Deuteronomy 11:16 - Labrador Inuttitut Heritage Bible

¹⁶ Udjertorupsele ilipsingnik, ômatise uivêrijauᴋonagit, sanguᴋonaselo Gûdib assingit kivgartoromavlugit pâmaktervigivlugillo;

Deuteronomy 11:16 Iomraidhean Croise

I Atannit 8:35

ᴋillaglo parngnanairsimalerangat, sillaluluganelo, idluitullilaungmatta illingnut; tuksiarniarpattalo inneme omane, atillo kigligiutilugo pinniarpatta, ajornermingnillo sâpatta, pitlarangne;

Hiobe 31:27

Omattiga angigutsivlune tilliortaukolauᴋâ, ᴋanerma aggakka kunniklugit perᴋovlugo?

Jesaiase 44:20

Argjat (tiktaujut) tigunasuarpait, õmatingata uivêrijaumajub tammartipâ, tarnine piulivlugo sapperpâ, imâglo issumaᴋangilaᴋ: Tallerpiga uivêrinartunik sullijaksaᴋangilâᴋ?

Lukase 21:34

Ilipsele udjertoritse, ômatise oᴋumailerᴋonagit nerritunermut imertunermullo, nunab pinginik pinasuarnermullônêt, uvlormut taipsomunga opingartaukonase.

Lukase 21:36

Taimâk pivlugo pigâtsainaritse tuksiarluselo, ᴋemâjuksauᴋovluse tamakkoninga pijomârtunik ilûnainik, Inûblo Erningata sângane nangerungnarᴋovluse.

Lukase 21:8

Oᴋarporle: Kamatitse, uivêrijauᴋonase. Unuktut tikitsomârmatta atera aterivlugo, oᴋarlutiglo: Kristûseovunga, naliusimajomiglo (oᴋarmilutik). Taipkoa malingniarasigik.

Deuteronomy 12:30

Udjertorit kajungersartauᴋonak tâpkoa maligomavlugit, asserortauᴋârtilugit sivunerne; Gûdingoangillo aperᴋutiginiarnagit, oᴋarlutit: ᴋanok inôᴋatigêksuit ukkua kivgartorᴋât Gûdingoamingnîk? Taimailioromagama uvanga.

Deuteronomy 13:3

Nelautaijûb sinnartômajûblônêt tâpsoma oᴋauserijangit nâlagaksaringilatit; Nâlekab Gûdipse ôktormase, ᴋaujijomavlune Nâlegak Gûdise nagligimangâpsiuk ômatipsingnut tamânut tarnipsingnullo tamânut.

Deuteronomy 17:3

Kivgartoriartorlutik Gûdib assinginik, pâmaktervigilugillo, seᴋinermiglônêt, takᴋermiglônêt, ᴋilaublônêt katimgajoksôningita ilanganik, perᴋojijutigilungitamnik;

Deuteronomy 28:14

Sangujuksaungilatillo oᴋautsit perᴋojakka ilingnut uvlome nelianillônêt, talerpingmullônêt saumingmullônêt, piniaromanagit, Gûdib assingit maligomavlugit kivgartorlugillo.

Deuteronomy 29:17

Takolaurapselo maᴋojungnartulininginik Gûdingoanginiglo, ᴋejungnik ujarᴋaniglo, goldemik silberemiglo, tâpkonanêtunik;)

Deuteronomy 29:18

Akunapsingnêtoᴋarᴋonago angutimiglônêt, arnarmiglônêt, ᴋitorngarêngniglônêt, kinguvârêngniglônêt, ômatekut tunutomik Nâlekamik Gûdiptingnik, inôᴋatigêksuit tâpkoa Gûdingoangit kivgartoromavlugit; amâᴋarᴋonago akunapsingne mamaitoâlungmik tipilingmik, ᴋasilinartomiglo nutaijoktotaᴋartomik;

Deuteronomy 30:17

Omatille ᴋeviarpat, tusaromangikuvillo, uerisartauguville, Gûdiblo assingit pâmaktervigigungne kivgartorlugillo;

Deuteronomy 31:20

Tikiutisimagupkit nunamut nelautsimariktomik angerutigilauᴋtamnut atâtagijanginut, imungmik igupsaujârtullo orᴋsunganik kôlingmut; nerrisimaguniglo, aᴋeartorlutik ᴋoiglaulutiglo; sangulârput Gûdinut assimnut kivgartorlugillo, naggogilârpângalo, angerᴋatigêngnera serᴋomilugo.

