Deuteronomy 1:8 - Labrador Inuttitut Heritage Bible

⁸ Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 1:8 Iomraidhean Croise

Genesis 12:7

Nâlekablo Abra saᴋᴋervigivâ oᴋautilâlo: Kinguvâksarnut nuna manna tunijomârpara. Tagva tunerguserviliorpoᴋ tagvane Nâlekamut saᴋᴋervigijiminut.

Genesis 15:16

Ernerêlle kingorlerêt sittamaingit tamaunga utteromârivut, Amoriterit idluituliningat sulle nâmaksingimat.

Genesis 15:18

Uvlorme tamattomane Nâlekab Abra angervigivâ, oᴋarlune: Nuna tamanna tunijomârpara kinguvâksarnut Egiptenib kôksoanganit kôksoarmut Faratemut,

Nehemia 9:15

ᴋakᴋojamiglo ᴋilangmit tunnitsivigilaukpattit kâktilûgit, immermiglo anniᴋojilaukpotit tapᴋonunga ᴋairtomit immerulauktilûgit; oᴋarvigivattillo aijuksaungmatta nuna nangmineliutilugo, aggangnik issajutigilauktat kôngmut, tunnijomavlugo tapᴋonunga.

Exodus 23:31

Kigleᴋartitsomavagillo imarbingmit, suvlolingmit Filisterit imarbinganut, sunaᴋajuitomillo kôngmut: nunab inungit tunijomagapkit aggangnut; ungorlârpatillo sivunerkut.

Exodus 33:1

Nalekablo Mosese oᴋautivâ: Aularit, tamângat majoarit, igvit inuillo tikiutititatit nunamit Egiptenemit, nunamut angermarijutigilauktamnut Abrahamut, Isaarmullo, Jakomullo, oᴋarlunga: Kinguvâksarnut tunijomavara.

Jeremia 32:22

Tunitjivigilugillo nunamik ominga, angerutigilauᴋtarnik atâtagilauᴋtanginut tunijomavlugo tâpkonunga, nunamik imungmik igupsaujartullo orᴋsuanik kôlingmik;

Hesekiel 47:14

Kingormgutilârivaselo adsigêktomik, aggakka ᴋongmuartilaurapkit tâmna pivlugo, tunijomagapko atâtagilauᴋtapsingnut: nunalo tamanna kingormgutijaksauvoᴋ ilipsingnut.

Numbers 14:23

Tâpkoa ila tautuktuksaungilat nunamik angerutigilauᴋtamnik atâtanginut, naggojullônêt uvamnik neliata takoniangilâ;

Numbers 32:11

Angutit tâpkoa majoralauᴋtut Egiptenemit jâreᴋartut 20nik ununersaniglo, neliatalônêt nuna angerutigilauᴋtara Abrahâmut, Isaarmullo, Jâkomullo takoniangilât; ilungertorlutik malingimanga;

Deuteronomy 1:11

Nâlekab atâtapse Gûdingata unuksivaliatilise tausendêrtortomik mânamit, saimartiliselo sorlo angervigilaungmase.

Deuteronomy 1:35

Angutit ukkua kinguvârêt idluitut ilangata atautsiblônêt nuna ajungitok angerutigilauᴋtara tunijomavlugo atâtanginut, takojaksaringilâ,

Deuteronomy 10:11

Nâlekablo oᴋautivânga: Makitit, ingergarlutillo inuit sivorngatigut, tâpkoalo itertuksauvut, nunalo angerutigijara atâtanginut tunijomavlugo tâpkonunga, pigilugo.

Deuteronomy 11:24

Itikapse alungita tulerajarvigijangit tamaita pigilârpase; sunaᴋajuitomit Libanonemillo kôngmillo Faratemik taijamit, imarbingmut kangerdlermut kigliviᴋartuksauvose.

Deuteronomy 11:9

Uvluselo unuksivaliaᴋovlugit nuname Nâlekab angerutigijangane atâtapsingnut, tâpkonunga kinguvânginullo tunijomavlugo, nuname imungmik igupsaujârullo orᴋsuanik kôlingme.

Deuteronomy 2:29

Sorlo Esauib ᴋitorngangit, Seireme nunalit, Moabekullo, Areme nunalit, piniarvigilaungmanga; Jordanekut ikârᴋârtinanga nunamut Nâlekab Gûdipta tunijanganut uvaptingnut.

Deuteronomy 26:15

Inigijarnit ivsornaitomit, ᴋilangmit, takosalaurit, saimarsarkillo inuᴋotitit Israêlikut, nunalo tunijat uvaptingnut, sorlo saglungimariklutit oᴋalauravit atâtagijaptingnut, nuna kôᴋartok imungmik igupsaujârtullo orᴋsuanik.

Deuteronomy 26:3

Ajuᴋertuijorlo uvlune tâpkonane tagvanêlârtok aivigijaksarivat oᴋautilugolo: Kigligiksarpunga uvlome Nâlekamut Gûdingnut tikisimagama nunamut Nâlekab angerutigilauᴋtanganut atâtagijaptingnut tunijomavlugo uvaptingnut.

