, katersoromavakka nunanit tamainit ajaktortauviotilauᴋtamnit tâpkoninga ningarnimne, ᴋaningaumajârnimnalo, ilungertudlarnermelo; tikiutitsomagivakkalo tamaunga, terliklutiglo inôᴋojomavakka;

Jeremia 33:11

Kuviasuktut nippinginik, aliasuktullo nippinginik, nulianiktûb nippinganik, uiniktûblo nippinganik, ipkoalo nippinginik oᴋartut: Nâlagaᴋ Zebaot ᴋujagisiuk, Nâlagaᴋ ajungitôngmat, nâpkiningningalo soraijuitôngmat; ipkoalo tunergutinik ᴋujalitiksanik Nâlakab iglunganut âtsijut nippinginik. Nunab aularutijaujungit utertitsomârapkit sorlo pigiarnerme, oᴋarpoᴋ Nâlagaᴋ.

Hesekiel 28:26

Nunagijomârpâllo terliklutik; ila, iglolioromârput, vaineliksatalingniglo ilijivlutik, terliklutiglo nunagijomârpât; erᴋartuijarêruma tamainik avatinginêtunik pagvisartunik tâpkoninga; ᴋaujijuksauvullo uvangaugama Nâlegaᴋ Gudigijangat.

Hesekiel 34:25

Angeᴋatigêngnermiglo ulapirᴋsautelingmik angeᴋatigijomavakka, ômajullo erᴋsinartut nunamit pêjaromavakka; terliklutiglo nunaᴋaromârput sunaᴋajuitome, siniktarlutiglo napârtolingme.

Hesekiel 34:28

Pinasuaraksaujungnairomârpullo kingorngane nelojunut, nunablo nergjungita nerrijaksaringilait; terliklutigle nunaᴋaromârput, kinamullônêllo erᴋsititaujomângilat.

Hesekiel 38:11

Oᴋaromârpotillo: Takpaungaromavunga nunamut iglugasaktalingmut ᴋarmaᴋangitunut; aivigijomavakka uimajângitut, terliklutik nunaᴋartut, ᴋarmaᴋaratik seneroaᴋaratiglo upkoaᴋaratiglo inôjut:

Hesekiel 38:8

Uvlut unuktut ᴋângerpatta nelipsartaulârpotit; jârine kingorliojune tikitsomârpotit nunamut saviksoarmit utertitaujomut, inôᴋatigêksoarnit unuktunit katersortaumajunut, Israêlib ᴋaᴋᴋanginut, akunêrtomik inuᴋalaungitunut: inôᴋatigêksoarnille anititauvut, ilûnatiglo terliklutik nunaᴋalerput.

Deuteronomy 11:31

Ilipse Jordan ikâriaᴋarapsiuk iterᴋovluse nunalo Nâlekab Gûdipse tunijanga ilipsingnut, pigilugo, pigijaksarivaselo, tagvane iniᴋarniarluse.

Deuteronomy 3:27

Majorarit Pisgab ᴋânganut, takosarillo kangimut, taggamullo, seᴋinermullo, unungalo, ijingnullo takonârit; Jordan tâmna ikâraksarilunginangne.

Deuteronomy 33:12

Benjamin pivlugo oᴋarpok: Nâlekab erdligijanga terliklune ineᴋalârpok tâpsomane; serngnigivâ uvloᴋ nâvlugo, tuîkitalo akorngangne ineᴋalârpok.

Deuteronomy 33:28

Israêlelo terlingnartome ineᴋarpok, Jakob puailavinga ingmigolingavok nuname senaugaksatalingme vainelingmelo; ila, ᴋilangit kuserput misuksoarmik.

Deuteronomy 4:22

Toᴋojuksaugamale nuname tamattomane, Jordaniblo ungatânôrtuksaunanga; ilipsele ikâlârpose nunatsiarlo tâmna pigilugo.

Deuteronomy 9:1

Omat, Israêl, uvlome Jordan ikârniarpat, iterniarlutillo inôᴋatigêksuit anginersat pitsartunersallo ilingnit piginiarlugit, iglugasaksuillo angijut, ᴋilangmut tôᴋtunik avalulit;

Josua 11:23

Taimak Josuab nuna illunât aksarnigariva, taimamarik sorlo Nalekab Mosese oᴋautilaungmago, tunnivalo Israelitinut kingormgutijaksauvlune tapkonunga, kinguvarêt illunatik attunit ikkupianganik. Nunamelo unnatadlarnaᴋarungnailaukpok.

Josua 14:1

Tamannauvorle Israelib ᴋittorngangita aksarnigarilauktangat nuname Kanaanene, ajochertuijub Eleaserib, Josuablo Nunib erningata, atatallo angajoᴋaunerojut Israelib ᴋittorngangita kinguvârengningita akkorngane, avilauktangat tapkonunga,

Josua 3:17

Ajochertuijullo Nalekab angersimaningata iklervinganik akkigartut, nangerput taimak ipterilingajome Jordanib ᴋerᴋane. Israelitillo illuêngarlutik iᴋârput erᴋagut ipterilingajokut, innugasaksuit illunamasiatik Jordanib akkianut tikkiᴋârtinagit.

Josua 4:12

Rubenikullo Gadikullo, kinguvarêllo Manassekut ketterᴋangit, sakkolijarlutik Israelib ᴋittorngangita sivorlerilaukpait, sorlo Mosesib oᴋautilaungmagit;

I Samuel 7:12

Tagva Samuelib ujarak tiguva, nappartilugolo Mizpab Seniblo akkorngangne, atserarpâlo Ebenezeremik, oᴋarlunelo: Maunga tikkilugo Nalekab ikkajorlaukpâtigut.