Deuteronomy 4:23

Udjertoritse nangminipsingnik, puigorᴋonase Nâlekab Gûdipse angerutigijanganik ilipsingnut, adsingoaliorᴋonaselo sunab adsinganik Nâlekab Gûdivît inerterutigijanganik ilipsingnik.

Deuteronomy 4:9

Udjertortuinarit ilingnik, tarnîllo katsungaidlutit pairiuk, puigorᴋonak pisimajunik ijîkpît takojangangnik, pêjarᴋonagillo ômatingnit uvlut inôvigilârtatit tamaita nâvlugit; ᴋaujijautikille ᴋitorngarnut ᴋitorngavillo ᴋitornganginut;

Deuteronomy 5:7

Senipkut assimnik Gûdeᴋartuksaungilatit.

Deuteronomy 8:19

Nâlegarle Gûdît puigorungne, tâpsomalo asingit Gûdingoat maligungne, kivgartorlugit, pâmaktervigilugillo, tagva kigligiutjivigivapse uvlome, nungutaumarilârapse.

Ebrêerinut 12:15

Udjertoritselo Gûdib saimarsautânik kingurailertoᴋarᴋonago; amârmik ᴋassilinartomik perortoᴋarᴋonago, akkerartortigêngnermik saᴋᴋertitsilune, unuktullo tâpsomunga ivsornartitaulerkonagit.

Ebrêerinut 2:1

Taimaimat oᴋauseᴋ tussartavut nâleluariaᴋarpavut tamarᴋonata.

Ebrêerinut 3:12

Udjertoritse ᴋatangutikka, nelise ilipsingne ômateᴋartailile ajortomik, okpingitomik, Gûde ômajoᴋ nâlegungnairlugo pijomik.

Ebrêerinut 4:1

Tagva mâna udjertorta angervionivut iterniarnivut merngoerservioᴋojanganut kamaginago pinata, nelivut kinguraiᴋonago.

Jâkobusib 1:26

Akunapsingnêtoᴋarpalle Gûdemik kivgartorasugijomik, oᴋanelo atornerluktailitingikuniuk, ômatinele asserorlugo: tâpsoma Gûdemik kivgartorninga piutsangilak.

I Johannesib 5:21

Kitorngârsuit, Gûdeungitut alarsigik. Amen.

Takotitaunermik 12:9

Kuglugiaᴋsoarâluglo angijok anititauvok, ᴋuglugiatoᴋak ateᴋartok: Passiklertemik Sâtanasemiglo, silaksoarmiunik tamainik asseroijok, egitauvlunelo nunamut, Engelingillo egitaugivut.

Takotitaunermik 13:14

Nunamiullo tamartidlugit tatamnartut piniarungnartitaujutigijane nergjutsûb takoane pivlugit; oᴋautivlugillo nuname nunaᴋartut, adsiliorᴋovlugit nergjumik, saviksoarmut ikilertaulauktomik, ômatitaulauktomiglo.

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.

I Samuel 12:20

Samuele innuksoarnut oᴋarpok: Sivuraniarase, idluitunik tamakkoninga tamainik pinnialauralloarpose, kissiane nûniarase Nalegak tunnulugo, kivgartorsiugle omamut tamânut;

I Samuel 12:21

Sangunaselo suksaungitok malliklugo, piutsangimat, piuliklerungnangilarlo, sunaungitôngmat.