Deuteronomy 28:11

Nâlekablo piᴋangârtitsomârpâtit idluarᴋutaujunik, timivît paunganginik, nergjuteᴋotivît paunganginik, nunavîllo paunganginik, nuname, Nâlekab nelautsimariktomik angerutigilauᴋtangane atâtagijarnut, ilingnut tunijomavlugo.

Deuteronomy 29:12

Naᴋitsiᴋovlutit Nâlekab Gûdivît angerᴋatigêngnerijanganik nelautsimariktitanganik Nâlekab Gûdivît âᴋiksortanganik ilingnut uvlome;

Deuteronomy 30:20

Nâlegak Gûdît nagligijomavlugo, nippinga nâlagomavlugo, ungagijomavlugolo; tamanna inôgutigigangne, inutoᴋautigilugolo; ineᴋarᴋovlutit nuname Nâlekab angermariklune angerutigijangane atâtagijarnut, Abrahamut, Isaarmullo, Jakomullo, tunijomavlugo tâpkonunga.

Deuteronomy 31:7

Mosesiblo Josua ᴋaigarsugvigivâ, oᴋautilugolo Israêlekut ilûnatik sângine: Sôngosilerit maksuavlutillo; inôᴋatigêksuit ukkua iterᴋatigilârangne nunamut Nâlekab nelautsimariktomik angerutigilauᴋtanganut atâtanginut tunijomavlugo tâpkonunga; igvillo kingormgutijaksautilugo avgolârpat tâpkonunga.

Deuteronomy 34:4

Nâlekablo oᴋautivâ: Tamanna nuna, nelâgôrmariktomik angerutigilauᴋtara Abrahamut, Isaarmullo, Jakomullo, oᴋarlunga: Tunijomajomârpara kinguvângnut; ijingnut takotipagit tâpsominga, tagvungale ikârtuksaungilatit.

Deuteronomy 4:1

Manalo, Israêl, maligaksat idluarsautiksallo Ajuᴋertûtigijakka ilipsingnut tusarsigik, piniarᴋovluse tâpkoninga; inôᴋovluse, iterᴋovluselo nunalo Nâlekab, atâtapse Gûdingata, tunijanga ilipsingnut pigilugo.

Deuteronomy 6:10

Nâlekablo Gûdivit tikiutitikpatit nunamut, oᴋamariklune angerutigijaminut atâtagijarnut, Abrahamut, Isaarmullo, Jakomullo, tunijomavlugo ilingnut; iglugasaksuit angijut ânanaudlartullo, senalaungitatit,

Deuteronomy 7:12

Imailarporlo, idluarsautiksat makkoa tusârangne, kamagilugillo, piniarlugillo, Nâlekab Gûdivît angerutigijane nâpkiningninelo oᴋautigimariktane atâtagijarnut, nelautsitilârivait;

Deuteronomy 7:13

Nagliginiarpâtillo, saimarsarniarpâtillo, unuksitiniarpâtillo; timivîllo paungangit nunavîllo paungangit saimarsarniarpait, senaugaksatillo, vainiksatillo, orᴋsutillo, tuktuvaᴋotivîllo piarangit, saugakotivîllo piarangit, nuname oᴋamariklune angerutigijane atâtagijarnut tunijomavlugo ilingnut.

Deuteronomy 7:8

Nâlekable nagligidlarmase, angerninelo oᴋautigimariktane atâtapsingnut serᴋomitsomanginamiuk, Nâlekab tamaungautipâse aggangnut pitsartujunut, piuliluse iglomit kipalovingmit, Faraub, Egiptenib ataningata, agganginit.

Deuteronomy 8:1

Perᴋojat uvlome ilingnut perᴋojijutigijakka tamaita kamagijaksarivase piniarlugillo, inôᴋovluse, unuksiᴋovluselo, iterᴋovluselo nunalo Nâlekab angerutigijanga atâtagijapsingnut pigilugo piᴋovluse.

Deuteronomy 9:5

Idluarnît pitjutigilugo ômativîllônêt nelâgôrninga pitjutigilugo itilungilatit nunangat piginiarlugo; inôᴋatigêksuille tâpkoa idluiningit pitjutigilugit Nâlekab Gûdivît ᴋemâtipait sivunernit, oᴋauserlo Nâlekab angermariklune oᴋautigijanga atâtagijarnut Abrahamut, Isaarmullo, Jakomullo soᴋosijuiᴋovlugo.

Ebrêerinut 6:13

Gûdible Abraha angervigilauramiuk, assiminik anginersamik taijaksaᴋanginame, nangminerminik taisivoᴋ,

Ebrêerinut 6:14

Oᴋarporlo: ahamarik ila, saimauseromavagit kinguvâksatillo unuksivalliatitsomavakka.

Josua 1:6

Maksoalerit mungungajuilutillo; nunamik aviksijuksaugavit innugasaksoarnut ukkununga, angerutigilauktamnik atâtagijanginnut, tunnijomagapᴋo tapkonunga.

Idluarsaijut 2:1

Nâlekable Engelinga ᴋailaukpok takpaunga Gilgalemit Bochimemut, oᴋarlunelo: Tesiorlaukpapse takpaunga Egiptenemit, tikkiutiluselo nunamut atâtagijapsingnut angerutigilauktamnut, oᴋalaukpungalo: angernera illipsingnut soᴋosertitsomanginapko isoᴋangitomut: